I Tim 3:8 - Sơ̆p Hlabơar Nơ̆r 'Bok Kei-Dei

⁸ Dah bơngai lui wă jang lăm hnam 'Bok Kei-Dei, sư athei pơm mă 'lơ̆ng tơpăt adrol 'mơ̆i, ưh kơ et sik suai, ưh kơ hăt sa jên lơ păng trŏ tơdrong sư jang sư 'nĕ kơ pơgŏ iŏk jên đe.

I Tim 3:8 Iomraidhean Croise

Horiso 12:2

Lu sư pơma hơlĕnh pơdăr pơma tơduă lu sư, 'bơ̆r pơma pơ'brơh jơhngơ̆m 'bar trong nơ̆r pơma.

Horiso 5:9

Yua kơ lăm 'bơ̆r lu sư ưh kơ đei tơdrong tơpă; Jơhngơ̆m lu sư tă kơnê̆ ngăl. Hơlŏng lu sư thoi bơsat tơpơih Hơpiĕt lu sư 'bĕnh hăm tơdrong pơdăr.

Horiso 50:19

Ih yua 'bơ̆r ih pơma kơnê̆, Hơpiĕt ih huăt kư̆ kă hơlĕnh pơdăr.

Horiso 52:2

Đĭ năr ih chă pơm kơnê̆. Hơpiĕt thoi săng kôih han ih pơma hơlĕnh.

Êsêkiên 44:21

Ưh kơ đei 'bok soi ayơ gơh et tơdrô kơplah mơ̆t tơ cham gah lăm.

Lêwi 10:9

Layơ mă ih păng lu kon drŏ-nglo ih mơ̆t lăm Bơsŭn Anih Akŭm 'nĕ kơ et sik hơmu păng huch tơmam kiơ mă pơm kơ iĕm suai kơnh hli kơ iĕm lôch. Tơdrong noh jing tơdrong juăt tơtă ling-lang lăm đĭ jơhnơr lu iĕm.

Rom 3:13

'Bok Kei-Dei lăng jơhngơ̆m kon bơngai kơnê̆ thoi lĕ kơ sơlŭng đe tah atâu ôm ưh kơ 'bŭ. Hơpiĕt kon bơngai băt pôm hơlĕnh kơ kơdih bôl. 'Bơ̆r kon bơngai dang 'bơ̆r 'bih 'maih choh đe.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

I Tim 3:12

Lu bơngai drŏ-nglo lei-lăi mơ̆n dah sư wă jang lăm hnam 'Bok Kei-Dei. Sư athei iŏk akăn minh đĕch păng athei pơgơ̆r hnam dơnŏ sư mă 'lơ̆ng.

I Tim 3:3

Sư ưh kơ lah suai sik păng ưh kơ tôn teh đe. Sư bơngai dim khôn tơpă ưh kơ wă pơjah pơjăng păng đe. Sư ưh kơ hăt sa jên lơ ôh.

I Tim 5:23

Krô hmă ih jĭ klak, ih 'nĕ pă nhă đak 'blăng ngăl hŏ, ih athei et 'biơ̆ sik hơmu tŏ sĕt wă kơ huay pă jĭ dơ̆ng.

Tit 1:7

Bơngai bu mă pơm kră wei-lăng lu bơngai lui sư athei pơm mă 'lơ̆ng 'nĕ kơ pơm yoch hŏ, kơlih kơ sư pơm kră wei-lăng tơdrong 'Bok Kei-Dei. Lu bơngai pơang akâu kơdih, lu bơngai khĕnh, lu bơngai et sik suai, dah lu bơngai tôn teh đe, dah sư hưch hanh kơ sa jên lơ păng trŏ tơdrong jang sư mă-lei pơgŏ athei iŏk jên đe, lu bơngai thoi noh ưh kơ gơh pơm kră wei-lăng lu bơngai lui ôh.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

Ya 3:10

Lăp pôm 'bơ̆r đĕch băt kơ ư-ang 'Bok Kei-Dei, băt kơ blei hiap bôl buăl. Ơ lu 'nhŏng oh, bơ̆n pơma thoi noh ưh kơ trŏ boih.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.