I Tim 4:1 - Sơ̆p Hlabơar Nơ̆r 'Bok Kei-Dei

¹ Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

I Tim 4:1 Iomraidhean Croise

Bl 3:13

Kră Yang 'Bok Kei-Dei jet bơngai drŏ-kăn thoi âu: “Ih pơm kiơ thoi noh?” Bơngai drŏ-kăn tơl khan: “'Bih sư pơhlŭ inh na inh sa boih.”

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Je 23:26

Tơdrong 'nâu oei đei lăm jơhngơ̆m lu bơngai khan lê̆ adrol hơlĕnh, pơma kiơ̆ kơ jơhngơ̆m đon lu sư kơdih, dĭng dang yơ?

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Je 49:39

Mă-lei lăm chăl đơ̆ng rŏng, inh gô tơiung lu bơngai Êlam wih brŏk đơ̆ng pơm bơnă. Noh Kră Yang khan.

Êsêkiên 1:3

Kră Yang khan tơ'bôh kơ Êsêkiên, kon drŏ-nglo 'bok soi Busi, kơplah sư oei lăm char Kalđê jih đak krong Kêbar; tơ noh Kră Yang dan ti kơpal sư.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Mathiơ 18:7

Tơpă yơh bơ̆n gô đei tơdrong đe pơhlŭ bơ̆n pơm yoch, mă-lei lu bơngai pơhlŭ bơ̆n noh, ning-mônh 'Bok Kei-Dei gô phak pơmat lu sư kal dêh.

Luka 17:1

Yêsu khan kơ lu bơngai pơhrăm păng Sư thoi âu: “Tơpă yơh iĕm gô đei tơdrong đe pơhlŭ iĕm wă kơ iĕm pơm yoch, mă-lei lu bơngai mă pơhlŭ iĕm noh sư gô pơmat-tat.

Yo 16:13

Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Jang 13:2

Minh năr ei, lu sư ơ̆t kơ por, yua kơ sư wă krao khan kơ 'Bok Kei-Dei. Na Yang Bơhngol 'Lơ̆ng khan kơ lu sư: “Iĕm ăn kơ Inh bre 'Barna'ba păng Sôl wă kơ bre sư gơh jang kiơ̆ kơ Inh ăn kơ bre sư.”

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 20:23

Tơ rim pơlei Yang Bơhngol 'Lơ̆ng pơma kơ inh khan lăp inh truh tơ Pơlei Jêrusalem inh gô đei tơdrong pơmat đe rôp tah inh tơ hnam phak.

Jang 21:11

Abus sư năm hơpong tơ nhôn hăm hloch iŏk tơlei tơ̆n Pôl chô̆ hloi jơ̆ng ti sư kơdih. Sư khan: “Yang Bơhngol 'Lơ̆ng tơbăt kơ inh thoi âu: ‘Thoi inh chô̆ jơ̆ng ti inh kơdih âu, lu bơngai Juđê tơ Pơlei Jêrusalem gô chô̆ jơ̆ng ti ih hăm jao ih tơ bơngai nai dêh đe tơmoi.’ ”

Jang 28:25

Na lu sư wă tơklah dih băl brŏk tơ hnam kơdih, lu sư oei pơjah dih băl gah tơdrong Pôl bơtho. Hơdrol kơ lu sư wă brŏk, Pôl khan kơ lu sư thoi âu: “Yang Bơhngol 'Lơ̆ng ăn kơ bơngai pơtruh nơ̆r 'Bok Kei-Dei sơ̆, anăn sư Êsai, khan kơ lu 'bok kơdră bơ̆n sơ̆, na 'blep kơ iĕm ưh kơ lui dang ei.

I Kor 10:20

Inh wă khan thoi âu: Tơmam lu bơngai kiơ̆ yang kơnê̆, lu sư sơmah kơ yang kơnê̆, 'noh ưh kơ sĭ lu sư sơmah kơ 'Bok Kei-Dei ôh. Na inh kuă ăn iĕm sa tơmam 'noh, dah iĕm sa dang iĕm pôm đon hăm yang kơnê̆ mơ̆n.

I Kor 11:19

Iĕm ling-lang juăt kơ tơklah dih băl đon thoi noh iĕm tơchĕng lăng, bu kơ iĕm pơm đon 'lơ̆ng đon kơnê̆.

I Kor 12:11

Đei minh 'nu Yang Bơhngol 'Lơ̆ng đĕch ăn kơ bơ̆n tôm tơdrong hơgei 'noh, Sư asong kơ rim 'nu bơngai bu kiơ̆ kơ Sư wă.

I Kor 2:10

Mă-lei 'Bok Kei-Dei ăn kơ bơ̆n Yang Bơhngol 'Lơ̆ng tơbăt ăn kơ bơ̆n tơdrong 'noh, yua kơ Yang Bơhngol 'Lơ̆ng băt tôm tơdrong 'Bok Kei-Dei mă jrŭ dang yơ.

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

Kôlôsê 2:18

Lu bơngai 'noh, lu sư athei bơ̆n kiơ̆ sư iŏk đon ala kơ đe. Lu sư khan lu sư đei tơdrong apo tơ'bôh kơ lu sư đơ̆ng plĕnh wă kơ bơ̆n kiơ̆ lu sư kơkuh kơ linh jang kiơ̆ tơdrong giĕng lu sư, na mưh lu sư 'bôh bơ̆n ưh kơ kiơ̆ lu sư, lu sư khan bơ̆n yoch boih. Mă-lei iĕm 'nĕ kơ lui kơ tơdrong lu sư pơhlŭ noh hŏ. Lu sư pơm kiơ̆ kơ đon kon bơngai tơchĕng đĕch păng wă pơang akâu lu sư kơ đe.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

II Tim 4:4

Lu sư ưh pă năm mơ̆ng tơdrong 'Bok Kei-Dei boih, lu sư wă mơ̆ng tơdrong đe roi hơ'mon kư̆ kă, 'noh sư năm kuăng.

Ya 3:15

Bơngai bu khan sư hơgei tơdrong 'Bok Kei-Dei mă sư oei pơm thoi noh, tơdrong sư hơgei noh ưh kơ sĭ đơ̆ng 'Bok Kei-Dei ăn ôh; sư hơgei đơ̆ng khŭl yang kơnê̆, sư hơgei kiơ̆ tơdrong ala teh, kiơ̆ kơ sĕch akar.

I Pet 1:20

Hơdrol kơ 'Bok Kei-Dei pơjing plĕnh teh sơ̆, 'Bok Kei-Dei pơkă khan wă ăn Yêsu Krist jur huai iŏk bơ̆n boih. Na truh tơ lu bơ̆n dang ei khei 'năr mă hơtuch, bơ̆n 'bôh Yêsu Krist jur huai iŏk lu bơ̆n tơpă boih.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan:

I Yo 2:18

Ơ lu kon hơ'lơ̆p, năr tôch wă jê̆ truh boih. Iĕm kơtơ̆ng đơ̆ng sơ̆ boih gah tơdrong bơngai ayăt kơ Yêsu Krist gô truh. Na dang ei đei lơ bơngai ayăt kơ Yêsu Krist truh boih, thoi noh bơih bơ̆n băt kơ năr tôch wă jê̆ truh.

I Yo 4:6

Sơmă bơ̆n kon 'Bok Kei-Dei. Bơngai bu băt kơ 'Bok Kei-Dei, bơngai 'noh sư mơ̆ng bơ̆n. Bơngai bu ưh kơ băt kơ 'Bok Kei-Dei, bơngai 'noh ưh kơ mơ̆ng bơ̆n ôh. Thoi noh bơ̆n băt bơngai bu kiơ̆ Yang Bơhngol 'Lơ̆ng tơpă, bu wă kiơ̆ yang Satan đĕch.

Ju 1:18

Lu sư khan: “Khei 'năr wă tôch ning-mônh, đei lơ bơngai che bơle kơ tơdrong lui bơ̆n; lu sư kiơ̆ kơ jơhngơ̆m lu sư kơdih 'maih pơm tơdrong kư̆ kă na lu sư che bơle.”

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 16:14

Pêng 'nu yang noh yang kơnê̆ ngăl, lu sư kư̆m gơh pơm tơdrong hlĭch hlăch mơ̆n. Păng lu sư năm jơ̆p kơ teh đak krao akŭm lu 'bok pơtao tơblah hăm 'Bok Kei-Dei kơplah năr 'Bok Kei-Dei hăt kơ tơblah tơblŭng hơlŭng pơdang, mơsêh tăp pang mơyang tăp dăr tôch 'bơ̆t Sư boih.

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Tơdrông Tơ'bôh 18:23

Ŭnh kon pơlei pă 'bôh hơdah, 'bơ̆r đe hiĕk 'nă pơkong kơ bre klo kăn chă kơ mĕ 'bă ŏng mai kư̆m pă đei kơtơ̆ng. E hăm băt dôm tơdrong truh noh yua kơ lu bơngai đơ̆ng iĕm mơdro sa ưh kơ tơpăt pơm kư̆ kă hưch tơmam âu tơmam to? Jơ̆p teh đak ư-ang pơlei iĕm mơdrŏng tih. Dang ei jơ̆p teh đak pơm rok tơdrong kơnê̆ thoi iĕm.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 2:11

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh huay ăn kơ sư lôch mă 'bar.’ ”

Tơdrông Tơ'bôh 2:17

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh gô ăn kơ bơngai noh 'bĕng mana mă kon bơngai tơ ala teh ưh tam đei sa ôh păng Inh gô pôk anăn sư 'nao, anăn 'nao noh Inh chih tơ tơmo kok lat, na ăn kơ sư. Anăn noh lu đe nai ưh kơ băt ôh, pôm sư kơdih đĕch băt.’ ”

Tơdrông Tơ'bôh 2:29

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 20:8

Na sư gô pơhlŭ kon bơngai jơ̆p kơ teh đak, jơ̆p kơ dêh char, lu bơngai mă đe anăn Gok păng Magok. Sư krao akŭm kon bơngai jơ̆p kơ teh đak wă năm tơblah. Lu sư lơ tơpă dang pơlao chuơh dơsĭ.

Tơdrông Tơ'bôh 3:13

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 3:22

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 3:6

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.