I Tes 5:12 - Sơ̆p Hlabơar Nơ̆r 'Bok Kei-Dei

¹² Ơ 'nhŏng oh, nhôn wă kơ iĕm lui yom kơ lu bơngai jang tơdrong 'Bok Kei-Dei păng lu bơngai mă Kră Yang Yêsu Krist rơih wă wei-lăng iĕm păng bơtho iĕm.

I Tes 5:12 Iomraidhean Croise

Luka 10:7

Na iĕm kư̆ kơ oei tơ hnam noh khŏm khŏm. Iĕm lê̆ kơ sư 'me iĕm, yua kơ iĕm bơtho sư tơdrong 'Bok Kei-Dei, kư̆m dang lĕ jang tơgŭm sư mơ̆n. Iĕm 'nĕ chă oei jơ̆p jơ̆p kơ hnam đe.

Yo 4:38

Na Inh wơh iĕm năm kĕch 'ba mă đêl đe rei, wă kơ iĕm kĕch dŏng bơngai mă rei 'noh.”

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Rom 16:12

Păng inh kư̆m wă jet gia lăng bre duch Triphen păng duch Triphô, bre sư kư̆m hơdai jang tơdrong Kră Yang Yêsu Krist. Păng inh wă jet gia duch Phersi, inh băt sư jang tơdrong Kră Yang Yêsu Krist gleh dêh na bơ̆n 'mêm kơ sư tơpă.

Rom 16:6

Inh kư̆m đei nơ̆r wă jet gia duch Mari, sư jang tơgŭm iĕm gleh tơpă.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 16:16

Ơ 'nhŏng oh, inh athei iĕm chu yom kơ sư păng đĭ-đăng lu bơngai mă gơh jang thoi sư noh.

I Kor 16:18

Lu sư pơm kơ jơhngơ̆m inh hiôk păng pơm kơ jơhngơ̆m iĕm hiôk lei-lăi mơ̆n. Na iĕm athei chu yom kơ dôm lu bơngai mă pơm thoi noh.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

II Kor 5:9

Thoi noh na, mă nhôn oei đei akâu so truh kơ Sư jur, dah lôch hơdrol, kư̆m bưh mơ̆n, nhôn kư̆ kơ adrin pơm trŏ đĕch wă kơ Sư lăp đon,

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Galati 4:11

Inh tơtăm kơ lu iĕm, hli kơ tơdrong jang inh tơgŭm iĕm mă ưh kơ đei yua.

Philip 2:16

Iĕm tơ'bôh kơ lu sư tơdrong 'Bok Kei-Dei ăn kơ kon bơngai arih, thoi noh na lăp truh năr Yêsu Krist jur ning-mônh jơhngơ̆m inh hiôk dêh, yua kơ tơdrong jang inh đei yua; ưh kơ sĭ jang tŭk đĕch ôh.

Philip 2:19

Tơ̆ng Kră Yang Yêsu wă, pă đunh boih inh wă wơh Timôthê năm tơ iĕm wă kơ inh băt kơ iĕm dang ei thoi yơ. Thoi noh na iĕm kư̆m hiôk, inh kư̆m hiôk.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

I Tim 5:1

Ih khă lu bơngai kră mă 'lơ̆ng, ih athei pơma lung sư yua kơ sư kră hloh kơ ih; păng ih lăng sư thoi lĕ kơ 'bă ih. Ih lăng lu bơngai drŏ-nglo 'lơ̆p kơ ih kư̆m thoi oh ih mơ̆n.

I Tim 5:20

Bơngai bu pơm yoch tơpă ih athei pơma khă sư 'bơ̆t anăp đe tơpôl lu bơngai lui wă kơ lu bơngai lui kơchăng đon ưh kơ wă pơm yoch thoi bơngai 'noh dơ̆ng.

II Tim 2:6

Âu nơ̆r pơtih gia mơ̆n: Bơngai choh mir sư jang hrat tơpă, sư wei-lăng mir sư truh tơ 'ba đum, klaih kơ noh tơ'ngla sư kĕch iŏk kơdih.

Tit 1:5

Lăp ba tơklah băl đơ̆ng bŏl đak Kret ki, inh pơkă kơ ih kư̆ kơ oei tơ noh wă kơ ih jang mă keh dôm tơdrong inh jang ưh kơ tam keh. Inh wă kơ ih rơih chă lu bơngai lui wă pơm kră wei-lăng bơngai lui tơ rim pơlei, kư̆m thoi inh pơkă kơ ih ki.

Tit 2:15

Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Hêbrơ 13:7

Iĕm athei lăng tơdrong arih bơngai mă bơtho iĕm tơdrong 'Bok Kei-Dei sơ̆, tơdrong arih sư thoi yơ, sư lôch thoi yơ, iĕm athei rok kiơ̆ tơdrong lui sư noh.

Tơdrông Tơ'bôh 1:20

Gah tơdrong tơpơh tŏ sơnglŏng mă ih 'bôh Inh chĕp tơ ti 'ma Inh 'noh hei păng tơpơh tŏ jơ̆ng kơđeng maih noh, na dang ei Inh wă roi tơblang ăn kơ ih. Tơpơh tŏ sơnglŏng noh wă khan tơpơh 'nu kră wei-lăng hnam akŭm 'Bok Kei-Dei. Tơpơh tŏ jơ̆ng kơđeng maih noh wă khan tơpơh tŏ hnam akŭm 'Bok Kei-Dei.”

Tơdrông Tơ'bôh 2:12

“Dang ei dơ̆ng ih chih kơ kră wei-lăng hnam akŭm tơ Pơlei Pêgam thoi âu: 'Bok mă đei minh hlak đao han đei 'bar pah măt noh Sư wă pơma kơ iĕm thoi âu:

Tơdrông Tơ'bôh 2:18

“Dang ei dơ̆ng Inh wă kơ ih chih kơthơ kơ kră hnam akŭm 'Bok Kei-Dei tơ Pơlei Thiatir thoi âu: Âu boih Kon 'Bok Kei-Dei, 'Bok mă măt Sư thoi pla ŭnh, jơ̆ng Sư hơdah 'brŭng dreng thoi mam ngơr đe 'buh tơ ŭnh, na Sư wă pơma kơ iĕm thoi âu:

Tơdrông Tơ'bôh 2:3

Inh băt mơ̆n iĕm đei tơdrong gleh truh yua kơ jang tơdrong Inh, iĕm oei adrin khŏm khŏm ưh kơ lê̆.

Tơdrông Tơ'bôh 2:8

“Dang ei ih chih kơ kră wei-lăng hnam akŭm tơ Pơlei Samina thoi âu: 'Bok tơm rơh mă ưh kơ đei layơ tôch, mă lôch iung arih dơ̆ng, Sư wă pơma kơ iĕm thoi âu:

Tơdrông Tơ'bôh 3:1

“Na dang ei dơ̆ng ih chih kơthơ ăn kơ kră wei-lăng hnam akŭm 'Bok Kei-Dei tơ Pơlei Sadis, ih chih kơ sư thoi âu: Âu boih 'Bok mă đei minh 'nu Yang Bơhngol 'Lơ̆ng mă dang tơpơh 'nu, mă Sư chĕp tơpơh tŏ sơnglŏng tơ tơpang ti Sư noh, na dang ei Sư wă pơma kơ iĕm thoi âu: ‘Inh băt mơ̆n dôm tơdrong lui iĕm thoi yơ. Đĭ-đăng bơngai ư-ang kơ iĕm khan iĕm bơngai lui kơjăp; mă tơpă iĕm rơdu dêh dang bơngai wă kơtĕch jơhngơ̆m wă lôch.

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu:

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu: