I Sam 7:10 - Sơ̆p Hlabơar Nơ̆r 'Bok Kei-Dei

¹⁰ Kơplah Samuel oei pơyơ̆r tơmam soi 'buh lu bơngai Philistin năm blah lu bơngai Isơrael. Mă-lei lăm năr ei Kră Yang ăn grơ̆m glaih jruh tơ bơngai Philistin, pơm kơ lu bơngai Philistin hli tơrơ kơdâu tơklah tơklang.

I Sam 7:10 Iomraidhean Croise

Horiso 18:15

Ơ Kră Yang, đơ̆ng nơ̆r Ih chrih, Kial lĕch đơ̆ng trôm muh Ih, na kơđĕl đak dơsĭ 'bôh hơnă teh đak kư̆m 'bôh bang.

Horiso 29:3

Nơ̆r Kră Yang ư-ang jơ̆p tơ kơpal đak. Kră Yang Kră Yang 'Bok Kei-Dei nơ̆r Sư pơma re jur thoi grơ̆m glaih.

Horiso 29:4

Nơ̆r Kră Yang kơtang tơpă. Nơ̆r Kră Yang đei mơsêh krưp.

Horiso 78:66

Sư blah drŭt lu ayăt kơdŭn tơ rŏng, ăn kơ lu ayăt mơlâu ling-lang hloi.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Both 28:7

Kră Yang gô ăn kơ lu iĕm iung blah hăm bơngai ayăt jei iĕm, lu sư yak minh trong năm blah iĕm, mă-lei gô kơdâu ôn lĕch yak tơpơh trong kơdâu ôn 'bơ̆t anăp lu iĕm.

Jôsuê 10:10

Kră Yang pơm ăn kơ lu linh ayăt hli rŭng răng kơdâu tơklah tơklang 'bơ̆t anăp linh Isơrael, lu bơngai Isơrael tơblah ayăt jei jơnei tih jê̆ pơlei Gibeôn, lu linh Isơrael druh lu ayăt tŏk tơ trong suăn kơ pơlei Bêt Hôrôn, blah drŭt lu sư truh tơ pơlei Asêka păng pơlei Makkêđa.

Lu 4:15

Kră Yang yua đao gưm pơm pơrŭng Sisêra păng đĭ lu gre aseh bơsei sư hăm đĭ-đăng lu linh sư kơdâu tơklah tơklang kơ Barak. Sisêra jur đơ̆ng gre aseh sư, kơdâu jơ̆ng hoh.

Lu 5:20

Lu sơnglŏng tơ plĕnh kư̆m tơblah; Kiơ̆ kơ trong lu sư, na năm blah Sisêra.

Lu 5:8

Đe rơih iŏk boih lu yang 'nao; Na lu bơngai ayăt mơ̆t tơblah truh tơ 'măng dur pơlei. Lăm lu puăn-jĭt rơbâu 'nu lu bơngai Isơrael ưh kơ đei bu đei khêl kư̆m ưh kơ đei bu đei hơlă.

I Sam 12:17

Năr âu, hăm trŏ kơ bơyan kĕch 'ba mi dah kiơ? Inh gô krao khan kơ Kră Yang tơpă đơ̆ng lăm jơhngơ̆m; Sư gô ăn 'mi grơ̆m glaih, wă kơ lu iĕm băt păng 'bôh kơdih iĕm đei pơm yoch tih 'bơ̆t anăp Kră Yang, yua kơ iĕm apinh bơih minh 'nu pơtao.

I Sam 14:15

Đĭ-đăng linh lăm kơđông dah tơ 'nguaih hli tơrơ ngăl. Linh lăm lu kơđông nai păng lu bơngai chă blah tơgar iŏk kư̆m hli tơrơ; đei teh tơdrŏ, noh rai pơm kơ đe hli tơrơ noh đơ̆ng Kră Yang 'Bok Kei-Dei.

I Sam 2:10

Ơ! Kră Yang; Ih gô pơrăm lu bơngai ayăt hĕch hoch đĭ. Đơ̆ng plĕnh Sư gô ăn grơ̆m re pơrăm lu đe noh; Kră Yang gô sek tơlang kơ đĭ-đăng bơngai. Sư gô ăn tơdrong pran kơtang kơ pơtao Sư Păng ăn tơdrong kĕ jei kơ bơngai mă Sư đei hling đak pơgang 'bâu phu.a

I Sam 7:11

Lu bơngai Isơrael lĕch đơ̆ng Mispa druh blah bơngai Philistin truh tơ ala kơ pơlei Bêtkar đei pơlôch lơ bơngai.