I Tim 1:9 - Sơ̆p Hlabơar Nơ̆r 'Bok Kei-Dei

⁹ 'Bok Kei-Dei pơkă dôm lu tơdrong noh yua Sư wă phak lu bơngai kơnê̆ ưh kơ sĭ wă phak lu bơngai 'lơ̆ng ôh. Sư wă kơ phak lu bơngai ưh kơ chu, lu bơngai kư̆ kă, lu bơngai ưh kơ lui kơ Sư, lu bơngai pơm yoch, lu bơngai mă chă pơlôch đe, lu bơngai mă pơlôch mĕ 'bă kơdih,

I Tim 1:9 Iomraidhean Croise

II Sam 16:11

Đawit khan dơ̆ng kơ Abisai păng đĭ lu bơngai jang kơ sư: “To, kon inh kơdih, đơ̆ng blu pôih inh pơjing, oei 'maih pơrăm tơdrong arih inh 'mơ̆i; pơma kiơ kơ bơngai Bênjamin 'nâu! Lê̆ sư loh lê̆ sư hiap inh, yua kơ Kră Yang athei sư.

II Pot 19:37

Kơplah sư oei kơkuh kơ yang lăm hnam yang Nisrôk, yang sư, na bre kon sư Adrammelek păng Sarêser pơlôch lê̆ sư hăm đao gưm; đơ̆ng noh lu sư kơdâu ôn lăm dêh char Ararat, na Êsarhađôn; kon drŏ-nglo sư tŏk pơm pơtao pơgơ̆r pơtrơp sư.

II Ho 32:21

Kră Yang ăn minh 'nu linh jang 'lơ̆ng năm pơlôch pơrăm lê̆ lu linh pran kơtang lu yŏng pơgơ̆r lu linh lăm kơđông pơtao Asiri. Pơm kơ pơtao kơdŭn wih brŏk tơ char sư kơdih, mơlâu pă băt. Kơplah sư mơ̆t tơ hnam yang sư, đei mơ'nah lăm lu kon drŏ-nglo sư iŏk đao pơlôch hloi sư tơ lăm noh.

Le 20:13

'Nĕ kơ pơlôch bơngai.

Le 21:14

Tơdah bơngai bu pơrơ̆ng chă đon wă 'maih pơlôch đe. Mă đơ̆ng sư ôn tơ anih chơnang soi kơ Inh, kư̆m athei rôp păng pơlôch sư.

Tơdrông Pơđơk 20:20

Lu bơngai hiap mĕ 'bă, Ŭnh kơđeng sư gô păt hơngăm lăm măng mu.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Tơdrông Pơđơk 28:24

Bơngai bu tơtông đơ̆ng mĕ 'bă sư, păng khan: “Ưh kơ pơm yoch ôh,” Bơngai noh buăl juăt lu đe wă chă pơrăm.

Tơdrông Pơđơk 30:11

Đei bơngai mơ'nah hiap 'bă lu sư, Păng kư̆m ưh kơ sơkat pŭn hiôk kơ mĕ lu sư.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Je 23:11

“Đĭ lu bơngai khan lê̆ adrol hăm đĭ lu 'bok soi tă kơ pơm kơnê̆ dêh, Inh 'bôh boih lu sư pơm kơnê̆ truh tơ lăm hnam Inh hloi.” Noh Kră Yang khan,

Êsêkiên 21:25

Gah ih, ơ pơtao Isơrael pơm kơnê̆ kư̆ kă, năr ih truh boih kơ năr tôch wă phak.

Lêwi 20:9

Tơdah bơngai bu blei hiap mĕ dah 'bă sư đe gô pơlôch. Sư hiap boih mĕ 'bă sư na pham sư gô tuh tơ sư kơdih.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Rom 1:30

pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Rom 4:13

Sơ̆ 'Bok Kei-Dei pơkă khan wă ăn kơ Abraham păng lu kon sâu sư pơgơ̆r jơ̆p kơ teh đak. 'Bok Kei-Dei pơkă kơ Abraham thoi noh sơ̆ yua kơ Abraham lui păng gơnang kơ 'Bok Kei-Dei tơpă, na 'Bok Kei-Dei jô̆ sư bơngai 'lơ̆ng tơpăt; ưh kơ sĭ yua kơ Abraham kĕ kiơ̆ tôm tơdrong juăt Sư pơkă ôh.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Galati 3:19

Yua kơ kiơ 'Bok Kei-Dei pơkă kơ bơ̆n tơdrong juăt Sư? Yua kơ Sư wă tơbăt ăn kơ bơ̆n tơdrong 'lơ̆ng tơdrong kơnê̆. Mă-lei dôm tơdrong 'lơ̆ng trŏ kơ tơdrong juăt Sư pơkă kơ bơ̆n noh, Sư wă kơ kon bơngai lui kiơ̆ truh tơ kon sâu Abraham đei minh 'nu bơngai mă 'Bă Sư 'Bok Kei-Dei wă tơgŭm Sư noh. Tơdrong juăt 'Bok Kei-Dei pơkă sơ̆, linh jang 'lơ̆ng ăn kơ Môis tơdrong juăt noh na Môis ăn kơ kon bơngai. Thoi noh Môis pơm 'long sơlam kơ kon bơngai hăm 'Bok Kei-Dei.

Galati 5:18

Dah iĕm ăn Yang Bơhngol 'Lơ̆ng pơgơ̆r iĕm, lei iĕm ưh pă gơnang kơ akâu iĕm kơdih pơm kiơ̆ tơdrong juăt Môis ôh.

Galati 5:21

sư 'nhĕng kơ đe, sư suai sik pơm kư̆ kă, sư pơm lơ tơdrong kơnê̆, lơ tơdrong noh nai dơ̆ng. Inh wă pơma dơ̆ng kơ iĕm thoi inh roi boih kơ iĕm sơ̆: Dôm lu bơngai pơm thoi noh ưh kơ gơh oei hơdai tơ dêh char 'Bok Kei-Dei ôh ning-mônh.

Galati 5:23

iŏk đon ala, gơh gơ̆t, dôm tơdrong 'lơ̆ng 'noh yua kơ đơ̆ng Yang Bơhngol 'Lơ̆ng tơgŭm bơ̆n ngăl. Tơdrong juăt 'Bok Kei-Dei ưh kơ đei găn khă ôh dôm lu tơdrong 'lơ̆ng noh.b

Both 27:16

Hiap pơtê̆ bĕ kơ bơngai bu pơdê mĕ 'bă sư! Đĭ-đăng kon pơlei gô khan: A-men!

II Tes 2:8

Lăp Kră Yang Yêsu Krist jur đơ̆ng plĕnh ning-mônh, Sư yua tơdrong mơsêh mơyang Sư pơrăm bơngai kơnê̆ ei. Hăm 'bơ̆r Sư dơhlu hơyuh, na bơngai pơm kơnê̆ ei lôch hloi.

I Tim 4:7

Ih 'nĕ mơ̆ng tơdrong đe roi hơ'mon kư̆ kă. Đe roi tơdrong 'noh ưh kơ đei lĕch kiơ. Pơhrăm tơdrong 'Bok Kei-Dei đĕch kăl hloh.

I Tim 6:20

Ơ Timôthê, ih athei wei dôm lu nơ̆r inh pơkă kơ ih âu hŏ păng ih 'nĕ ăn kơ đe tơplih nơ̆r pơma âu. Păng ih 'nĕ kơ năm mơ̆ng lu bơngai năm bơtho tơdrong 'Bok Kei-Dei mơ̆n mă ưh kơ trŏ yua kơ sư bơtho ưh kơ trŏ thoi bơ̆n ôh. Lu sư bơtho ưh kơ lei-lăi, sư bơtho kư̆ kă đĕch, mă-lei sư khan sư bơtho trŏ tơpă.

II Tim 2:16

Ih 'nĕ kơ năm mơ̆ng lu bơngai pơjah pơjăng kư̆ kă. Lu bơngai pơjah pơjăng thoi noh lu sư rai đunh rai weh ataih đơ̆ng 'Bok Kei-Dei.

II Tim 3:2

Năr ei kơnh đei lơ bơngai băt 'mêm akâu sư kơdih, mă ưh kơ 'mêm mơnat kơ bôl buăl. Sư hăt kơ jên tơpă. Sư pơang akâu kơdih păng chă pơma pơsôm kơ đe. Sư pơma kơnê̆ kơ đe. Sư ưh kơ chu yom mĕ 'bă sư păng sư ưh kơ băt bơnê kơ đe, sư kư̆ pơm kơnê̆ đĕch.

Tit 1:10

Đei lơ bơngai ưh kơ chu lui tơdrong bơ̆n bơtho. Lu sư pơma bơtho ưh kơ yua kiơ, sư pơma pơsôm kơ đe đĕch. Mă loi bơngai Juđê boih mơ'nah, sư khan sư lui kơ Kră Yang Yêsu Krist boih mă sư oei pơm thoi noh.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Tit 1:6

Inh wă kơ ih rơih chă lu bơngai lui trŏ thoi âu: Bơngai bu đon 'lơ̆ng tơpăt mă đe ưh kơ lah bâu roi sư; păng sư bơngai iŏk akăn minh, kon sư kư̆m lui kơ 'Bok Kei-Dei mơ̆n; lu kon sư mă ưh kơ pơm kư̆ kă, sư băt chu yom kơ mĕ 'bă sư, hăm chu yom kơ 'Bok Kei-Dei đĕch.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Hêbrơ 11:31

Yă Rahap sơ̆ sư bơngai đi, đơ̆ng rŏng sư đei đon lui, na sư huay kơ lôch hơdai hăm lu bôl sư bơngai mă ưh kơ lui kơ 'Bok Kei-Dei, yua kơ sư sơng iŏk lu bơngai Isơrael, lu mă năm lăng tông pơlei sư ki.

Hêbrơ 12:16

Iĕm athei kơchăng, wă kơ lơ̆m lu iĕm huay kơ đei bu ngôi pơyô kư̆ kă, dah pơhơi tơdrong 'Bok Kei-Dei thoi Êsâu sơ̆. Sư tĕch đĭ dôm mŭk tơmam mă 'bă sư wă ăn kơ sư yua kơ sư kon kơdră, mă sư tĕch pơđĭ kơ oh sư lăp minh 'măng sa đĕch.

I Pet 2:7

Lu bơ̆n mă lui kơ Yêsu, bơ̆n gĭt kơ Sư tơpă. Gah lu bơngai mă ưh kơ lui, lu sư 'blep thoi tơdrong đe chih tơpă: “Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man pơklop Sư 'bơ̆t mum hnam.”

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.

I Pet 4:18

'Noh thoi đe chih lăm sơ̆p hla bơar 'Bok Kei-Dei sơ̆ thoi âu: “Tơ̆ng lu bơngai pơm 'lơ̆ng tơpăt anat kơ klaih, lei bĭ lu bơngai pơm kơnê̆ pơm yoch lu sư thoi yơ?”

Ju 1:15

wă sek tơlang đĭ-đăng bơngai păng phak dôm lu bơngai pơm kơnê̆, yua kơ dôm tơdrong kơnê̆ noh lu sư đêl pơm tơpă. Păng Sư wă phak lu bơngai yoch pơma kơnê̆ kơ Sư.”

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.