I Tes 4:13 - Sơ̆p Hlabơar Nơ̆r 'Bok Kei-Dei

¹³ Ơ 'nhŏng oh, nhôn roi tơpăt kơ iĕm wă kơ iĕm băt gah lu bơngai lui lôch boih sư gô iung arih dơ̆ng. Apinh iĕm 'nĕ kơ sơ'ngon thoi lu bơngai ưh kơ lui sư khan lôch ưh kơ gơh iung arih dơ̆ng.

I Tes 4:13 Iomraidhean Croise

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

II Sam 18:33

Pơtao Đawit 'mêm kơ kon tơdăm sư dêh, na tŏk hloi tơ kơpal 'măng jang pơlei păng nhơ̆m hmoi sư năm rah pơma rah khan: “Ơ, Apsalôm, kon dăm inh! Kon dăm inh! Apsalôm kon drŏ-nglo inh! Rŏ kơ inh lôch tang kon! Ơ, Apsalôm kon dăm inh! Kon dăm inh!”

I Pot 1:21

Dah ưh lăm minh năr ei kơnh ih yŏng pơtao inh lôch oei hơdai 'bok yă, lei đe gô jô̆ kơ nhi Sôlômôn pơm yoch”

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Lêwi 19:28

Kơplah bơngai lôch iĕm 'nĕ kơ 'bet akâu, 'nĕ kơ chhơ̆ săm akâu iĕm, Inh boih Kră Yang.

Lêwi 21:2

Lăp pôm kơtum kơtŏng 'nhŏng oh sư jê̆ dêh đĕch, pơtih thoi mĕ sư, 'bă sư, kon drŏ-nglo sư, kon drŏ-kăn sư,

Mathiơ 27:52

Lơ 'măng bơsat tơpơih kơdih, 'Bok Kei-Dei ăn kơ lu bơngai mă lui kơ Sư lôch boih iung arih.

Yo 11:24

Mathê khan: “Inh băt mơ̆n sư gô iung arih năr tôch ning-mônh.”

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

Jang 8:2

Đei lu bơngai lui kơjăp năm 'bŭ atâu Êtien. Lu sư nhơ̆m hmoi ơh kơ Êtien lôch.

Rom 1:13

Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.

I Kor 10:1

Ơ 'nhŏng oh, gah tơdrong lu yă 'bok bơ̆n sơ̆, 'Bok Kei-Dei tơgŭm lu sư tơpă. 'Bok Kei-Dei ăn hơmơ̆l wei-lăng lu sư păng 'Bok Kei-Dei kư̆m tơgŭm lu sư tŏk găn đak dơsĭ huay kơ đei tơdrong kiơ.

I Kor 12:1

Ơ 'nhŏng oh, dang ei inh wă roi ăn kơ iĕm mă nhên gah tơdrong hơgei Yang Bơhngol 'Lơ̆ng ăn kơ bơ̆n wă jang tơdrong 'Bok Kei-Dei.

I Kor 15:6

Đơ̆ng noh lăm minh 'măng Sư tơ'bôh kơ loi pơđăm-hrĕng 'nu bơngai lui kơ Sư. Mă lu bơngai 'noh dang ei kư̆m oei arih, kư̆m đei mơ'nah lôch mơ̆n.

II Kor 1:8

Ơ 'nhŏng oh, nhôn wă roi tơbăt ăn kơ iĕm gah tơdrong đe pơmat nhôn tơ dêh Asi. Nhôn pŭ pơmat trăp dêh, nhôn pă ngêh kơ arih boih.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

I Tes 4:14

Bơ̆n băt kơ Yêsu iung arih boih păng bơ̆n kư̆m băt dôm lu bơngai lui kơ Sư mă lôch boih 'Bok Kei-Dei ăn kơ lu sư gô jur hơdai Yêsu ning-mônh.

I Tes 4:15

Kră Yang Yêsu ăn kơ nhôn bơtho iĕm thoi âu: Truh năr Sư jur tơ teh ning-mônh, lu bơngai mă lui kơ Sư, bu mă oei arih truh năr Sư jur, sư kư̆m ưh kơ tŏk hơdrol kơ bơngai lôch ôh.

I Tes 5:10

Kră Yang Yêsu Krist lôch tang bơ̆n wă kơ bơ̆n oei hăm Sư ling-lang. Năr Sư jur kơnh, lu bơ̆n bơngai lui, mă bơngai oei arih mă bơngai lôch boih, lu bơ̆n gô oei hơdai păng Sư đĭ-đăng.

I Tes 5:6

Yua kơ bơ̆n huay pă oei lăm măng mu boih, na bơ̆n 'nĕ kơ tep hiơt thoi lu bơngai ưh kơ lui. Bơ̆n lui boih, bơ̆n thoi lĕ iung đơ̆ng tep na bơ̆n athei kơchăng ling-lang. Bơ̆n athei pơm thoi bơngai hơdrăl ưh kơ et sik; 'noh wă khan bơ̆n athei lui kơjăp mă tơpă.

II Pet 3:4

“Lu sư kơtơ̆ng Yêsu khan wă jur dơ̆ng mă-lei tơ yơ 'bôh? Lu yă 'bok bơ̆n lôch đĭ-đăng boih, mă-lei tôm tơdrong oei hơnơ̆ng lei-lăi thoi plĕnh teh 'nao pơjing sơ̆ đĕch.”

II Pet 3:8

Ơ lu 'nhŏng oh mă inh 'mêm kơeng, iĕm 'nĕ hiơt kơ tơdrong âu hŏ: Yua kơ 'Bok Kei-Dei Sư Yang, Sư lăng minh năr dang minh-rơbâu sơnăm, minh-rơbâu sơnăm dang lĕ kơ minh năr đĕch. Bơ̆n tơchĕng Sư gô đunh mă Sư lăng ưh kơ đunh ôh.