I Tes 4:9 - Sơ̆p Hlabơar Nơ̆r 'Bok Kei-Dei

⁹ Gah tơdrong 'mêm mơnat tơduă bôl bơngai lui nhôn huay kơ kăl chih roi kơ iĕm ôh, yua kơ 'Bok Kei-Dei bơtho iĕm boih tơdrong 'mêm mơnat dih băl 'noh.

I Tes 4:9 Iomraidhean Croise

Horiso 133:1

Ơ lăng deh 'lơ̆ng hơiă tơpă 'nhŏng oh oei sa hiôk pơgơ̆p băl.

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Mathiơ 22:39

Tơdrong juăt mă 'bar dơ̆ng kư̆m thoi noh mơ̆n: ‘Bơ̆n athei 'mêm kơ bôl buăl thoi bơ̆n 'mêm akâu kơdih.’

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

II Kor 9:1

Gah tơdrong ra jên wă tơgŭm lu bơngai lui dơnuh, inh ưh kơ kăl kơ chih roi dơ̆ng boih,

Philip 3:15

Thoi noh na dôm lu bơ̆n mă lui kơjăp boih bơ̆n athei tơchĕng kơ tơdrong 'noh ling-lang. Tơ̆ng iĕm tơchĕng phara kơ tơdrong 'noh, 'Bok Kei-Dei Sư tơ'bôh hloi kơ iĕm tơdrong 'noh, wă kơ iĕm kiơ̆ 'blep thoi tơdrong Sư.

I Tes 5:1

Ơ 'nhŏng oh, nhôn ưh kơ kăl chih roi gah tơdrong Kră Yang Yêsu wă jur layơ.

Hêbrơ 10:16

“Ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm jơhngơ̆m lu sư, Inh wă chih tơ'băk tơdrong juăt Inh tơ lăm đon tơchĕng lu sư. Tơdrong noh boih Kră Yang khan.”

Hêbrơ 13:1

Bơ̆n athei iŏk tơdrong 'mêm mơnat dih băl ling-lang.

I Pet 3:8

Đơ̆ng âu tơ anăp đĭ-đăng kơ bơ̆n athei pơgơ̆p băl minh jơhngơ̆m minh đon, băt 'mêm mơnat dih băl, iŏk jơhngơ̆m đon dim hơlăng băl, 'nĕ pơang băl.

I Pet 4:8

Mă loi bơ̆n 'nĕ hiơt kơ tơdrong 'mêm mơnat, dah bơ̆n 'mêm mơnat dih băl bơ̆n huay kơ jô̆ yo kơ tơdrong yoch bôl buăl ôh.

II Pet 1:7

Dah iĕm pơm kiơ̆ dôm tơdrong 'Bok Kei-Dei, iĕm gô đei đon 'mêm kơ bôl buăl bơngai lui, đơ̆ng noh na iĕm jing 'mêm kơ đĭ-đăng bơngai.

I Yo 2:10

Bơngai bu 'mêm kơ 'nhŏng oh sư, bơngai 'noh sư oei lăm tơdrong hơdah tơpă boih. Thoi noh bơ̆n băt kơ sư pơm 'lơ̆ng tơpă.

I Yo 3:11

Kư̆m thoi iĕm kơtơ̆ng đe bơtho iĕm đơ̆ng blŭng-a sơ̆ thoi âu: Bơ̆n athei 'mêm mơnat dih băl.

I Yo 3:23

Tơdrong Sư wă kơ bơ̆n răk thoi âu: Bơ̆n athei lui kơ Kon Sư Yêsu Krist păng 'mêm mơnat dih băl tơduă bơ̆n, kư̆m thoi Yêsu pơkă kơ bơ̆n sơ̆.

I Yo 4:21

Na Yêsu Krist bơtho pơkă kơ bơ̆n thoi âu: Bơngai bu 'mêm kơ 'Bok Kei-Dei, bơngai 'noh athei 'mêm mơnat kơ 'nhŏng oh sư mơ̆n.