I Tim 2:7 - Sơ̆p Hlabơar Nơ̆r 'Bok Kei-Dei

⁷ Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

I Tim 2:7 Iomraidhean Croise

Horiso 111:7

Tơdrong jang đơ̆ng ti Sư sĭt tơpă păng tơpăt; Lu nơ̆r Sư bơtho pơkă trŏ gơnang tơpă.

Bôk Bơthô 1:12

Inh boih 'bok bơtho, hlôi pơm pơtao lu bơngai Isơrael lăm pơlei Jêrusalem.

Bôk Bơthô 7:27

'Bok bơtho khan: “Đơ̆ng rŏng kơ tơchĕng lăng rim tơdrong, wă kơ chă tơdrong tơlang trŏ, lei 'nâu mă tơdrong inh chă 'bôh;

Yo 7:35

Lu bơngai Juđê pơma dih băl khan: “Bơngai âu Sư wă năm tơ yơ, Sư khan bơ̆n ưh kơ gơh 'bôh Sư dơ̆ng? Rŏ lăng Sư wă năm oei păng lu bơngai Juđê mă oei tơ dêh đe na bơtho lu bơngai dêh đe.

Jang 14:27

Lăp truh tơ pơlei ei boih, bre sư krao akŭm bơngai lui. Bre sư roi đĭ tơdrong 'Bok Kei-Dei tơgŭm bre sư păng tơdrong 'Bok Kei-Dei ăn kơ lu bơngai tơmoi mă ưh kơ khŭl Juđê lui kiơ̆ kơ 'Bok Kei-Dei.

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 10:14

Mă-lei dah ưh kơ đei bơngai năm bơtho, thoi yơ đe gơh krao khan adrol? Ưh kơ đei bơngai năm bơtho, thoi yơ đe gơh lui adrol? Ưh kơ đei bơngai năm bơtho thoi yơ đe gơh kơtơ̆ng adrol?

Rom 11:13

Na dang ei inh wă pơma kơ lu iĕm bơngai nai. 'Bok Kei-Dei ăn kơ inh pơm jơ̆ng 'bang Yêsu, wă kơ inh bơtho iĕm mă ưh kơ khŭl Isơrael. Yua kơ thoi noh na inh adrin tơpă kơ tơdrong jang inh

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

Rom 9:1

Inh wă roi kơ iĕm gah tơdrong 'nhŏng oh inh khŭl Isơrael. Inh sơ'ngon dêh yua kơ lu sư ưh kơ lui kơ Yêsu. Inh roi kơ iĕm tơdrong 'nâu inh roi tơpă, inh bơngai kiơ̆ Yêsu Krist ưh kơ anul ôh. Yua kơ Yang Bơhngol 'Lơ̆ng oei lăm inh, thoi yơ inh gơh anul?

I Kor 9:1

Dah inh wă, inh gơh pơm tôm tơdrong kiơ̆ thoi iĕm mơ̆n. Inh boih jơ̆ng 'bang Yêsu; inh 'bôh Sư tơpă, Sư Yang pơm Yŏng pơgơ̆r bơ̆n; păng iĕm lui kơ Sư đơ̆ng Sư tơgŭm inh bơtho iĕm.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

Galati 1:16

Truh Sư wă tơ'bôh ăn kơ inh Yêsu Kon Sư, wă kơ inh năm bơtho tơdrong 'nao 'lơ̆ng Kon Sư kơ lu bơngai nai mă ưh kơ trŏ bơngai Juđê, kơplah noh inh ưh kơ đei năm pơhrăm đơ̆ng lu bơngai kiơ̆ Yêsu ôh.

Galati 1:20

Dôm tơdrong inh chih âu trŏ tơpă. 'Bok Kei-Dei 'bôh bơ̆n na inh ưh kơ pơ̆n hơlĕnh ôh.

Galati 2:16

Mă-lei nhôn lui kơ Yêsu boih, nhôn băt kơdih 'Bok Kei-Dei jô̆ lu nhôn 'lơ̆ng tơpăt hăm Sư noh yua kơ nhôn lui păng gơnang kơ Yêsu Krist, ưh kơ sĭ yua kơ nhôn lui kiơ̆ tơdrong juăt Môis khŏm khŏm na 'Bok Kei-Dei jô̆ bơ̆n 'lơ̆ng tơpăt hăm Sư ôh. Dang ei nhôn lui boih kơ Yêsu Krist, na mă 'Bok Kei-Dei jô̆ nhôn bơngai 'lơ̆ng tơpăt hăm Sư. Ưh kơ đei bu 'Bok Kei-Dei wă jô̆ sư 'lơ̆ng tơpăt, dah sư oei gơnang kơ akâu sư kơdih wă kiơ̆ tơdrong juăt Môis.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Galati 3:9

Kơlih kơ Abraham lui păng gơnang kơ 'Bok Kei-Dei tơpă, na 'Bok Kei-Dei tơgŭm sư tơpă mơ̆n. Thoi noh na dôm lu bơngai lui păng gơnang kơ 'Bok Kei-Dei, 'Bok Kei-Dei kư̆m wă tơgŭm lu sư lei-lăi thoi noh mơ̆n.

II Tim 1:11

'Bok Kei-Dei rơih inh pơm jơ̆ng 'bang Sư wă bơtho tơdrong 'nao 'lơ̆ng 'noh.

II Pet 2:5

Chăl Nôê sơ̆, 'Bok Kei-Dei kư̆m phak đĭ-đăng kon bơngai ala teh ưh kơ lui kơ Sư, Sư phak hăm đak lơ̆p jơ̆p-jang kơ teh. Sư pơklaih pôm Nôê, yua kơ Nôê sư bơtho khan gah tơdrong tơpăt păng tơpơh 'nu hnam dơnŏ sư.