I Tes 2:13 - Sơ̆p Hlabơar Nơ̆r 'Bok Kei-Dei

¹³ Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tes 2:13 Iomraidhean Croise

Je 44:16

“Gah tơdrong ih yua anăn Kră Yang khan kơ lu nhôn, lu nhôn ưh kơ wă mơ̆ng ôh.

Hagai 1:12

Thoi Sôrôbabel kon drŏ-nglo Salathiel păng Jôsua kon drŏ-nglo Jêhôsađak, 'bok soi tơm păng lu kon pơlei mă oei đei. Mơ̆ng kiơ̆ nơ̆r Kră Yang 'Bok Kei-Dei sư păng nơ̆r Hagai khan lê̆ adrol mă Kră Yang 'Bok Kei-Dei đei wơh, thoi noh đĭ-đăng kon pơlei tă hli yom 'bơ̆t anăp Kră Yang ngăl.

Mathiơ 10:20

Yua kơ đei Yang Bơhngol 'Lơ̆ng đơ̆ng 'Bă bơ̆n tơgŭm kơplah lăm iĕm pơma, ưh kơ sĭ kơ iĕm gơh pơma kơdih ôh.

Mathiơ 10:40

“Bu sơng iŏk iĕm, bơngai 'noh dang sơng iŏk Inh; bu sơng iŏk Inh, noh dang sư sơng iŏk 'Bă Inh mă wơh Inh.

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Luka 5:1

Minh năr ei Yêsu oei tơ jih đak dơsĭ Galilê mă đe kư̆m anăn dơsĭ Gênêsaret, na lu đe tơpôl hmĕt hmot Sư yua kơ wă mơ̆ng Sư bơtho tơdrong 'Bok Kei-Dei.

Luka 8:11

Yêsu khan: “Tơdrong rei 'ba noh hei wă khan thoi âu: 'Ba noh wă pơtih gia kơ nơ̆r 'Bok Kei-Dei.

Luka 8:21

Na Yêsu khan: “Bơngai bu mă mơ̆ng păng kiơ̆ dôm nơ̆r 'Bok Kei-Dei, bơngai noh boih dang mĕ Inh, dang 'nhŏng oh Inh.”

Yo 15:3

Na dang ei iĕm thoi lĕ dơng 'long mă chăt 'lơ̆ng boih, kơlih kơ iĕm mơ̆ng dôm nơ̆r Inh bơtho.

Yo 17:17

Apinh Ih tơbăt ăn kơ lu sư tôm tơdrong Ih, wă kơ lu sư gơh jang tơdrong Ih pran kơtang lăp đon rim lu sư kơdih kơdih, trŏ thoi Ih wă.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Jang 10:33

Na inh athei bơngai jang kơ inh năm krao ih hloi. Na ih năm hloi tơ âu. Inh bơnê kơ ih tơpă. Nhôn akŭm tơ âu 'bơ̆t anăp 'Bok Kei-Dei mơ̆ng đĭ đơ̆ng nơ̆r Kră Yang 'Bok Kei-Dei athei ih bơtho.”

Jang 13:48

Pôl pơma thoi noh boih, na lu bơngai lăm noh mơ̆n mă ưh kơ bơngai Juđê, lu sư kơtơ̆ng thoi noh jơhngơ̆m lu sư chơt hiôk tơpă. Lu sư khan: “Nơ̆r 'Bok Kei-Dei hiôk 'lơ̆ng tơpă iih?” Na lu bơngai 'Bok Kei-Dei rơih wă kơ sư arih ling-lang, lu sư lui kơ Kră Yang Yêsu.

Jang 16:14

Lăm lu drŏ-kăn oei mơ̆ng nhôn ei đei minh 'nu anăn sư Liđa. Sư bơngai đơ̆ng Pơlei Thiatir. Sư bơngai juăt kơ mơdro tĕch che jơk păng sư lui kơkuh kơ 'Bok Kei-Dei đơ̆ng sơ̆. Na Kră Yang 'Bok Kei-Dei tơgŭm sư lui kơ nơ̆r Pôl bơtho.

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

Jang 2:41

Thoi noh lu bơngai mă iŏk nơ̆r bơtho 'noh, lu sư iŏk 'batem. Lăm năr 'nei đei dang pêng-rơbâu 'nu bơngai mơ̆t tơ lu bơngai lui.

Jang 8:14

Lu jơ̆ng 'bang Yêsu tơ Pơlei Jêrusalem kơtơ̆ng ang đe Samri lui kơ 'Bok Kei-Dei boih. Na lu jơ̆ng 'bang Yêsu wơh Pêtrôs păng Yôhan năm tơ dêh Samari wă krao khan kơ lu bơngai 'nao lui, apinh 'Bok Kei-Dei ăn kơ sư Yang Bơhngol 'Lơ̆ng,

Rom 10:17

Gah lu bơ̆n, bơ̆n lui boih, noh đơ̆ng đe năm bơtho tơdrong 'nao 'lơ̆ng Yêsu Krist na bơ̆n lui.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

Galati 4:14

Inh jĭ dang noh ră sơ̆, mă-lei iĕm ưh kơ đei pơchê inh ôh păng iĕm kư̆m chu mơ̆ng inh bơtho iĕm mơ̆n. Iĕm sơng iŏk inh noh sơ̆ dang iĕm sơng iŏk linh jang 'lơ̆ng 'Bok Kei-Dei đơ̆ng plĕnh păng dang sơng iŏk Yŏng bơ̆n Yêsu Krist.

Kôlôsê 1:6

Lăp iĕm kơtơ̆ng đe bơtho tơdrong 'Bok Kei-Dei 'mêm mơnat kơ bơ̆n sơ̆ na iĕm hlôh hloi; đơ̆ng năr noh boih iĕm jing bơngai 'nao, na bơngai lui iĕm rai đunh rai lơ, kư̆m thoi đe bơtho jing kơtơ̆ng jơ̆p-jang kơ teh đak đei lơ bơngai lui.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Hêbrơ 4:2

Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

I Pet 1:23

Tơdrong bơ̆n tơpŭ ming 'nao ưh kơ sĭ đơ̆ng kon bơngai pơjing ôh, yua kơ kon bơngai nŏng kơ lôch; tơdrong tơpŭ ming 'nao đơ̆ng 'Bok Kei-Dei pơjing, 'Bok Kei-Dei ưh kơ layơ lôch. Sư pơjing bơ̆n jing bơngai 'nao yua kơ bơ̆n lui kơ nơ̆r Sư pơma, nơ̆r Sư ưh kơ layơ tơplih. Yua kơ nơ̆r Sư, na bơ̆n gơh arih ling-lang.

I Pet 1:25

mă-lei gah nơ̆r 'Bok Kei-Dei ưh kơ layơ hiong tôch ôh.” Nơ̆r noh boih tơdrong 'nao 'lơ̆ng mă đe bơtho ăn kơ iĕm.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

II Pet 3:2

Inh wă kơ iĕm 'blŏk hơdơ̆r kơ dôm tơdrong lu bơngai pơtruh nơ̆r 'Bok Kei-Dei lu sư khan lê̆ hơdrol sơ̆. Păng inh wă kơ iĕm 'blŏk hơdơ̆r kơ tơdrong Yêsu Krist pơkă kơ lu jơ̆ng 'bang Sư na lu sư bơtho tơbăt kơ iĕm dơ̆ng, yua kơ Yêsu Krist boih Kră Yang bơ̆n kư̆m 'Bok Dŏng Pơklaih bơ̆n mơ̆n.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.