I Tim 2:10 - Sơ̆p Hlabơar Nơ̆r 'Bok Kei-Dei

¹⁰ Bơngai bu lui kơ 'Bok Kei-Dei sư ưh kơ gơh pơm thoi noh ôh. Sư athei đei đon 'mêm mơnat kơ đe păng asong đe tơmam.

I Tim 2:10 Iomraidhean Croise

Tơdrông Pơđơk 31:25

Sư đei jơhngơ̆m pran kơtang, păng đe ang pơyom. Sư huay kơ hiơ̆k ôh 'bôh tơdrong truh dơning dơmônh oei hiĕk chơt hiôk đĕch.

Tơdrông Pơđơk 31:31

Hơpah bĕ kơ sư trŏ thoi sư jang đơ̆ng tơpang ti kơdih, Ăn kơ tơdrong jang bơnê ư-ang kơ sư 'bơ̆t 'măng jang pơlei tih.

Jang 9:36

Tơ Pơlei Japa đei bơngai lui kơ Yêsu, anăn sư Tabitha lăm nơ̆r Juđê, Đêka lăm nơ̆r Grĕk. Yă Đêka ling-lang sư gơh tơgŭm đe bơngai dơnuh hin păng gơh mơnat kơ đe.

Jang 9:39

Na Pêtrôs năm kiơ̆ hloi bre sư tơ Pơlei Japa. Lăp sư truh tơ hnam boih, đe năm ba sư tŏk lăng tơ hnam kơpal ei. Lu yă adro tơ'bôh kơ Pêtrôs ao yă Đêka đêl sĭt boih, wă kơ Pêtrôs băt kơ yă Đêka sư oei arih sư gơh tơgŭm đe. Lu yă adro hơdai nhơ̆m hmoi ơh mơ̆n.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

I Tim 2:11

Lăm lu iĕm akŭm tơdrong 'Bok Kei-Dei, lu bơngai drŏ-kăn athei oei thĕng, mơ̆ng bơngai mă bơtho, lui yom kơ bơngai bu mă bơtho iĕm 'noh.

I Tim 2:9

Gah tơdrong hơbĕn ao lu bơngai drŏ-kăn, inh ưh kơ wă kơ sư hrŭk hơbĕn ao wă pơang akâu kơdih đĕch. Păng inh ưh kơ wă kơ sư pơm sŏk sư wă pơang kơ đe; păng ưh kơ wă kơ sư 'bot tơmam maih hơdah anam kăp. Inh ưh kơ wă kơ sư hrŭk ao rŏ kăp jên mơ̆n.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

II Pet 3:11

Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆

Tơdrông Tơ'bôh 2:19

‘Inh băt tơdrong lui iĕm, iĕm 'mêm kơ Inh hăm 'mêm kơ bôl buăl, iĕm lui kơjăp, iĕm jang tơdrong Inh ling-lang, iĕm đei tơdrong gleh truh iĕm oei adrin khŏm khŏm, tơdrong lui iĕm tŏk rai đunh rai kơjăp mơ̆n.