I Tim 1:20 - Sơ̆p Hlabơar Nơ̆r 'Bok Kei-Dei

²⁰ Thoi bre Himenaius hăm Aleksandrê hŭt tơdrong lui bre sư, na inh jao lê̆ bre sư kơ yang Satan wă kơ bre sư đei tơdrong gleh na wă kơ bre sư tơbral ưh pă pơma kơnê̆ kơ 'Bok Kei-Dei dơ̆ng.

I Tim 1:20 Iomraidhean Croise

Mathiơ 18:17

Dah sư ưh tam mă chu kơ lu bơngai kơdranh pơma lei iĕm khan kơ lu bơngai mă akŭm lăm hnam 'Bok Kei-Dei. Dah sư oei sơngah ưh kơ chu kơ lu bơngai akŭm lăm hnam 'Bok Kei-Dei lei iĕm lăng sư thoi bơngai tơmoi khŭl nai păng thoi bơngai iŏk jên thuê̆ đĕch.

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 19:33

Lu bơngai Juđê tơ pơlei ei mơ̆n, sư athei minh 'nu bơngai bôl sư, Aleksandrê, năm dơ̆ng 'bơ̆t anăp kon pơlei pơla wă pơma dŏng lu sư. Na lu bơngai Êphêsô mơ'nah ngêh kơ Aleksandrê boih bơngai đe wă sek tơlang. Na Aleksandrê yơ̆r ti sư wă kơ đe thĕng huay pă pơma. Sư wă pơma dŏng lu bơngai Juđê ră.

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

II Kor 10:6

Păng lăp nhôn truh tơ iĕm kơnh, bu ưh tam chu kơ nhôn, nhôn wă bơtho khan phak tơbral đon sư; dôm lu iĕm mă chu, huay boih.

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

II Tes 3:15

Mă-lei iĕm 'nĕ mah hil kơ sư dêh. Iĕm athei bơtho khan adar adeh, mơnat kơ sư mơ̆n yua kơ sư kư̆m 'nhŏng oh bơngai lui.

I Tim 5:15

Đei bơngai adro mơ'nah achăng lê̆ tơdrong lui sư na jing kiơ̆ yang Satan.

II Tim 2:14

Dôm tơdrong inh bơtho âu ih athei bơtho ăn kơ lu bơngai lui dơ̆ng hŏ păng khan kơ lu sư thoi âu: “'Bok Kei-Dei Sư 'bôh bơ̆n na bơ̆n athei kơchăng hŏ. Bơ̆n 'nĕ pơjah pơjăng kư̆ kă. Bơ̆n pơjah pơjăng thoi noh ưh kơ đei yua kiơ ôh, pơrăm đe đĕch dah bơ̆n pơjah thoi noh.”

II Tim 2:17

Tơdrong sư bơtho thoi noh khŏm khŏm rai đunh rai tih kơjăp na lơ bơngai lui kơ nơ̆r sư bơtho na achăng tŭk tơdrong lui kơ Yêsu. Bre Himennuih păng Philat boih bre sư pran pơjah pơjăng kư̆ kă.

II Tim 3:2

Năr ei kơnh đei lơ bơngai băt 'mêm akâu sư kơdih, mă ưh kơ 'mêm mơnat kơ bôl buăl. Sư hăt kơ jên tơpă. Sư pơang akâu kơdih păng chă pơma pơsôm kơ đe. Sư pơma kơnê̆ kơ đe. Sư ưh kơ chu yom mĕ 'bă sư păng sư ưh kơ băt bơnê kơ đe, sư kư̆ pơm kơnê̆ đĕch.

Hêbrơ 12:5

Iĕm hiơt boih hă tơdrong 'Bok Kei-Dei pơlung bơ̆n wă kơ bơ̆n huay kơ sơ'ngon? Lăm sơ̆p hla bơar Sư đei chih khan kơ bơ̆n thoi âu: “Ơ dăm, e 'nĕ kơ hli ôh 'Bok Kei-Dei bơtho pơjĭ 'biơ̆ e. E 'nĕ kơ rai pơhơi 'bơ̆t Sư bơtho tơbral e.

Tơdrông Tơ'bôh 13:1

Đơ̆ng noh inh 'bôh minh pôm sem brem lĕch đơ̆ng đak dơsĭ. Sem ei đei mơjĭt tŏ ake, tơpơh tŏ kơ̆l. Sư đei mơjĭt tŏ môk pơtao tơ ake sư. Tơ rim kơ̆l sư đei chih tơdrong pơma blông kơ 'Bok Kei-Dei.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.