I Sam 4:17 - Sơ̆p Hlabơar Nơ̆r 'Bok Kei-Dei

¹⁷ Bơngai noh tơl: Bơngai Isơrael thuơ kơdâu ôn 'bơ̆t anăp kon pơlei Philistin; kon pơlei bơ̆n thuơ tih dêh. Đơ̆ng noh, 'bar 'nu kon drŏ-nglo ih Hopni păng Phinêhas kư̆m lôch păng Hom Pơgơ̆p Kră Yang 'Bok Kei-Dei đe blah iŏk bơih.

I Sam 4:17 Iomraidhean Croise

Horiso 78:61

Sư jao hom pơgơ̆p Sư đe păng jao tơdrong ư-ang Sư lăm ti lu bơngai ayăt.

Horiso 78:64

Lu 'bok soi sư pơ̆k lôch yua kơ đao hơlă, mă-lei lu drŏ-kăn adro pă đei hmoi.

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.

I Sam 3:11

Kră Yang khan kơ Samuel: Inh wă pơm tơ lăm Isơrael minh tơdrong, bơngai bu mơ̆ng 'bar pah đon sư gô hrơ̆ng hreng.

I Sam 3:12

Năr noh, Inh gô pơm 'blep dôm tơdrong thoi inh đei khan lê̆ adrol boih gah hnam dơnŏ Hêli: Đơ̆ng blŭng-a truh tơ tôch.

I Sam 4:16

Bơngai noh khan kơ Hêli: Inh âu bơngai mă klĕch đơ̆ng anih tơblah năr âu. Hêli jet khan: Ơ dăm, lei tơdrong truh liơ liơ?

I Sam 4:18

Wă sư roi truh tơ Hom Pơgơ̆p Kră Yang 'Bok Kei-Dei, Hêli arăng hơron pơ̆k hraih đang đơ̆ng tang-dŏ hơtat kong koi lôch hloi; yua kơ sư đĭ kră trăp trĭn. Sư pơm 'bok sek tơlang đe Isơrael lăm puăn-jĭt sơnăm.