I Tim 3:14 - Sơ̆p Hlabơar Nơ̆r 'Bok Kei-Dei

¹⁴ Inh chih kơ ih kơthơ âu, mă-lei ưh kơ đunh mơ̆n inh wă năm ngôi tơ ih.

I Tim 3:14 Iomraidhean Croise

I Kor 11:34

Bơngai bu năm sŏng sa hơdai hăm iĕm kiơ̆ kơ hơlŏng klak sư kơdih, bơngai 'noh iĕm athei sư brŏk sa tơ hnam sư kơdih đĕch 'lơ̆ng hloh, wă kơ 'Bok Kei-Dei huay kơ ăn kơ iĕm đei tơdrong chhŭr nuih. Gah tơdrong nai mă đêl iĕm jet inh 'noh gô inh năm tơ iĕm dơning dơmônh inh bơtho iĕm.

I Tes 2:18

Anăn inh Pôl lơ 'măng boih wă năm ră tơ iĕm, mă-lei yang Satan nŏng kơ pơgăn kuă ăn inh năm.

I Tim 3:13

Lu bơngai jang 'lơ̆ng lăm hnam 'Bok Kei-Dei, sư lui kơjăp tơpă kơ Kră Yang Yêsu Krist ưh kơ hli kơ đe păng đe gô ngơnh kơ sư hơgei.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

I Tim 4:13

Inh wă kơ ih pơm thoi âu khŏm khŏm tơ̆p mă inh truh tơ ih tơ âu: Lăm iĕm akŭm dih băl ih kư̆ kơ đŏk sơ̆p hla bơar 'Bok Kei-Dei, ih kư̆ kơ bơtho tơdrong 'Bok Kei-Dei đĕch.

Phil 1:22

Ih hơmet lê̆ kơ inh anih tep hŏ. Rŏ lăng 'Bok Kei-Dei ăn kơ inh lĕch đơ̆ng hnam phak âu thâu kơlih kơ iĕm krao khan kơ Sư ling-lang. Dah inh lĕch inh năm tơ iĕm.

Hêbrơ 13:23

Âu inh kư̆m wă roi tơbăt kơ iĕm, 'nhŏng oh bơ̆n Timôthê đe tơlĕch sư đơ̆ng hnam phak boih. Tơ̆ng sư jah truh tơ inh, inh tơchĕng sư kư̆m wă năm kiơ̆ inh năm ngôi tơ iĕm mơ̆n.

II Yo 1:12

Inh đei lơ tơdrong nai dơ̆ng wă pơma kơ iĕm, mă-lei inh ưh kơ wă chih pơma kơ iĕm dôm tơdrong noh lăm kơthơ âu ôh. Kơlih kơ ưh pă đunh boih inh wă tơ'bơ̆p iĕm na inh gô bơtho iĕm păng akâu inh kơdih. Thoi noh na bơ̆n chơt hiôk dih băl.

III Yo 1:14

Kơlih kơ ưh pă đunh boih inh wă tơ'bơ̆p ih, na ba pơma dơnuh dih băl.