I Tes 4:4 - Sơ̆p Hlabơar Nơ̆r 'Bok Kei-Dei

⁴ Sư wă kơ đĭ-đăng bơ̆n wei jơ̆ng ti bơ̆n kơdih mă hơđơ̆ng.

I Tes 4:4 Iomraidhean Croise

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Rom 1:24

Yua kơ thoi noh na 'Bok Kei-Dei achăng lê̆ bơ̆n gô mơ̆ng kơ bơ̆n wă pơm, pơm kơnê̆ bưh kiơ bưh. Bơ̆n pơm tơdrong kơnê̆ truh tơ akâu bơ̆n ưh kơ băt mơlâu kơ đe.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

I Kor 6:15

Iĕm ưh kơ băt ôh hă rim 'nu kơ bơ̆n gơh pơgơ̆p minh chăl lăm akâu Yêsu Krist? Na iĕm wă kơ bơ̆n pơgơ̆p dơ̆ng minh chăl tơ akâu drŏ-kăn đi dơ̆ng hă? Ưh ôh.

I Kor 7:2

Mă-lei tơ pơlei iĕm đei lơ bơngai juăt kơ ngôi pơyô kư̆ kă, na inh wă kơ lu iĕm athei chă kơdih akăn, lu drŏ-kăn athei chă kơdih klo.

I Kor 7:9

Mă-lei hli kơ iĕm ưh kơ kĕ gơ̆t kơ tơdrong pơm yoch na iĕm athei oei băl klo kăn đĕch 'lơ̆ng hloh kơ iĕm oei hơdrô̆.

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

I Pet 3:7

Lu bơngai drŏ-nglo kư̆m lei-lăi, iĕm athei pơm 'lơ̆ng kơ akăn iĕm, iĕm athei mơnat kơ sư 'biơ̆ yua kơ sư bơngai drŏ-kăn tơrăn hloh kơ iĕm; yua kơ tơdrong arih 'Bok Kei-Dei ăn tôm biĕm arih, ưh kơ sĭ ăn pôm drŏ-nglo đĕch ôh. Dah iĕm ưh kơ chu thoi noh tơdrong iĕm krao khan kơ 'Bok Kei-Dei ưh kơ yua kiơ boih.

I Sam 21:5

Đawit tơl hăm 'bok soi: Kơplah nhôn lĕch năm tơblah, lu nhôn ưh kơ đei jê̆ minh 'nu drŏ-kăn ayơ ôh. Lu buăl inh wei rơgoh 'lơ̆ng; mă hơbĕn ao mă dôm lu tơmam tơblah, na mă loi thoi kơ năr âu wă pơm rơgoh ăn kơ lu sư hăm lu tơmam lu sư mă rơgoh?