I Tim 4:15 - Sơ̆p Hlabơar Nơ̆r 'Bok Kei-Dei

¹⁵ Ih athei pơm kiơ̆ kơ dôm tơdrong inh pơkă kơ ih âu. Ih athei adrin tơpă thoi noh na wă kơ đĭ-đăng bôl lăng ih rai đunh rai kơjăp gah tơdrong 'Bok Kei-Dei.

I Tim 4:15 Iomraidhean Croise

Horiso 1:2

Mă-lei chơt hiôk lăm tơdrong juăt Kră Yang, păng tơchĕng tơdrong juăt ei măng năr.

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 105:5

Athei 'blŏk bĕ dôm tơdrong jang hlĭch chrơp Sư đei pơm boih Tơdrong hlĭch chrơp păng tơdrong sek tơlang đơ̆ng 'bơ̆r sư đei khan.

Horiso 119:148

Măt inh kral prăt măng ưh kơ tep, wă kơ tơchĕng kơ nơ̆r Ih pơkă.

Horiso 119:15

Inh oei tơchĕng ling-lang kơ tơdrong juăt ih. Lăng kơchăm lăng tơ trong Ih.

Horiso 119:23

Yŏng pơgơ̆r oei pơđâu chă wă pơm kơ inh; Mă-lei đĭch đam Ih gô tơchĕng kơ khôi juăt Ih.

Horiso 119:48

Inh gô yơ̆r ti gah nơ̆r tơtă Ih, mă inh 'mêm păng tơchĕng kơ lu tơdrong juăt Ih.

Horiso 119:97

Inh 'mêm kơ khôi juăt Ih dêh! Prăt năr inh tơchĕng kơ khôi juăt noh.

Horiso 119:99

Inh đei đon hơgei hloh kơ lu bơngai bơtho inh. Yua kơ inh tơchĕng lu tơdrong đêl Ih bơtho khan.

Horiso 143:5

Inh 'blŏk kơ năr adrol sơ̆, hơdơ̆r kơ dôm tơdrong jang Ih. Păng tơchĕng kơ tơdrong jang đơ̆ng ti Ih đei pơm.

Horiso 19:14

Ăn kơ nơ̆r pơma đơ̆ng 'bơ̆r inh, Ơ Kră Yang Ih jơ̆ thoi tơmo pĕng inh, Păng jơ̆ Kră Yang dŏng pơklaih inh, Hăm tơdrong tơchĕng đơ̆ng lăm jơhngơ̆m inh jing 'lơ̆ng pơm kơ Ih lăp đon!

Horiso 49:3

'Bơ̆r inh gô pơma tơdrong hơgeic tơdrong tơchĕng đơ̆ng lăm jơhngơ̆m gô jing tơdrong hlôh wao.d

Horiso 63:6

Kơplah inh 'bĭch kơpal giơng inh 'blŏk kơ Ih. Na inh kral gak prăt măng tơchĕng kơ Ih ling-lang

Horiso 77:12

Inh kư̆m gô tơchĕng kơ dôm tơdrong Ih pơm boih. Păng oei tơchĕng kơ lu tơdrong jang hlĭch Ih noh.

Jo 8:26

Mă-lei kư̆m oei tơgŭm lu 'nhŏng oh lu sư lăm Bơsŭn Anih Akŭm, wă jang wei-lăng dôm lu tơmam mă đei pơjao boih kơ lu sư bơngai Lêwi, mă-lei lu sư ưh pă đei bơ̆jang boih. Ăn kơ ih athei pơm kiơ̆ tơdrong juăt noh kơ bơngai Lêwi kơplah ih pơjao ăn kơ lu sư tơdrong jang.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Jang 6:4

Na nhôn krao khan păng bơtho tơdrong 'Bok Kei-Dei đĕch.”

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

II Kor 4:14

Nhôn băt kơ 'Bok Kei-Dei tơiung arih Yêsu Krist, Sư gô tơiung arih nhôn mơ̆n thoi Sư tơiung arih Yêsu Krist. Klaih kơ noh Sư gô anhăk nhôn hăm iĕm oei hơdai Sư.

II Kor 8:5

Nhôn ngêh kơ lu sư pơm 'blep kơ đon nhôn tơchĕng đĕch, lu sư pơm hloh kơ đon nhôn tơchĕng dơ̆ng; lu sư pơyơ̆r ăn akâu lu sư kơ Kră Yang wă tơgŭm nhôn hai, lu sư pơm thoi 'Bok Kei-Dei lăp đon dêh.

I Tim 4:14

Sơ̆ lăp lu kră pel kơ̆l ih na 'Bok Kei-Dei ăn kơ lu bơngai khan lê̆ hơdrol gah ih, 'Bok Kei-Dei ăn kơ ih jang tơdrong Sư pran hơgei. Na ih athei gơnang kơ 'Bok Kei-Dei tơgŭm ih ling-lang tơdrong ih hơgei 'noh.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.