I Tim 2:8 - Sơ̆p Hlabơar Nơ̆r 'Bok Kei-Dei

⁸ Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.

I Tim 2:8 Iomraidhean Croise

I Pot 3:11

Kră Yang 'Bok Kei-Dei khan kơ sư: “Yua kơ ih apinh tơdrong 'nâu, ưh kơ apinh kơ ih tơdrong arih sot, tơdrong mơdrŏng tih kư̆m ưh kơ apinh tơdrong kĕ jei blah pơrăm lu bơngai ayăt kơ ih, mă-lei ih apinh tơdrong hlôh wao gơh hơgei wă kơ gơh sek tơlang trŏ.

Jop 16:17

Mă khan inh ưh kơ đei pơm tơdrong kơnê̆ krưp ră, păng nơ̆r inh krao khan 'lơ̆ng rơgoh.

Horiso 134:2

Yơ̆r bĕ ti iĕm tơ gah anih rơgoh, kơkuh bơnê bĕ kơ Kră Yang!

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Horiso 24:4

Noh lu bơngai đei ti rơgoh păng jơhngơ̆m rơgoh, Ưh kơ wă ăn bơhngol sư tơdrong yoch glăi, Kŭm ưh kơ pơkă hơlĕnh.

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Horiso 28:2

Apinh ih mơ̆ng inh krao apinh. Mưh inh yơ̆r ti tơ Anih 'Lơ̆ng rơgoh Ih. Mưh inh krao apinh ih dŏng tơgŭm.

Horiso 35:13

Gah inh 'bơ̆t năr sư jĭ, inh hrŭk 'bi. Ơ̆t kơ por pơmat akâu inh Nơ̆r inh krao khan ưh kơ đei tơl tơwih.c

Horiso 63:4

Thoi noh, inh gô hơri bơnê kơ Ih đĭ chăl arih inh; Hăm anăn Ih inh gô yơ̆r ti krao khan.

Horiso 66:18

Tơdah jơhngơ̆m inh mong răk tơdrong kơnê̆; Lei Kră Yang 'Bok Kei-Dei kuă kơ mơ̆ng nơ̆r inh.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Mathiơ 21:21

Yêsu khan kơ lu sư: “Inh khan kơ iĕm tơpă, dah iĕm đei đon lui kơjăp, 'nĕ kơ pơngiĕl, lei ưh kơ sĭ kơ pôm 'long hơra âu đĕch ôh iĕm gơh sơkat. Dah iĕm wă sơkat kơ kông âu gơh mơ̆n. Iĕm khan thoi âu: ‘Weh bĕ e, hiŏng kơtah kơdih tơ đak dơsĭ to.’ Tơdrong iĕm pơma noh gô 'bôh hloi tơpă.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Mathiơ 6:12

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn.

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Luka 24:50

Klaih kơ noh Yêsu anhăk lu sư truh tơ Pơlei Bethani na Sư yơ̆r ti krao khan kơ 'Bok Kei-Dei athei tơgŭm lu sư.

Yo 4:21

Yêsu khan kơ sư: “Ơ duch, Inh wă khan kơ ih tơpă, ning-mônh đe huay pă năm kơkuh kơ 'Bă bơ̆n 'Bok Kei-Dei tơ kông âu dah tơ Pơlei Jêrusalem dơ̆ng boih.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 7:7

Kiơ̆ thoi inh wă kơ đĭ-đăng bơngai pơm kiơ̆ thoi inh ưh kơ iŏk klo kăn. Mă-lei 'Bok Kei-Dei ăn kơ rim 'nu kon bơngai phara, mơ'nah Sư ăn ngôi hơdrô̆, mơ'nah Sư ăn iŏk klo kăn.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

Philip 1:12

Ơ lu 'nhŏng oh, inh wă roi tơbăt kơ iĕm tơdrong âu: Mă dang ei đe oei phak inh, tơdrong 'nao 'lơ̆ng Yêsu Krist rai kơtơ̆ng lơ bơngai nai. Ưh kơ sĭ inh pă gơh bơtho boih ôh. Đe phak inh rai pơyua inh gơh bơtho lơ lu bơngai mă oei tăp dăr kơ inh.

I Tes 1:8

Đơ̆ng iĕm bơtho tơdrong 'Bok Kei-Dei na đe kơtơ̆ng tơdrong 'noh jơ̆p kơ dêh char Masêđôn păng dêh char Grĕk boih; păng jơ̆p-jang kơ teh đak băt kơ iĕm lui kơ 'Bok Kei-Dei. Yua kơ thoi noh na nhôn ưh kơ kăl roi kơ đe tơdrong iĕm lui 'noh ôh yua kơ đe băt đĭ-đăng boih.

I Tim 5:14

Yua kơ thoi noh na inh wă kơ bơngai drŏ-kăn adro oei moh iŏk klo na sư tơpŭ kon wei-lăng hnam dơnŏ sư kơdih wă kơ đe mă ưh kơ lui huay pă che bơle kơ bơ̆n dơ̆ng.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

I Pet 3:7

Lu bơngai drŏ-nglo kư̆m lei-lăi, iĕm athei pơm 'lơ̆ng kơ akăn iĕm, iĕm athei mơnat kơ sư 'biơ̆ yua kơ sư bơngai drŏ-kăn tơrăn hloh kơ iĕm; yua kơ tơdrong arih 'Bok Kei-Dei ăn tôm biĕm arih, ưh kơ sĭ ăn pôm drŏ-nglo đĕch ôh. Dah iĕm ưh kơ chu thoi noh tơdrong iĕm krao khan kơ 'Bok Kei-Dei ưh kơ yua kiơ boih.