I Tim 1:1 - Sơ̆p Hlabơar Nơ̆r 'Bok Kei-Dei

^1-2 Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

I Tim 1:1 Iomraidhean Croise

Horiso 106:21

Lu sư hiơt kơ Kră Yang 'Bok Kei-Dei Tơ'ngla dŏng pơklaih lu sư. Păng đei pơm lơ tơdrong tih tơ Êyiptơ,

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 43:11

Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 45:15

Sĭt tơpă Ih Kră Yang 'Bok Kei-Dei ôn akâu Ih, Ơ Kră Yang 'Bok Kei-Dei Ih, jơ̆ Kră Yang dŏng pơklaih đe Isơrael.

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Êsai 63:8

Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Hôsia 13:4

Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Luka 1:47

jơhngơ̆m inh hiôk yua kơ 'Bok Kei-Dei pơklaih inh.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

I Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi 'nhŏng bơ̆n Sôten,

I Kor 9:17

Dah inh jang bơtho đe yua kơ inh wă kơdih đĕch, lei inh gơh iŏk jên đe apah. Mă-lei inh ưh kơ gơh iŏk, yua kơ Kră Yang wơh inh jang, na inh athei jang ăn kơ Sư đĕch.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

Galati 1:1

Inh Pôl chih hơpong kơ lu bơngai lui tơ dêh char Galati. Jet gia 'nhŏng oh. Lu 'nhŏng oh bơngai lui tơ inh âu kư̆m đei nơ̆r jet gia kơ iĕm mơ̆n. Inh pơm jơ̆ng 'bang Yêsu Krist yua kơ Sư ăn inh pơm jơ̆ng 'bang Sư. 'Bă Sư 'Bok Kei-Dei tơiung arih Sư đơ̆ng lôch păng Sư kư̆m ăn kơ inh pơm jơ̆ng 'bang Yêsu mơ̆n. Ưh kơ sĭ kon bơngai ăn kơ inh ôh. Ưh kơ sĭ kon bơngai pơtruh ăn kơ inh nơ̆r 'Bok Kei-Dei athei inh pơm jơ̆ng 'bang Yêsu ôh, inh kơtơ̆ng đơ̆ng Sư đĕch khan kơ inh.

Galati 1:11

Ơ lu 'nhŏng oh, inh wă kơ iĕm hlôh tơdrong âu: Tơdrong 'nao 'lơ̆ng mă inh bơtho ăn kơ iĕm sơ̆, ưh kơ sĭ đơ̆ng kon bơngai pơjing ôh.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

I Tim 2:3

Bơ̆n krao khan thoi noh 'lơ̆ng tơpă păng Kră Yang 'Bok Kei-Dei lăp đon tơpă. Sư pơklaih bơ̆n đơ̆ng tơdrong yoch.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Tit 3:4

Mă-lei 'Bok Kei-Dei khan tơbăt ăn kơ bơ̆n Sư 'mêm mơnat tơpă kơ bơ̆n na Sư wă pơklaih bơ̆n đơ̆ng tơdrong yoch.

Tit 3:6

'Bok Kei-Dei ăn kơ bơ̆n Yang Bơhngol 'Lơ̆ng Sư wă kơ dŏng bơ̆n lăm tôm tơdrong tơpă. Sư ăn Yang Bơhngol 'Lơ̆ng kơlih kơ bơ̆n lui kơ Yêsu Krist mă 'Bok Dŏng Pơklaih bơ̆n.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.