I Tes 5:4 - Sơ̆p Hlabơar Nơ̆r 'Bok Kei-Dei

⁴ Mă-lei iĕm lui boih kơ Kră Yang, iĕm huay kơ hli lăm năr noh kơnh ôh, yua kơ iĕm huay pă oei lăm măng mu boih.

I Tes 5:4 Iomraidhean Croise

Je 42:16

na đao gưm mă lu iĕm hli dêh gô druh tam lu iĕm lăm teh đak Êyiptơ, tơdrong pơngot rơwĕt mă lu iĕm hli tơtăm kư̆m druh kiơ̆ iĕm năm tơ Êyiptơ păng lu iĕm gô lôch tơ noh.

Hôsia 10:9

Ơ Isơrael, lu iĕm pơm yoch boih đơ̆ng năr iĕm pơm kơnê̆ tơ pơlei Gibêah! Lu iĕm oei pơm yoch ngăl, Hăm trŏ tơdrong tơblah tih hăm lu kon bơngai yoch kơnê̆ tơ pơlei Gibêah gô truh tơ iĕm?

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Both 19:6

Dah bơngai wă tơiung kơting, blĕk dêh na druh bơngai mă pơlôch đe noh, yua kơ trong ataih dêh, druh tam na koh pơlôch hloi bơngai noh, mă khan bơngai noh ưh tam trŏ pơlôch ră, ưh kơ đei tơdrong đơ̆ng adrol ki sơ̆, sư tam lah chă tơhil areh băl hăm lu rông 'bôt sư.

Both 28:15

Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi:

Both 28:45

Đĭ-đăng dôm lu tơdrong hiap pơtê̆ 'nâu gô truh tơ iĕm druh tam iĕm, dĭng lu iĕm lôch hiong răm đĭ, yua kơ iĕm ưh kơ mơ̆ng kiơ̆ nơ̆r Kră Yang 'Bok Kei-Dei iĕm păng ưh kơ wei răk dôm lu nơ̆r tơtă păng khôi juăt mă Sư ăn boih kơ iĕm.

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.

I Tes 5:2

Mă iĕm kư̆m băt nhên mơ̆n tơdrong ưh kơ đei bu băt Kră Yang Yêsu wă jur layơ, kư̆m thoi bơ̆n ưh kơ băt kơ bơngai wă tơtông klĕ sư wă truh măng ayơ.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

I Yo 2:8

Mă tơdrong inh chih pơkă kơ iĕm âu 'nao mơ̆n. Yêsu Krist răk tơdrong pơkă âu păng iĕm kư̆m răk tơdrong pơkă âu mơ̆n. Yua kơ iĕm tơm hmơm đơ̆ng măng mu mă-lei dang ei 'brưch rai wă jê̆ hơdah măt 'năr boih păng hơdah jơ̆p hloi.

Tơdrông Tơ'bôh 16:15

Inh 'bôh thoi noh boih na inh kơtơ̆ng Kră Yang Yêsu Krist khan: “Inh wă jur kơplah kon bơngai ưh kơ lêng ê thoi bơngai wă năm tơtông. Hiôk dêh bu mă oei kral kơchăng păng đei hơbĕn ao hrŭk wă kơ đe huay kơ 'bôh sư hang-hông.”

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.