I Tes 3:12 - Sơ̆p Hlabơar Nơ̆r 'Bok Kei-Dei

¹² Păng nhôn apinh Sư tơgŭm iĕm rai đunh rai gơh 'mêm mơnat dih băl lăm tơduă lu iĕm păng bôl buăl nai mơ̆n kư̆m thoi nhôn 'mêm mơnat kơ iĕm.

I Tes 3:12 Iomraidhean Croise

Horiso 115:4

Rup yang lu sư man păng hu maih. Noh đơ̆ng ti kon bơngai pơm.

Mathiơ 22:39

Tơdrong juăt mă 'bar dơ̆ng kư̆m thoi noh mơ̆n: ‘Bơ̆n athei 'mêm kơ bôl buăl thoi bơ̆n 'mêm akâu kơdih.’

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Luka 17:5

Lu jơ̆ng 'bang Kră Yang Yêsu khan kơ Sư: “Apinh Ih tơgŭm nhôn lui kơ 'Bok Kei-Dei kơjăp.”

Rom 13:8

Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

II Kor 9:10

'Bok Kei-Dei ăn kơ bơngai rei, găr adrĕch păng tơmam sa, sư kư̆m ăn tôm kơ găr adrĕch mă iĕm rei đei plei trem yua kơ iĕm bơngai 'lơ̆ng băt kơ tơgŭm đe.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Philip 1:9

Inh krao khan apinh 'Bok Kei-Dei ăn kơ iĕm rai đunh rai băt 'mêm mơnat dih băl păng hlôh tôm tơdrong Sư, wă kơ iĕm băt kơ tơdrong trŏ iĕm sŏ iŏk, tơdrong glăi iĕm săi tŭk. Thoi noh na iĕm jing bơngai 'lơ̆ng tơpăt, huay kơ đei tơdrong yoch kơplah Yêsu Krist jur ning-mônh.

I Tes 2:8

Nhôn mơnat kơ iĕm na nhôn bơtho ăn kơ iĕm tơdrong 'nao 'lơ̆ng đơ̆ng 'Bok Kei-Dei. Ưh kơ sĭ nhôn wă bơtho đĕch ôh, nhôn mơnat kơ iĕm hăm đĭ jơhngơ̆m nhôn wă lôch tơpă.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

II Pet 1:7

Dah iĕm pơm kiơ̆ dôm tơdrong 'Bok Kei-Dei, iĕm gô đei đon 'mêm kơ bôl buăl bơngai lui, đơ̆ng noh na iĕm jing 'mêm kơ đĭ-đăng bơngai.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.