I Sam 4:3 - Sơ̆p Hlabơar Nơ̆r 'Bok Kei-Dei

³ Wă kon pơlei mă oei arih brŏk tơ kơđông linh, lu đe kră Isơrael khan: Yua kơ kiơ năr 'nâu Kră Yang ăn kơ đe Philistin tơblah pơrăm lu bơ̆n? Lu bơ̆n năm tung iŏk Hom Pơgơ̆p Kră Yang đơ̆ng Silô; brŏk tơ âu Sư gô oei hơdai bơ̆n dŏng pơklaih lu bơ̆n đơ̆ng ti lu bơngai ayăt kơ bơ̆n!

I Sam 4:3 Iomraidhean Croise

II Sam 15:25

Pơtao khan dơ̆ng kơ Sadok 'bok soi: “Tung bĕ Hom pơgơ̆p Kră Yang 'Bok Kei-Dei wơ̆t tơ lăm pơlei tih. Tơdah inh đei tơdrong mơnat 'bơ̆t anăp Kră Yang sĭt Kră Yang ba inh wih, ăn kơ inh 'bôh dơ̆ng Hom Pơgơ̆p păng anih dan sư.

I Ho 17:1

Lăp Đawit oei lăm hnam pơtao sư boih, Đawit khan kơ Nathan bơngai khan lê̆ adrol: “Âu inh oei lăm hnam pơtao pơm păng 'long hơngo, mă-lei Hom Pơgơ̆p Kră Yang tơ lăm bơsŭn.”

Horiso 74:1

Kră Yang 'Bok Kei-Dei, yua kơ kiơ Ih achăng lê̆ nhôn ling-lang? Liơ Ih hil kơ lu triu lăm tơmăn 'nhĕt hơdrih Ih?

Horiso 74:11

Liơ Ih dui lê̆ ti gah 'ma Ih noh. Yơ̆r bĕ ti Ih păng pơlôch đĭ lu sư.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 58:3

Lu sư Jet: “Yua kơ kiơ lu nhôn ơ̆t kơ sŏng sa mă-lei Ih ưh kơ 'bôh? Lu nhôn tơjur akâu mă-lei Ih ưh kơ băt?” 'Nâu, lăm năr lu iĕm ơ̆t kơ sŏng sa, lu iĕm ling-lang chă tơdrong lu iĕm wă kơdih. Sa pơgâm lu bơngai jang kơ iĕm.

Êsai 59:1

Tơpă ti Kră Yang ưh kơ sĭ kơđeh ôh na mă ưh kơ gơh pơklaih; đon Sư kư̆m ưh kơ sĭ kơ klĭk ôh mă ưh kơ gơh kơtơ̆ng.

Êsai 59:2

Mă-lei 'noh đơ̆ng tơdrong kơnê̆ lu iĕm, pơm pơklah iĕm hăm Kră Yang 'Bok Kei-Dei; păng tơdrong yoch lu iĕm na Kră Yang ôn muh măt sư đơ̆ng lu iĕm, dĭng mah Sư ưh pă mơ̆ng lu iĕm.

Je 3:16

Kră Yang khan: “Mưh lu iĕm chek lar rai lơ lăm teh đak ưh pă bu 'blŏk kơ Hom Pơgơ̆p Kră Yang dơ̆ng! Ưh pă đei bu tơ'blŏk, ưh pă tơchĕng dơ̆ng lăm kơ̆l 'ngok ưh pă đei bu roi gah Hom pơgơ̆p, ưh pă đei bu 'mêm hmach păng ưh pă đei bu pơm plơ̆ng dơ̆ng.

Je 7:4

'Nĕ kơ lui gơnang kơ nơ̆r pơma hơlĕnh khan: ‘'Nâu boih hnam Kră Yang hnam Kră Yang hnam Kră Yang!’ ”

Jo 10:33

Thoi noh, kon pơlei bơngai Isơrael yak năm đơ̆ng kông Kră Yang, pêng năr kơ trong; hom tơdrong pơgơ̆p Kră Yang yak adrol kơ lăm pêng năr kơ trong 'nâu, wă chă anih ăn kơ kon pơlei pơdơh.

Jo 10:35

Rim wơ̆t Hom Pơgơ̆p năm, na Môis khan thoi âu: Ơ Kră Yang, apinh ih iung yak bĕ, wă kơ lu bơngai ayăt kơ Ih kơdâu tơklah tơklang đĭ; lu đe bu areh kơ Ih gô kơdâu ôn đĭ đơ̆ng anăp Ih!

Jo 31:6

Môis wơh mơjĭt-'bar rơbâu 'nu noh năm tơblah, wă khan wơh minh-rơbâu 'nu đơ̆ng lăm rim adrĕch, hơdai hăm Phinêhas, kon drŏ-nglo Êlêasar, 'bok soi, sư chĕp ba tơmam tơblah păng keng wă hlôm krao đơ̆ng lăm anih rơgoh.

Both 29:24

Đĭ-đăng adrĕch adrung lu sư gô jet: Lơliơ mă Kră Yang pơm kơ dêh âu thoi noh liơ mă tơdrong Sư hil mĭl tih krưp dêh thoi noh?

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.

Jôsuê 4:7

Lei lu iĕm tơl: Noh wă khan đak Krong Jôrđăn tơklah kơplah Hom Pơgơ̆p Kră Yang năm rok đak krong, na đak krong khơ̆t kơtĕch tŏk-bŏk, tơmo âu wă pơm kơ kon pơlei Isơrael 'blŏk hơdơ̆r ling-lang.

Jôsuê 6:6

Thoi noh Jôsuê kon drŏ-nglo Nun, krao lu 'bok soi na khan: Tung bĕ Hom Pơgơ̆p păng tơpơh 'nu 'bok soi năm adrol kơ Hom Pơgơ̆p Kră Yang, chĕp tơpơh tŏ tơgiĕp.

Jôsuê 7:7

Jôsuê khan: Ô Kră Yang inh, liơ mă Kră Yang ăn kon pơlei âu tŏk hlôi kơ đak Krong Jôrđăn, wă jao ăn lu nhôn răm lăm ti lu bơngai Amôrit pơlôch đĭ. Ô kuă kơ kiơ lê̆ lăi lu nhôn hiôk oei gah to kơ đak Krong Jôrđăn!

Jôsuê 7:8

Ơu! Ơ Kră Yang! Lei inh wă gơh pơma liơ dơ̆ng? Kon pơlei Isơrael đe đĭ druh blah.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

Ju 1:5

Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.

I Sam 1:24

Truh tơ sư lê̆ mŏm bơih, Hana chông ba kon sư năm hơdai sư. Păng kư̆m dui ba rơmo tơno pêng sơnăm, minh êphac tơpŭng, minh pơm get akar sik hơmu. Sư chông kon sư tơ hnam Kră Yang tơ pơlei Silô. Kon hơ'lơ̆p sư noh oei 'lơ̆p.

I Sam 14:18

Sôl khan kơ Ahija 'bok soi: Chĕp ba Hom Pơgơ̆p Kră Yang 'Bok Kei-Dei tơ âu. Kơplah noh Hom Pơgơ̆p Kră Yang 'Bok Kei-Dei oei tơ noh hăm bơngai Isơrael.

I Sam 4:2

Kon pơlei Philistin lu sư gă năm blah Isơrael; Isơrael thuơ kơ đe Philistin păng đei bơngai lôch tơ anih tơblah noh dang puăn-rơbâu 'nu.