I Tim 4:8 - Sơ̆p Hlabơar Nơ̆r 'Bok Kei-Dei

⁸ Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

I Tim 4:8 Iomraidhean Croise

Jop 22:2

Kon bơngai hăm đei yua kiơ kơ Kră Yang 'Bok Kei-Dei ưh? Bơngai hơgei lăp pơyua ăn kơ sư kơdih đĕch.

Jop 36:11

Tơdah lu sư chu mơ̆ng păng bơ̆jang kơ Kră Yang, lei dôm năr lu sư gô arih đei tơdrong hiôk chơt, sơnăm lu sư pŭn jơnap.

Horiso 145:19

Sư ăn tôm mah kơ lu đe bu hli yom kơ Sư. Kŭm mơ̆ng nơ̆r lu sư krao apinh păng dŏng pơklaih lu sư.

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

Horiso 37:29

Lu bơngai tơpăt gô đei teh, Păng oei hloi tơ noh ling-lang.

Horiso 37:9

Yua kơ lu bơngai kơnê̆ gô răm đĭ; Mă-lei gah lu bơngai chang gô Kră Yang gô đei teh jang sa.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Tơdrông Pơđơk 19:23

Tơdrong hli yom kơ Kră Yang ba tơdrong arih. Bu đei tơdrong noh hiôk-hian hloh; ưh pă đei rŭng răng.

Tơdrông Pơđơk 22:4

Tơdrong apah kơ bơngai iŏk đon ala, păng hli yom kơ Kră Yang. Noh tơdrong mơdrŏng, tơdrong arih păng đe pơyom.

Bôk Bơthô 8:12

Yua kơ lu bơngai mă pơm kơnê̆ hơdôm hrĕng wơ̆t, kư̆m oei arih sot; lei ră inh băt lu bơngai hli yom kơ Kră Yang 'Bok Kei-Dei, sĭt gô đei tơdrong pŭn hiôk yua lu sư hli yom Kră Yang 'Bok Kei-Dei.

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Êsai 33:16

Bơngai noh sư gô oei tơ lăm anih kơjung Sư gô kơ'nơp tơ lăm kông tơmo kơjăp tơmam sa sư rơkah rơkai, đak nhă sư mah ling-lang.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Mathiơ 12:32

Bu pơjăm Inh Kon Bơngai, 'Bok Kei-Dei kư̆m huay kơ jô̆ yo kơ sư ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih boih bơngai noh, mă đơ̆ng dang ei truh tơ ning-mônh.

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Markôs 10:30

bơngai 'noh dang ei 'Bok Kei-Dei tơgŭm sư hloh loi kơ sư tam mă lui sơ̆, mă hnam, mă 'nhŏng oh, mă mĕ 'bă, mă kon, mă mir 'ba, sư gô đei lơ hloh kơ sơ̆ tơpă. Sư kư̆m đei tơdrong anat anot yua kơ jang tơdrong Inh kơplah dang ei mơ̆n. Mă-lei ning-mônh sư gô arih ling-lang ưh kơ đei layơ tôch.

Luka 5:38

Tơ̆ng bu wă tring sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

I Kor 3:22

Iĕm đei Pôl, đei Apôlê, đei Pêtrôs, iĕm đei tôm tơdrong ala teh âu, iĕm kư̆m arih ling-lang ưh pă lôch boih; iĕm kư̆m đei tôm tơdrong ahrei păng kư̆m đei tôm tơdrong ning-mônh. Dôm tơdrong noh tơmam iĕm ngăl

I Kor 8:8

Dôm tơmam sa ưh kơ đei tơgŭm bơ̆n lui kơ 'Bok Kei-Dei kơjăp ôh. Păng mă tơmam đe sơmah dah đe pơm kiơ kiơ, dah bơ̆n kơ̆m kơ sa, sư kư̆m ưh kơ pơm kơ bơ̆n lui rơdu ôh. Mă bơ̆n pơm kư̆ kă sa tôm tĕch tơmam đe sơmah dah đe 'buh sa pơm kiơ kiơ, sư kư̆m ưh kơ gơh pơm kơ bơ̆n lui rai kơjăp hloh mơ̆n.

I Tim 4:7

Ih 'nĕ mơ̆ng tơdrong đe roi hơ'mon kư̆ kă. Đe roi tơdrong 'noh ưh kơ đei lĕch kiơ. Pơhrăm tơdrong 'Bok Kei-Dei đĕch kăl hloh.

I Tim 6:3

Bơngai bu bơtho chroih tơ nai ưh kơ 'blep trŏ thoi Kră Yang bơ̆n Yêsu Krist bơtho, tơdrong sĭt tơpă na bơ̆n lui âu, bơngai 'noh sư chă pơang akâu kơdih sư đĕch. Sư kơkal 'bơ̆r rơkah, sư ưh kơ pơwao akâu kơdih wă pơma thoi yơ. Sư 'maih chă pơjah pơjăng đĕch, sư chă pơma kơ bôl buăl sư, sư pơjah pơjăng dih băl păng che bơle, tơgar nơ̆r pơma, bu kư̆m wă kơ jei bu. Păng sư chă đăk đon kơdih khan đe wă pơm kơnê̆ kơ sư.

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”

I Tim 6:6

Dah bơ̆n lui tơpă hăm đĭ jơhngơ̆m, noh kư̆m dang bơ̆n mơdrŏng mơ̆n yua kơ jơhngơ̆m bơ̆n hiôk 'lơ̆ng păng Sư boih.

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

I Yo 2:25

Thoi noh bơ̆n gô arih ling-lang, kư̆m thoi Yêsu Krist pơkă sơ̆.

Tơdrông Tơ'bôh 3:12

‘Tơdrong tơblah păng yang kơnê̆ jei bơngai bu, Inh gô ăn kơ bơngai noh pơm jrăng hnam akŭm 'Bok Kei-Dei 'Bă Inh tơ Pơlei 'Lơ̆ng Sư. Sư pơdơ̆ng wei hnam noh ling-lang. Păng Inh chơ̆m đŏng yâu 'Bok Kei-Dei 'Bă Inh tơ klĕng sư păng anăn Pơlei 'Lơ̆ng 'Bok Kei-Dei 'Bă Inh. Pơlei 'noh wă khan Pơlei Jêrusalem 'nao mă 'Bă Inh gô tơjur đơ̆ng plĕnh ning-mônh. Păng Inh kư̆m chơ̆m đŏng yâu Inh tơ klĕng sư. Đŏng yâu noh chih anăn Inh 'nao pơjing.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.