I Tes 5:21 - Sơ̆p Hlabơar Nơ̆r 'Bok Kei-Dei

²¹ Iĕm athei tơchĕng lăng tôm tơdrong, dôm tơdrong trŏ iĕm chhŏ iŏk.

I Tes 5:21 Iomraidhean Croise

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Hơri Hiôk 3:4

Lăp inh weh ataih đơ̆ng lu sư, Blư 'bôh hloi bơngai mă inh hơyuh. Inh thar rôp kuăr hloi, ưh pă achăng sư bơih, Chông ba sư dĭng truh tơ hnam mĕ inh. Mơ̆t lăm anih bơngai mă anăp kơ inh.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Luka 12:57

“Liơ iĕm ưh kơ gơh tơchĕng kơdih wă kơ băt tơdrong trŏ, tơdrong glăi?

Yo 15:4

Na iĕm athei oei kơjăp lăm Inh khŏm khŏm, mă Inh kư̆m oei lăm iĕm mơ̆n. Dah iĕm ưh kơ oei lăm Inh, iĕm ưh kơ đei plei ôh, kư̆m thoi lĕ kơ dơng mă ưh kơ đei tơm thoi yơ sư gơh đei plei?

Yo 8:31

Na Yêsu khan kơ lu bơngai Juđê mă lui kơ Sư boih: “Dah iĕm răk kiơ̆ tơdrong Inh bơtho khŏm khŏm, lei iĕm bơngai kiơ̆ Inh tơpă boih.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

I Kor 2:11

Kon bơngai ưh kơ đei bu băt tôm tơdrong tơchĕng tơduă kon bơngai, pôm tơ'ngla bơ̆n kơdih đĕch băt tôm tơdrong bơ̆n tơchĕng kơdih; kư̆m thoi noh mơ̆n kon bơngai bơ̆n ưh kơ đei bu băt tôm tơdrong tơchĕng 'Bok Kei-Dei ôh, pôm Yang Bơhngol 'Lơ̆ng đĕch băt tôm tơdrong tơchĕng 'Bok Kei-Dei.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

Êphêsô 5:10

Iĕm athei chă dôm tơdrong 'Bok Kei-Dei lăp đon noh.

Philip 3:16

Dôm tơdrong mă Sư tơbăt kơ bơ̆n boih, Sư wă kơ bơ̆n kiơ̆ mă 'blep, wei mă kơjăp khŏm khŏm.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

I Tes 5:22

Dah tơdrong glăi iĕm săi tŭk.

II Tes 2:15

Kơlih kơ thoi noh na iĕm athei adrin lui kơjăp khŏm khŏm 'nĕ kơ achăng dôm tơdrong 'Bok Kei-Dei mă nhôn bơtho iĕm, mă nhôn bơtho păng 'bơ̆r, mă nhôn bơtho lăm kơthơ.

II Tim 1:15

Ih băt boih bre Phigelus păng Hêrmôgen păng đĭ-đăng bơngai dêh Asi achăng lê̆ inh boih.

II Tim 3:6

Lu bơngai ei lu mơ'nah mơ̆t tơ hnam bơngai drŏ-kăn mă ưh kơ hlôh. Lu sư pơtuah bơngai drŏ-kăn ei lui kơ 'Bok Kei-Dei. Lu bơngai drŏ-kăn ei lu sư băt kơdih đei lơ tơdrong yoch ră mơ̆n, mă-lei lu sư oei hưch tơdrong âu tơdrong to.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.

Hêbrơ 10:23

Bơ̆n athei wei mă kơjăp tơdrong mă bơ̆n chang sơmĕng ei, 'nĕ kơ lui pơngiĕl Sư. Yua kơ dôm nơ̆r Sư pơkă ưh kơ lah tŭk minh nơ̆r.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.

Tơdrông Tơ'bôh 2:2

‘Inh băt mơ̆n tơdrong lui iĕm, Inh băt mơ̆n iĕm jang gleh, Inh băt mơ̆n đe areh kơ iĕm, iĕm oei lui kơjăp. Inh băt mơ̆n iĕm kuă kơ lu bơngai kơnê̆ oei hơdai iĕm. Lu sư hơlĕnh khan sư pơm jơ̆ng 'bang Inh mă-lei iĕm pơlong lăng lu sư boih, na iĕm băt boih kơ sư bơngai hơlĕnh.

Tơdrông Tơ'bôh 2:25

Inh wă kơ iĕm kư̆ kơ lui kơjăp khŏm khŏm truh tơ năr Inh jur ning-mônh.

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.