I Sam 6:2 - Sơ̆p Hlabơar Nơ̆r 'Bok Kei-Dei

² Bơngai Philistin krao lu 'bok soi păng 'bok pơjâu, na jet khan: Bơ̆n wă pơm liơ kơ Hom Pơgơ̆p Kră Yang? Roi bĕ kơ lu nhôn băt pơm thoi yơ gơh pơdrâu Hom Pơgơ̆p noh tơ anih so.

I Sam 6:2 Iomraidhean Croise

Bl 41:8

Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

Le 7:11

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir.

Êsai 2:6

Tơpă, Kră Yang đĭ achăng tŭk kon pơlei Kră Yang noh adrĕch Jakôp, yua kơ lu sư kiơ̆ tơdrong juăt teh đak gah hơlĕch, păng pơm pơjâu thoi lu bơngai Philistin, lu sư pơgơ̆p hăm lu bơngai tơmoi.

Da 2:2

Thoi noh, na pơtao krao lu bơngai hơgei, lu pơjâu, lu bơngai Kalđê wă athei tơblang tơdrong pơtao đei apo 'bôh. Lu sư năm đĭ 'bơ̆t anăp 'Bok pơtao.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Mathiơ 2:4

Pơtao Hêrôt krao akŭm lu 'bok soi tih păng lu 'bok thây bơtho tơdrong juăt đe Juđê na jet lu sư thoi âu: 'Bok Krist mă wă pơm pơtao bơ̆n, sơ̆p hla bơar 'Bok Kei-Dei khan đe wă tơpŭ kơ Sư tơ yơ?

I Sam 5:8

Lu sư wơh krao akŭm đĭ lu yŏng pơgơ̆r đe Philistin, na jet: Bơ̆n wă pơm liơ hăm Hom Pơgơ̆p Kră Yang 'Bok Kei-Dei đe Isơrael âu? Lu yŏng pơgơ̆r tơl khan: Athei tung Hom Pơgơ̆p Kră Yang 'Bok Kei-Dei đe Isơrael năm ba tơ pơlei Gat. Na đe năm tung ba Hom Pơgơ̆p Kră Yang. 'Bok Kei-Dei đe Isơrael truh tơ noh.

I Sam 6:1

Hom Pơgơ̆p Kră Yang oei tơ lăm char Philistin đei tơpơh khei.