I Sam 4:5 - Sơ̆p Hlabơar Nơ̆r 'Bok Kei-Dei

⁵ Wă Hom Pơgơ̆p Kră Yang tung tơmơ̆t truh tơ lăm kơđông linh, đĭ-đăng bơngai Isơrael jreo hiôk chơt tih, teh mah pơpơ̆.

I Sam 4:5 Iomraidhean Croise

II Sam 15:24

Kŭm đei Sađŏk 'bok soi păng đĭ-đăng bơngai Lêwi tung Hom pơgơ̆p Kră Yang 'Bok Kei-Dei. Lu sư tơjur Hom Pơgơ̆p Kră Yang 'Bok Kei-Dei, na Abiathar 'bok soi pơyơ̆r tơmam soi gô dĭng đĭ-đăng kon pơlei yak hlôi đơ̆ng pơlei 'mơ̆i.

I Pot 1:40

Đĭ-đăng kon pơlei pơla kiơ̆ đơ̆ng rŏng, hlôm 'lal chhôk hơnôk dêh tơpă, teh mah pơpơ̆ kyĭng kyơ̆ng đơ̆ng jơwa nơ̆r lu sư ôr jreo.

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Je 7:4

'Nĕ kơ lui gơnang kơ nơ̆r pơma hơlĕnh khan: ‘'Nâu boih hnam Kră Yang hnam Kră Yang hnam Kră Yang!’ ”

Am 6:3

Lu iĕm pơm kơ năr pơmat khan roi ataih, mă-lei pơm ăn kơ tơdrong kơnê̆ rai jê̆ truh!

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Jôsuê 6:20

Kon pơlei ôr păng lu 'bok soi hlôm tơgiĕp re pơhioi. Kơplah lu sư kơtơ̆ng tơgiĕp đe hlôm re pơhioi na lu sư ôr jreo rơ̆n, dur pơlei păk pơchah đĭ, rim 'nu năm mơ̆t tơklă anăp kơdih. Kon pơlei đei blah iŏk pơlei noh.

Jôsuê 6:5

Mưh lu 'bok soi hlôm tơgiĕp re, lu iĕm kơtơ̆ng tơgiĕp hlôm re, đĭ-đăng kon pơlei pơla 'bơ̆r ôr jreo, na dur gô păk pơchah, kon pơlei gô tŏk hao mơ̆t rok tơklă anăp lu sư.

Lu 15:14

Lăp lu sư truh tơ tơring Lêhi, kon pơlei Philistin lĕch tơ 'nguaih lu sư jreo ôr wă sơng iŏk Samsơn, na đei yang bơhngol Kră Yang jur oei hơdai sư hăm pơm kơ sư pran na tơlei giĕn đêl đe chô̆ ti sư 'noh nhen thoi brai ŭnh sa kơtĕch đĭ, hloi đơ̆ng ti sư.

I Sam 4:6

Kon pơlei Philistin kơtơ̆ng nơ̆r noh, na jet khan: Nơ̆r jreo re hiôk chơt tih lăm kơđông linh lu bơngai Hêbrơ noh kiơ kih? Lu sư kơtơ̆ng băt khan Hom Pơgơ̆p Kră Yang đe 'nao tung truh tơ lăm kơđông.