I Tim 1:6 - Sơ̆p Hlabơar Nơ̆r 'Bok Kei-Dei

⁶ Đei bơngai mơ'nah hŭt lê̆ tơdrong lui sư na jing pă đei đon 'lơ̆ng tơpăt dơ̆ng, na jing hơwơ̆l kơ tơdrong 'Bok Kei-Dei. Lu sư bơtho kư̆ kă đĕch 'noh.

I Tim 1:6 Iomraidhean Croise

Mathiơ 18:12

“Pơtih gia minh 'nu bơngai đei minh-hrĕng tŏ triu na hiong minh pôm tơ nai, sư lê̆ tơsĭn-jĭt tơsĭn noh chă sa tơ groi, na tơ'ngla sư năm chă minh pôm hiong noh tơ̆p 'bôh.

I Tim 5:15

Đei bơngai adro mơ'nah achăng lê̆ tơdrong lui sư na jing kiơ̆ yang Satan.

II Tim 2:18

Thoi noh na bre sư tŭk lê̆ tơdrong 'Bok Kei-Dei. Bre sư kư̆m pơma pơtuah lu bơngai lui mơ'nah jing achăng lê̆ tơdrong lui mơ̆n. Bre sư bơtho ưh kơ trŏ gah tơdrong bơ̆n wă iung arih ning-mônh, bre sư khan bơ̆n ưh kơ iung arih đơ̆ng lôch ôh.

Tit 1:10

Đei lơ bơngai ưh kơ chu lui tơdrong bơ̆n bơtho. Lu sư pơma bơtho ưh kơ yua kiơ, sư pơma pơsôm kơ đe đĕch. Mă loi bơngai Juđê boih mơ'nah, sư khan sư lui kơ Kră Yang Yêsu Krist boih mă sư oei pơm thoi noh.

Tit 3:9

Ih 'nĕ ăn đe bơtho adrĕch adrung yă 'bok bơngai Juđê sơ̆ hŏ. Sư bơtho kư̆ kă đĕch, ưh kơ tơpă ôh. Lu sư kư̆m pơjah pơjăng tơhil băl gah tơdrong juăt 'Bok Kei-Dei pơkă sơ̆. Dôm tơdrong lu sư chă bơtho ưh kơ yua kiơ ôh.