I Tim 3:4 - Sơ̆p Hlabơar Nơ̆r 'Bok Kei-Dei

⁴ Sư pơgơ̆r hnam dơnŏ sư gơh tơpă na hnam dơnŏ sư, kon akăn sư chu yom.

I Tim 3:4 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Êphêsô 5:24

Na lu bơngai pơm akăn iĕm athei chu yom kơ klo iĕm pơgơ̆r lăm tôm tơdrong, thoi lu bơ̆n bơngai lui chu yom kơ Yêsu Krist.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

I Tim 3:12

Lu bơngai drŏ-nglo lei-lăi mơ̆n dah sư wă jang lăm hnam 'Bok Kei-Dei. Sư athei iŏk akăn minh đĕch păng athei pơgơ̆r hnam dơnŏ sư mă 'lơ̆ng.

Tit 1:6

Inh wă kơ ih rơih chă lu bơngai lui trŏ thoi âu: Bơngai bu đon 'lơ̆ng tơpăt mă đe ưh kơ lah bâu roi sư; păng sư bơngai iŏk akăn minh, kon sư kư̆m lui kơ 'Bok Kei-Dei mơ̆n; lu kon sư mă ưh kơ pơm kư̆ kă, sư băt chu yom kơ mĕ 'bă sư, hăm chu yom kơ 'Bok Kei-Dei đĕch.

Tit 2:2

Ih athei bơtho khan kơ lu 'bok kră 'nĕ pă et sik suai, 'nĕ kơ pơm kư̆ kă. Athei sư iŏk đon iơ̆m dim păng ih athei sư lui mă kơjăp, băt 'mêm kơ 'Bok Kei-Dei hăm bôl buăl. Mă đei tơdrong gleh pơmat dang yơ athei sư adrin khŏm khŏm đĕch.

Tit 2:7

Păng ih kơdih athei pơm 'lơ̆ng tơpăt lăm tôm tơdrong wă kơ lu bơngai lui pơm kiơ̆ thoi ih. Ih bơtho đe mă trŏ pơm mă khuơ̆ khuơ̆ wă kơ đe lăng bơ̆n bơtho tơpă.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”