I Sam 5:2 - Sơ̆p Hlabơar Nơ̆r 'Bok Kei-Dei

² Đơ̆ng noh, lu sư iŏk Hom Pơgơ̆p 'Bok Kei-Dei tơmơ̆t lăm hnam kơkuh kơ yang Dagôn dan 'bơ̆t jê̆ rup yang Dagôn.

I Sam 5:2 Iomraidhean Croise

I Ho 10:10

Lu sư 'măn lê̆ tơmam tơblah Sôl tơ lăm anih kơkuh kơ rup yang lu sư, na kơ̆l sư hơtol lê̆ tơ lăm hnam yang Dagôn.

I Ho 10:8

Năr đơ̆ng rŏng, kon pơlei Philistin năm iŏk mŭk tơmam lu bơngai lôch, na 'bôh Sôl păng lu kon drŏ-nglo sư lôch tơ Kông Gilbôa.

Da 5:2

Belsatsar oei huch tơdrô, athei đe iŏk pơnhan maih, pơnhan hu mă đơ̆ng pơtao Nebukatnessar 'bă sư, mă đei iŏk kơchŏk đơ̆ng lăm hnam akŭm pơlei Jêrusalem noh, wă ăn kơ pơtao păng lu kuan tih, lu akăn tơm, akăn kơnhŏng pơtao kư̆m yua pơnhan noh huch.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Habakuk 1:11

Đơ̆ng noh lu sư gô năm yoh tơ anăp thoi kial bah, lu sư pơm yoch tih kơkuh kơ jơhngơ̆m pran lu sư kơdih yua kơ lu sư.”

Habakuk 1:16

Yua kơ thoi noh, sư soi sơmah kơ hơnhuăl sư păng soh nhang pơgang 'bâu phu kơ jal sư, yua kơ đơ̆ng jal noh na lu sư đei phĭ bek 'lơ̆ng sŏng sa rơkah rơkai.

Lu 16:23

Kơplah 'noh lu yŏng pơgơ̆r Philistin akŭm đĭ-đăng bơngai Philistin wă pơyơ̆r tơmam soi tih ăn kơ yang Dagôn, yang tih lu sư. Hiôk chơt dih băl, lu sư khan: Yang bơ̆n pơjao boih Samsơn lăm tơpang ti lu bơ̆n, sư bơngai ayăt kơ bơ̆n.