I Tes 4:11 - Sơ̆p Hlabơar Nơ̆r 'Bok Kei-Dei

¹¹ Iĕm 'nĕ pơm thoi bơngai nơng nơ̆k nơ̆k tu, nơ̆k nơ̆k bơbah nŏng kơ chă pơhrơ đe jang. Na iĕm athei kơchăng tơdrong jang wă kơ 'me sa kơdih hnam dơnŏ. Nhôn kư̆m bơtho iĕm thoi noh mơ̆n ki.

I Tes 4:11 Iomraidhean Croise

Tơdrông Pơđơk 17:1

Sa minh pôm 'bĕng mi kro tơhiôk băl, 'lơ̆ng hloh kơ đei 'nhĕm soi sa 'bĕnh kơ hnam mă-lei đei tơdrong tơhil băl.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Bôk Bơthô 4:6

Kơtrơ̆m jah đei đăi 'bĕnh hơya minh pah tơpang ti đĕch mă-lei đei tơdrong hiôk rơnŭk, noh sư hloh kơ đei 'bĕnh 'bar pah tơpang ti, mă-lei gleh pơmat, mơ̆ng kơ kial bơbơ̆t sư tơ yơ kiơ̆ tơ noh.

Nhom 3:26

'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Jang 18:3

Bre sư bơ̆jang tơdrong pơm hnam tua-la-tăng na Pôl năm oei hloi tơ hnam bre sư, jang hơdai păng sư yua kơ Pôl juăt kơ jang tơdrong noh mơ̆n. Pôl kư̆m bơtho rah tơdrong 'Bok Kei-Dei.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Rom 12:11

Bơ̆n adrin jang tơdrong Kră Yang tôch bơneh kơ bơ̆n jang.

Rom 15:20

Inh bơtho tơ anih mă đe ưh tam mă kơtơ̆ng. Inh ưh kơ bơtho tơ anih đe bơtho boih ôh, kơnh dang inh pơm hnam yua đêl jrăng đe chă.

I Kor 4:12

Nhôn jang sa păng ti kơdih. Đe oei hiĕk achơ̆ kơ nhôn, nhôn kư̆m krao khan kơ 'Bok Kei-Dei tơgŭm lu sư mơ̆n; đei mơ'nah pơm kơnê̆, nhôn mơ̆ng đĕch;

II Kor 5:9

Thoi noh na, mă nhôn oei đei akâu so truh kơ Sư jur, dah lôch hơdrol, kư̆m bưh mơ̆n, nhôn kư̆ kơ adrin pơm trŏ đĕch wă kơ Sư lăp đon,

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.

I Pet 4:15

Bơ̆n đei tơdrong gleh truh yua kơ tơdrong yoch bơ̆n, noh pha. Thoi noh na bơ̆n 'nĕ kơ pơlôch đe, 'nĕ kơ tơtông, 'nĕ kơ pơm kơnê̆, 'nĕ kơ pơm pơhloh kơ tơdrong jang đe.