I Tes 4:17 - Sơ̆p Hlabơar Nơ̆r 'Bok Kei-Dei

¹⁷ Klaih kơ noh na 'Bok Kei-Dei atŏk dôm lu bơngai mă lui kơ Sư mă oei arih păng dôm lu bơngai 'nao iung đơ̆ng lôch, tŏk hơdai lăm hơmơ̆l truh tơ rơwơ̆ng ti na tơ'bơ̆p hloi Kră Yang Yêsu tơ ei, oei hơdai păng Sư ling-lang ling-lang ưh kơ đei layơ tôch.

I Tes 4:17 Iomraidhean Croise

I Pot 18:12

Inh ưh kơ băt mưh inh weh đơ̆ng ih, kơnh Yang Bơhngol Kră Yang gô pôk hiŏng tơweh ih tơ nai, Mưh inh năm roi kơ Ahap, athei năm tơ âu na ưh kơ 'bôh ih tơ anih 'nâu lei sư gô pơlôch inh, mă khan inh đam ih, hli yom kơ Kră Yang đơ̆ng inh oei 'lơ̆p ră.

II Pot 2:11

Kơplah bre sư oei nơnăm rah pơma dơnuh rah na 'bôh đei minh pôm gre aseh ŭnh păng aseh kư̆m ŭnh jur plah tơklah lê̆ bre sư; Êli phŭt gơhnŏk pôk ba sư tŏk tơ plĕnh.

II Pot 2:16

Păng khan kơ Êlisê: “Ơ 'bok thây, lăm lu đĭch đam ih âu đei pơđăm-jĭt 'nu bơngai nuih, apinh ih ăn lu sư năm chă yŏng tơ'ngla ih; băt jơ̆ Yang Bơhngol 'lơ̆ng Kră Yang anhăk ba sư klơ̆m hơtat lê̆ kơpal kông, dah klơ̆m hơtat lê̆ tơ thong ayơ bơih rŏ lăng?” Êlisê tơl: “'Nĕ kơ wơh lu sư năm.”

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 49:15

Mă-lei Kră Yang 'Bok Kei-Dei gô huai iŏk bơhngol inh đơ̆ng dêh atâu.j Yua kơ sư gô sơng iŏk inh. Sêla

Horiso 73:24

Ih yua tơdrong bơtho tơ'bôh na dui ba inh. Đơ̆ng noh sơng iŏk inh lăm tơdrong ư-ang.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Markôs 14:62

Yêsu tơl: “Inh boih Krist. Ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin, na đơ̆ng noh jur đơ̆ng plĕnh hăm hơmơ̆l.”

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 14:3

Đơ̆ng rŏng kơ Inh năm hơmet kơ iĕm anih oei, Inh gô jur tơ âu dơ̆ng, Inh wă anhăk ba iĕm tơ anih Inh; na iĕm oei hơdai hăm Inh ling-lang tơ ei.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Jang 1:9

Sư bơtho khan kơ đe ei đang boih, đơ̆ng noh Kră Yang Yêsu tŏk tơ kơpal plĕnh, hơmơ̆l gom Sư. Na đe ei hnhoi Sư dĭng tơ hơmơ̆l gom Sư ưh pă 'bôh boih.

Jang 8:39

Philip pơm kơ sư 'batem đang boih, bre sư tŏk tơ kông. Na Yang Bơhngol 'Lơ̆ng hiŏng anhăk Philip tơ nai, na 'bok tih ei ưh kơ 'bôh sư tơ yơ dơ̆ng. Mă-lei 'bok ei kư̆ kơ brŏk tơ pơlei sư. Jơhngơ̆m sư chơt hiôk tơpă.

II Kor 5:8

Dang ei jơhngơ̆m nhôn oei hiôk ling-lang chang dah oei hơdai Kră Yang Yêsu Krist hiôk-hian ling-lang.

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

I Tes 4:15

Kră Yang Yêsu ăn kơ nhôn bơtho iĕm thoi âu: Truh năr Sư jur tơ teh ning-mônh, lu bơngai mă lui kơ Sư, bu mă oei arih truh năr Sư jur, sư kư̆m ưh kơ tŏk hơdrol kơ bơngai lôch ôh.

I Tes 4:18

Kơlih kơ thoi noh tơdrong âu gô đei tơpă, na dang ei dôm lu bơ̆n oei arih iŏk dôm lu nơ̆r âu tơguăt kơdih lăm đon bĕ păng pơlung dih băl wă kơ chơt hiôk.

I Tes 5:10

Kră Yang Yêsu Krist lôch tang bơ̆n wă kơ bơ̆n oei hăm Sư ling-lang. Năr Sư jur kơnh, lu bơ̆n bơngai lui, mă bơngai oei arih mă bơngai lôch boih, lu bơ̆n gô oei hơdai păng Sư đĭ-đăng.

II Pet 3:13

Mă-lei gah bơ̆n, kiơ̆ kơ nơ̆r 'Bok Kei-Dei kơdih khan, Sư wă pơjing dơ̆ng plĕnh teh 'nao ăn kơ lu bơngai mă 'lơ̆ng tơpăt đĕch oei tơ noh. Tơdrong noh boih, tơdrong mă bơ̆n hưch hanh oei chang gô dang ei.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Tơdrông Tơ'bôh 11:12

Bre sư kơtơ̆ng nơ̆r pơma re tơ plĕnh khan: “Ơ bre noh, tŏk tơ âu bĕ.” Na bre sư tŏk hloi tơ plĕnh hơmơ̆l hiŏng bre sư. Dôm lu bơngai mă ayăt kơ bre sư 'bôh bre sư tŏk mơ̆n.

Tơdrông Tơ'bôh 12:5

Lăp bơngai noh tơpŭ kon drŏ-nglo, na 'Bok Kei-Dei iŏk atŏk hloi kon nge 'noh tơ plĕnh, yua kơ kon nge 'noh ning-mônh Sư gô pơm 'Bok Pơgơ̆r tôm kơ dêh char, chĕp 'long jra mam.