I Tes 2:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai Juđê pơlôch Kră Yang Yêsu Krist păng pơlôch lu 'bok khan lê̆ hơdrol, wă khan lu 'bok mă pơtruh nơ̆r 'Bok Kei-Dei sơ̆. Lu sư kư̆m pơm kơnê̆ kơ bơ̆n mơ̆n. Lu sư areh kơ kon bơngai ling-lang. Lu sư pơm thoi noh 'Bok Kei-Dei ưh kơ lăp đon kơ lu sư ôh.

I Tes 2:15 Iomraidhean Croise

Esther 3:8

Haman khan kơ pơtao Asêrus thoi âu: Đei minh adrĕch adrung kơnê̆ dêh oei tơrak 'brak lăm lu kon pơlei ih tơ jơ̆p-jang tơring ih pơgơ̆r, tơdrong juăt lu sư phara hloh kơ lu adrĕch nai, na lu sư kư̆m ưh wă kiơ̆ tơdrong juăt ih tơtă, lê̆ lu sư arih kư̆m ưh kơ đei yua kiơ kơ ih.

Horiso 109:20

Rŏ kơ Kră Yang pơm 'mong thoi noh kơ lu bơngai mă pơm kơnê̆ kơ inh. Păng lu bơngai mă pơma kơnê̆ kơ bơhngol inh.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Am 7:12

Amsia khan kơ Amôs: Ơ bơngai khan lê̆ adrol, weh bĕ đơ̆ng âu, năm tơ lăm teh đak Juđa, arih sa păng khan lê̆ adrol tơ noh.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Luka 24:20

Na lu 'bok soi tih bơ̆n păng lu đe kră pơgơ̆r lu bơ̆n jao Sư kơ 'bok tih Pilat athei pơlôch Sư. Na đơ̆ng noh lu sư pơ̆ng pơlôch lê̆ Sư tơ 'long pơglang.

Jang 12:3

Hêrôt 'bôh đe 'bok tih Juđê lăp đon tơpă, na lăp đe Juđê pơm giĕng sa 'Bĕng Mi Ưh Kơ Đei 'Buih Pông, Hêrôt rôp Pêtrôs.

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Jang 3:15

iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă.

Jang 5:30

'Bok Kei-Dei boih, khŭl bơ̆n bơngai Isơrael lui kơ Sư mă đơ̆ng 'bok kơdră bơ̆n sơ̆. Iĕm pơ̆ng pơlôch Yêsu tơ 'long pơglang tơpă. Mă-lei 'Bok Kei-Dei tơiung arih Yêsu đơ̆ng lôch.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

I Kor 10:5

'Bok Kei-Dei tơgŭm lu sư dang noh ră mă-lei lu sư ưh kơ lui tơpă ôh, na 'Bok Kei-Dei ưh kơ lăp đon kơ lu sư. Thoi noh na 'Bok Kei-Dei ăn kơ lu sư lôch rah kơplah lu sư oei tơ char glă.

II Kor 11:26

Inh bơngai juăt kơ brŏk năm ataih, hơmơt hli kơ glơ̆k tơ đak krong, hơmơt hli kơ lu bơngai brơ̆t răp tơtông, hli kơ tơduă lu bôl nhôn kơdih bơngai Juđê hil areh, hli kơ lu bơngai nai kư̆m hil areh, hli kơ lu bơngai oei lăm pơlei tih păng hơmơt kơ yak rok trong bri brah, hơmơt kơ glơ̆k tơ đak dơsĭ, hơmơt kơ lu bơngai ưh kơ lui hơlĕnh pơm bơngai lui.