I Sam 30:4 - Sơ̆p Hlabơar Nơ̆r 'Bok Kei-Dei

⁴ Na Đawit hăm lu bơngai kiơ̆ sư nhơ̆m hmoi, nhơ̆m ôr dĭng pă kĕ kơ hmoi.

I Sam 30:4 Iomraidhean Croise

Esơra 10:1

Lăm kơplah Esơra krao khan tơbral, nhơ̆m hmoi, roi tơbral yoch păng drap 'bơ̆t anăp hnam akŭm, na đei minh tơpôl kon pơlei Isơrael, bơngai drŏ-kăn drŏ-nglo hơ'lơ̆p lơ dêh, akŭm tăp dăr kơ sư; lu sư kư̆m nhơ̆m hmoi ơh ol.

Jo 14:1

Đĭ-đăng lu tơpôl bơngai akŭm ôr re păng lu kon pơlei nhơ̆m hmoi lăm măng noh.

Jo 14:39

Kơplah Môis roi khan đơ̆ng tơdrong 'nâu ăn kơ đĭ-đăng kon pơlei; đơ̆ng noh đĭ lu kon pơlei nhơ̆m hmoi sơ'ngon dêh tơpă.

Lu 2:4

Lăp linh jang 'lơ̆ng Kră Yang pơma kơ kon pơlei Isơrael tôch boih, na lu kon pơlei pơla nhơ̆m ôr.

Lu 21:2

Đơ̆ng noh lu kon pơlei năm tơ pơlei Bethel hơ-oei tơ noh 'bơ̆t anăp Kră Yang 'Bok Kei-Dei Kră Yang truh tơ kơsơ̆ măng, nhơ̆m hmoi ôr hơdrĭ dêh.

I Sam 11:4

Thoi noh lu bơngai đei wơh ei năm tơ Gibêah, pơlei đe Sôl, roi dôm nơ̆r ei ăn kơ kon pơlei pơla kơtơ̆ng. Đĭ-đăng kon pơlei nhơ̆m ôr.

I Sam 30:3

Wă Đawit hăm lu bơngai kiơ̆ sư truh mơ̆t lăm pơlei 'bôh pơlei ŭnh sa đĭ boih, kon akăn lu sư rôp chĕp ba pơm bơnă.

I Sam 4:13

Lăp bơngai ei truh, Hêli oei hơ-oei kơpal tang-dŏ sư 'bơ̆t cheng trong, răp gô hăm jơhngơ̆m hli tơtăm; Hêli sư hli tơtăm kơ Hom Pơgơ̆p Kră Yang 'Bok Kei-Dei. Wă bơngai noh mơ̆t lăm pơlei roi, đĭ bơngai lăm pơlei bu bu kư̆m ôr hơdrăi.