I Tes 1:10 - Sơ̆p Hlabơar Nơ̆r 'Bok Kei-Dei

¹⁰ Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

I Tes 1:10 Iomraidhean Croise

Bl 49:18

Ơ Kră Yang! Inh chang tơdrong dŏng pơklaih đơ̆ng Ih!

Mathiơ 1:21

Sư gô tơpŭ kơ minh 'nu kon drŏ-nglo, ih anăn Sư Yêsu, yua kơ Sư wă dŏng pơklaih bơngai bu mă lui kơ Sư đơ̆ng tơdrong yoch.”

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Luka 3:7

Na Yôhan khan kơ lu bơngai tơpôl wă năm iŏk 'batem ei thoi âu: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh na iĕm mah năm tơ âu wă iŏk 'batem đĕch khan gô klaih đơ̆ng tơdrong phak noh hă?

Jang 1:11

“Ơ bơngai Galilê, iĕm lăng 'bloh chă kiơ tơ plĕnh? Ning-mônh Sư gô jur dơ̆ng kư̆m thoi Sư tŏk mơ̆n.”

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Jang 2:24

Mă-lei 'Bok Kei-Dei kuă ăn Sư lôch răm na pơklaih Sư đơ̆ng tơdrong 'noh, ăn Sư iung arih dơ̆ng, yua kơ Sư ưh kơ đei lôch ling-lang ôh. Đe ưh kơ gơh rôp pơkơ̆ng Sư lăm tơdrong lôch ôh.

Jang 2:32

“Bơngai Yêsu mă nhôn bơtho âu, 'Bok Kei-Dei tơiung arih Sư đơ̆ng lôch boih. Nhôn 'bôh Sư iung arih tơpă.

Jang 3:15

iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă.

Jang 3:21

Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

I Kor 1:7

Yua kơ thoi noh na 'Bok Kei-Dei ăn kơ iĕm tôm tơdrong mah ngăl wă jang tơdrong Sư kơplah iĕm oei chang gô Kră Yang bơ̆n Yêsu Krist.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Philip 3:20

Mă-lei lu bơ̆n bơngai wă oei tơ plĕnh, lu bơ̆n ưh kơ gơh pơm thoi lu sư ôh, lu bơ̆n minh tơdrong chang gô 'Bok Dŏng Pơklaih wă jur ning-mônh đĕch, wă khan Kră Yang Yêsu Krist boih 'noh.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

I Tes 1:7

Iĕm pơm thoi noh trŏ tơpă na đĭ-đăng bơngai lui tơ dêh char Masêđôn păng dêh char Grĕk 'bôh iĕm lui kơjăp, na lu sư hơdai wă pơm kiơ̆ thoi iĕm mơ̆n.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

I Tes 2:7

Hơtai nhôn oei păng iĕm ki, nhôn 'mêm kơeng kơ iĕm tơpă thoi lĕ bơ̆n 'mêm kơeng kơ kon nge bơ̆n 'nao tơpŭ.

I Tes 5:9

'Bok Kei-Dei rơih iŏk bơ̆n ưh kơ sĭ Sư wă phak ôh, Sư rơih iŏk bơ̆n Sư wă pơklaih bơ̆n đơ̆ng tơdrong yoch. Kơlih kơ tơdrong 'noh na Sư ăn Kon Sư Yêsu Krist lôch tang bơ̆n boih.

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

II Pet 3:12

kơplah bơ̆n oei chang gô Sư wă pơrăm jơ̆p teh đak ei. Bơ̆n athei kiơ̆ tơdrong Sư mă tơpă, na tơdrong ei dah truh. Năr ei boih, năr 'Bok Kei-Dei wă pơrăm tih ăn ŭnh sa kơngla kơdơ̆r, plĕnh gô lek hiong đĭ, lu sơnglŏng, khei kư̆m hiong hiach pă 'bôh kiơ.

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.