I Tim 4:11 - Sơ̆p Hlabơar Nơ̆r 'Bok Kei-Dei

¹¹ Lu tơdrong mă inh bơtho ih âu mă hei, ih athei bơtho păng ată kơ lu bôl lui dơ̆ng hŏ.

I Tim 4:11 Iomraidhean Croise

I Tim 5:7

Ih khan kơ lu bơngai mă oei mĕ dah yă adro po, ih athei lu sư wei-lăng 'me sa kơdih wă kơ đe huay kơ pơjĭp pơjăm bâu roi. Dah bơngai lui bơ̆n bu mă ưh kơ wă tơdŏng mơnat kơ mĕ 'bă, yă 'bok, 'nhŏng oh, kon akăn sư, đe lăng dang lĕ ưh kơ lui boih. Đe lăng sư kơnê̆ hloh kơ lu bơngai tam mă lui dơ̆ng.

I Tim 6:2

Đei bơngai đĭch păng yŏng, bre sư jing 'nhŏng oh yua kơ bre sư lui kơ Kră Yang boih, na bơngai đĭch ei athei lui yom kơ yŏng sư, sư jang kơ yŏng sư 'lơ̆ng hloh kơ sư tam mă lui sơ̆. 'Noh yua kơ sư đei đon 'mêm tơpă kơ yŏng sư, yua kơ yŏng sư bôl bơngai lui. Ih athei bơtho kơ đe dôm tơdrong inh ată wă kơ đe pơm kiơ̆.

Tit 2:15

Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.