I Tim 1:10 - Sơ̆p Hlabơar Nơ̆r 'Bok Kei-Dei

¹⁰ lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

I Tim 1:10 Iomraidhean Croise

Bl 19:5

Lu sư krao Lot na apinh: “Bre tơmoi mă kơsơ̆ 'nâu hei mơ̆t tơ hnam ih dang ei bre sư tơ yơ? Tơlĕch bre sư tơ âu, wă kơ lu nhôn ngôi hăm bre sư.”

Bl 37:27

Thoi âu đĕch! Bĕ bơ̆n tĕch sư tơ lu bơngai Ismael to bơ̆n 'nĕ kơ pơrăm akâu sư, yua kơ sư oh bơ̆n, sĕch akar bơ̆n, na lu 'nhŏng oh sư chu kiơ̆ nơ̆r sư.

Bl 40:15

Yua kơ đe rôp ba inh đơ̆ng bơngai Hêbrơ păng tơ âu inh ưh kơ đei pơm yoch kiơ, mă-lei đe kư̆m tah inh lăm hnam pơmat 'nâu.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Le 21:16

Bơngai bu rôp tơtông bơngai păng tĕch, dah oei rôp bơwei lăm ti sư, đe gô sek pơlôch sư.

Hôsia 10:4

Lu sư chă pơma pơkă pơkăm hơlĕnh lăm nơ̆r pơgơ̆p, Thoi noh tơdrong lu sư. Jing thoi 'nhĕt kơnê̆ hơkăm chăt rok trong đêl choh lăm chŭn.

Lêwi 18:22

'Nĕ kơ 'bĭch pơm tơduă drŏ-nglo, thoi 'bĭch hăm bơngai drŏ-kăn;c tơdrong noh jing tơdrong Kră Yang 'Bok Kei-Dei hil mĭl dêh.

Lêwi 20:13

Tơdah bơngai drŏ-nglo 'bĭch pơm kư̆ kă hăm tơduă bơngai drŏ-nglo thoi 'bĭch pơm kư̆ kă hăm bơngai drŏ-kăn, 'bar 'nu bre sư đe gô pơlôch đĭ. Yua kơ pơm boih tơdrong kơnê̆ mă Inh hil mĭl krưp dêh, pham lu sư gô tuh tơ lu sư kơdih.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Sa 8:17

'Nĕ chă tơdrong kơnê̆ lăm jơhngơ̆m 'nĕ kơ tơhil hăm lu rông 'bôt; păng 'nĕ kơ pơma hơlĕnh, yua kơ noh jơ̆ tơdrong mă Inh areh.” Kră Yang khan thoi noh.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Rom 1:26

Yua kơ thoi noh na 'Bok Kei-Dei achăng lê̆ bơ̆n pơm kơnê̆ bưh kiơ bưh, na bơ̆n pơm kơnê̆ kư̆ kă tơpă. Roi gah tơdrong drŏ-kăn: Đei lu drŏ-kăn mơ'nah rai pă 'maih iŏk klo kiơ̆ thoi 'Bok Kei-Dei pơkă. Lu sư wă pơm kư̆ kă tơduă lu sư đĕch.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

I Tim 6:3

Bơngai bu bơtho chroih tơ nai ưh kơ 'blep trŏ thoi Kră Yang bơ̆n Yêsu Krist bơtho, tơdrong sĭt tơpă na bơ̆n lui âu, bơngai 'noh sư chă pơang akâu kơdih sư đĕch. Sư kơkal 'bơ̆r rơkah, sư ưh kơ pơwao akâu kơdih wă pơma thoi yơ. Sư 'maih chă pơjah pơjăng đĕch, sư chă pơma kơ bôl buăl sư, sư pơjah pơjăng dih băl păng che bơle, tơgar nơ̆r pơma, bu kư̆m wă kơ jei bu. Păng sư chă đăk đon kơdih khan đe wă pơm kơnê̆ kơ sư.

II Tim 1:13

Ih athei pơm kiơ̆ dôm tơdrong 'lơ̆ng inh bơtho ih păng ih kư̆ lui mă kơjăp băt 'mêm mơnat kơ bôl buăl. Yêsu Krist gơh ăn kơ bơ̆n lui kơjăp păng 'mêm mơnat kơ đe.

II Tim 4:3

Ning-mônh đei lơ bơngai ưh pă wă mơ̆ng tơdrong 'Bok Kei-Dei. Đe wă kiơ̆ gah tơdrong kư̆ kă sư kơdih đĕch, na lu sư chă bơngai bơtho sư kiơ̆ kơ sư wă mơ̆ng đĕch, ưh pă kiơ̆ tơdrong 'Bok Kei-Dei dơ̆ng.

Tit 1:13

Sư bơtho khan thoi noh trŏ tơpă. Na ih athei khă lu sư 'nĕ pă bơtho tơdrong kư̆ kă, wă kơ lu sư jah lui mă kơjăp.

Tit 1:9

sư bơtho tơdrong 'Bok Kei-Dei 'blep trŏ nơ̆r 'Bok Kei-Dei tơpă. Thoi noh đe anăn sư gơh bơtho trŏ tơdrong 'Bok Kei-Dei păng sư gơh pơjah pơjăng păng lu bơngai mă ưh kơ lui ayăt tơdrong sư bơtho.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Tơdrông Tơ'bôh 18:13

bơ̆n kơđoh 'long kuê̆, bơ̆n tơmam 'bâu phu wă pơm kơ tơmam sa, bơ̆n kơđoh 'long tơ'băr đe pơm ŭnh nhang, bơ̆n gơhlâu 'bâu phu; bơ̆n sik, đak rơmă, tơpŭng đe pơm 'bĕng mi, bơ̆n 'ba sa; lu sem dơrong, thoi kơ rơmo, triu, aseh, akâu gre aseh; lu bơngai đĭch đe kư̆m đei tĕch mơ̆n, dang đe tĕch bơhngol kon bơngai.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.