I Tim 2:6 - Sơ̆p Hlabơar Nơ̆r 'Bok Kei-Dei

⁶ Sư ăn akâu Sư kơdih lôch tang wă huai iŏk đĭ-đăng kon bơngai. Truh boih sơnăm 'Bok Kei-Dei pơkă Kon Sư lôch ei sơ̆, sơnăm 'noh boih Yêsu lôch tang huai iŏk kon bơngai, wă kon bơngai băt kơ 'Bok Kei-Dei pơklaih đĭ-đăng bơngai đơ̆ng yoch.

I Tim 2:6 Iomraidhean Croise

Jop 33:24

Mơnat kơ sư na apinh lung Kră Yang 'Bok Kei-Dei khan: ‘Dŏng pơklaih sư wă huay kơ huŏng lăm sơlŭng jrŭ, inh chă 'bôh bơih trong huai iŏk.’

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Jo 7:15

minh pôm kon rơmo dăm, minh pôm kon triu tơno, minh pôm triu tơno, truh minh sơnăm wă pơm tơmam soi 'buh;

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Markôs 1:15

Sư khan: “Năr âu trŏ kơ năr 'Bok Kei-Dei wă pơgơ̆r iĕm boih. Iĕm athei tơbral kơdih tôm tơdrong yoch iĕm, na lui kiơ̆ tơdrong 'nao 'lơ̆ng Sư.”

Markôs 10:45

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Yo 10:15

kư̆m thoi 'Bă Inh băt kơ Inh, na Inh băt kơ Sư mơ̆n. Na Inh athei chu lôch yua kơ triu Inh.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Rom 16:26

Mă-lei dang ei 'Bok Kei-Dei tơbăt ăn kơ bơ̆n boih, Sư tơbăt ăn kơ bơ̆n lăm tơdrong lu bơngai pơtruh nơ̆r Sư chih roi sơ̆. Sư wă kơ đĭ-đăng bơngai jơ̆p kơ teh đak băt kơ tơdrong 'nao 'lơ̆ng Yêsu Krist, wă kơ đĭ-đăng bơngai lui kơ Sư.

Rom 5:6

Sơ̆ bơ̆n ưh kơ băt tơgŭm akâu bơ̆n pơm 'lơ̆ng thoi yơ, na mưh trŏ kơ năr 'Bok Kei-Dei pơkă na đei Yêsu Krist lôch tang bơ̆n bơngai yoch.

I Kor 1:6

Tôm tơdrong bơtho gah tơdrong Yêsu Krist, iĕm băt kơ trŏ tơpă na iĕm oei lui kơjăp truh dang ei.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 1:4

Kră Yang bơ̆n Yêsu Krist ăn akâu Sư kơdih wă lôch tang bơ̆n pơklaih bơ̆n đơ̆ng tơdrong yoch. Sư lôch tang bơ̆n wă iŏk bơ̆n đơ̆ng lu bơngai kơnê̆ ahrei âu. Sư pơm thoi noh wă kơ trŏ thoi 'Bă tơm bơ̆n 'Bok Kei-Dei wă.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 3:5

Adrol sơ̆ 'Bok Kei-Dei ưh tam mă tơbăt ăn kơ đe ôh tơdrong noh. Mă-lei dang ei Yang Bơhngol 'Lơ̆ng tơbăt ăn kơ lu jơ̆ng 'bang Yêsu hăm lu bơngai pơtruh nơ̆r Sư boih.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

II Tes 1:10

Năr 'noh kơnh boih Sư jur tơ ala teh na đĭ-đăng lu bơngai lui kơ Sư lăp 'bôh Sư glêu kơ măt hloi hăm khan kơ Sư: “Bơnê kơ Ih.” Năr ei kơnh iĕm kư̆m khan bơnê kơ Sư hơdai hăm đĭ-đăng bơngai lui mơ̆n kơlih kơ iĕm lui boih kơ tơdrong 'nao 'lơ̆ng Sư nhôn bơtho lu iĕm.

I Tim 6:15

Trŏ năr 'Bok Kei-Dei ăn Kon Sư Yêsu Krist jur tơ ala teh âu ning-mônh. 'Bok Kei-Dei boih hiôk-hian tơpă, pôm Sư boih pơgơ̆r tôm tơdrong. Sư pơm 'Bok Pơtao Sư tih hloh kơ đĭ-đăng lu pơtao nai, Sư pơm Yŏng Sư tih hloh kơ đĭ-đăng lu yŏng nai.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Yo 4:10

Âu boih tơdrong 'Bok Kei-Dei 'mêm mơnat kơ bơ̆n: Sư 'mêm mơnat kơ bơ̆n mah ăn Kon pôm Sư lôch tang bơ̆n, pơklaih bơ̆n đơ̆ng tơdrong yoch. Bơ̆n 'mêm kơ Sư ưh kơ đei dang noh ôh.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.