I Tim 2:5 - Sơ̆p Hlabơar Nơ̆r 'Bok Kei-Dei

⁵ Đei minh 'nu Kră Yang 'Bok Kei-Dei păng đei minh 'nu pơm 'long sơlam đĕch anhăk kon bơngai ala teh wă kơ bơngai ala teh hiôk hăm 'Bok Kei-Dei. Bơngai mă pơm 'long sơlam ei anăn Sư Yêsu Krist.

I Tim 2:5 Iomraidhean Croise

Jop 9:33

Rŏ kơ đei bu dơ̆ng sơlam sek kơ nhi. Đei gơh sek pơđĭ 'bar pah ba.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Luka 14:22

Na đam 'nei hơloh yak chă krao đe hloi. Lăp chă krao đe đang boih na sư wih tơ hnam khan kơ tơ'ngla sư 'nei: ‘Ơ 'bok, inh chă krao lu đe noh hei boih, đĭ-đăng lu sư năm boih ră, mă-lei anih oei rơhơi 'mơ̆i.’

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Rom 1:3

Tơdrong 'nao 'lơ̆ng noh roi gah Kon Sư Yêsu Krist mă pơm Yŏng bơ̆n. Yêsu Krist jur jing kon bơngai Sư lĕch đơ̆ng adrĕch pơtao Đawit sơ̆.

Rom 10:12

Kră Yang Yêsu Krist Sư lăng rim khŭl bơngai lei-lăi đĕch, ưh kơ phara ôh. Sư lăng bơngai Isơrael kư̆m dang bơngai nai. Sư wei-lăng tơgŭm tơpă rim khŭl bơngai mă băt kơ krao khan apinh Sư.

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Galati 3:20

Mă gah tơdrong 'Bok Kei-Dei mơnat pơkă khan wă tơgŭm bơ̆n, Sư ưh kơ kăl kơ kon bơngai pơm 'long sơlam ôh, tơ'ngla 'Bok Kei-Dei khan kơdih Sư hloi.

Êphêsô 4:6

Kră Yang bơ̆n kư̆m lăp minh 'nu 'Bok Kei-Dei đĕch, Sư 'Bă tơm kơ đĭ-đăng. Sư boih tih hloh, Sư pơgơ̆r đĭ-đăng kơ bơ̆n, tơgŭm đĭ-đăng kơ bơ̆n, oei hơdai đĭ-đăng kơ bơ̆n.

Both 6:4

Ơ đĭ-đăng bơngai Isơrael mơ̆ng bĕ: Kră Yang 'Bok Kei-Dei bơ̆n, Kră Yang minh đĕch, ưh kơ đei 'bar.

I Tim 6:13

Đĭ-đăng khŭl arih tơ ala teh đơ̆ng 'Bok Kei-Dei ăn arih ngăl. Yêsu Krist pơma 'lơ̆ng tơpăt 'bơ̆t anăp 'bok pơtao Pilat. Na ih oei 'bơ̆t anăp 'Bok Kei-Dei păng Yŏng bơ̆n Yêsu Krist, ih athei kơchăng pơm kiơ̆ dôm tơdrong Sư pơkă kơ bơ̆n. 'Nĕ ăn đe tơplih tơdrong Sư pơkă kơ bơ̆n 'noh. Ih athei wei ling-lang tơ̆p truh năr Yŏng bơ̆n Yêsu Krist jur ning-mônh.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Hêbrơ 8:6

Mă-lei 'Bok Kei-Dei ăn kơ Yêsu đei tơdrong jang tih hloh kơ tơdrong jang lu 'bok soi noh. Rai pơthim dơ̆ng kơ Sư pơm 'long sơlam pơgơ̆p kon bơngai kơ 'Bok Kei-Dei. Tơdrong pơgơ̆p noh 'lơ̆ng hloh kơ tơdrong pơgơ̆p so, yua kơ Sư pơkă wă tơgŭm bơ̆n dang ei 'lơ̆ng hloh.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

Tơdrông Tơ'bôh 1:13

'Bơ̆t tŏk-bŏk jơ̆ng kơđeng noh inh 'bôh minh 'nu hơbŏ Sư thoi Kon Bơngai. Sư hrŭk ao tai păng chô̆ gơ'năm maih tơ kơtơh Sư.