I Tim 3:7 - Sơ̆p Hlabơar Nơ̆r 'Bok Kei-Dei

⁷ Dah sư pơm 'lơ̆ng hơdrol, mă bơngai lui, mă bơngai ưh kơ lui jô̆ sư bơngai 'lơ̆ng tơpăt ngăl. Dah sư bơngai ưh kơ tơpăt, sĭt đe bâu roi sư tơpă păng pă jor sư gô pơm thoi yang Satan wă.

I Tim 3:7 Iomraidhean Croise

Markôs 4:11

Yêsu khan kơ lu sư: “'Bok Kei-Dei ăn kơ lu iĕm băt gah tơdrong Sư wă pơgơ̆r kon bơngai thoi yơ. Mă-lei Inh bơtho lu bơngai nai tôm tơdrong păng nơ̆r pơjuang ngăl:

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Jang 22:12

“Tơ Pơlei Đamas ei đei minh 'nu bơngai anăn sư Anania. Sư ling-lang pơm kiơ̆ tơdrong juăt bơ̆n. Đĭ-đăng bơngai Juđê lăm Pơlei Đamas băt kơ sư bơngai 'lơ̆ng.

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

I Kor 10:32

Mă tôm tơdrong bơ̆n jang pơm tơdrong kiơ bơ̆n athei kơchăng hŏ, hli kơ bơ̆n pơơh đe, mă sư bơngai Juđê, mă sư bơngai dêh nai, mă tơduă bơngai lui kơ 'Bok Kei-Dei.

I Kor 5:12

Inh ưh kơ trŏ kơ bơngai chă sek tơdrong lu bơngai 'ngoaih mă ưh kơ lui ôh. 'Bok Kei-Dei đĕch gô sek tơlang kơ sư. Mă-lei bơ̆n gơh sek tơ lăm tơduă lu bơ̆n bơngai lui, na iĕm athei sek tơdrong buăl bơ̆n mă pơm kơnê̆ kư̆ kă oei kơ duch sư noh. Pơpuh tơjăk sư 'nĕ pă ăn kơ sư oei hơdai iĕm.

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

II Kor 8:21

Nhôn adrin pơm tơpăt 'bơ̆t anăp 'Bok Kei-Dei hăm kon bơngai.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

I Tes 4:12

Dah iĕm jang tơnăp tơpă, iĕm huay kơ kăl đe jang tơdŏng iĕm ôh. Thoi noh na lu bơngai ưh tam mă lui lăng iĕm jang hơiă tơpă.

I Tes 5:22

Dah tơdrong glăi iĕm săi tŭk.

I Tim 3:6

Bơngai bu 'nao lui sư ưh kơ gơh wei-lăng bơngai lui ôh, hli kơ sư pơang akâu kơdih, na 'Bok Kei-Dei phak sư kư̆m thoi phak yang Satan sơ̆ mơ̆n.

I Tim 5:14

Yua kơ thoi noh na inh wă kơ bơngai drŏ-kăn adro oei moh iŏk klo na sư tơpŭ kon wei-lăng hnam dơnŏ sư kơdih wă kơ đe mă ưh kơ lui huay pă che bơle kơ bơ̆n dơ̆ng.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.

II Tim 2:26

Sư đei đon 'lơ̆ng boih păng gơh jăk đơ̆ng yang Satan. Sơ̆ yang Satan oei pơkơ̆ng sư lăm tơdrong sư wă.

Tit 2:5

Lu sư bơtho lu drŏ-kăn oei moh 'nĕ pơm đon kư̆ kă athei tơchĕng đon 'lơ̆ng tơpăt ling-lang păng athei tơchĕng tơdrong bơ̆jang lăm hnam dơnŏ sư kơdih. Jơhngơ̆m sư athei 'lơ̆ng păng klo sư, lui yom kơ klo sư păng pơm jơhngơ̆m 'lơ̆ng hăm lu bôl buăl mơ̆n. Sư athei răk đon thoi âu mă tơpă na lu bơngai ưh tam mă lui, sư huay kơ bâu roi tơdrong 'Bok Kei-Dei.

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

III Yo 1:12

Gah 'bok Đêmêtrơs, đĭ-đăng bơngai băt kơ sư 'lơ̆ng tơpăt. Sư pơm tôm tơdrong 'lơ̆ng tơpăt na bơ̆n băt sư kiơ̆ tơdrong 'Bok Kei-Dei tơpă. Mă nhôn kư̆m khan sư bơngai 'lơ̆ng tơpăt mơ̆n; păng ih kư̆m băt nhôn pơma tơpăt ling-lang.

I Sam 2:24

'Nĕ pă pơm thoi noh, ơ bre kon drŏ-nglo inh, ưh kơ 'lơ̆ng ôh tơdrong inh kơtơ̆ng lu kon pơlei Kră Yang roi pơdah rai să.