I Sam 3:7 - Sơ̆p Hlabơar Nơ̆r 'Bok Kei-Dei

⁷ Kơplah noh, Samuel tam mă băt kơ nơ̆r Kră Yang; nơ̆r Kră Yang tam mă pơma tơklă 'bơ̆t anăp sư tơ'bôh kơ sư.

I Sam 3:7 Iomraidhean Croise

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Jang 19:2

Pôl jet lu bơngai lui ei thoi âu: “Lăp iĕm lui na hăm đei Yang Bơhngol 'Lơ̆ng jur oei hăm lu iĕm?” Na lu bơngai lui khan: “Nhôn ưh tam mă băt Yang Bơhngol 'Lơ̆ng lơliơ.”

I Kor 13:11

Inh pơma pơtih gia kơ tơdrong noh thoi âu: Kơplah inh oei 'lơ̆p sơ̆, inh pơma thoi lu hơ'lơ̆p, đon inh hlôh wao thoi đon tơduă hơ'lơ̆p, mă-lei truh inh kră boih inh ưh pă kăl kơ tơdrong hơ'lơ̆p dơ̆ng.

I Sam 3:6

Kră Yang krao dơ̆ng: Ơ Samuel! Samuel gruih iung, năm tơ Hêli khan: Đei inh tơ âu, ih krao inh ah. Hêli tơl, ơ dăm, inh ưh kơ đei krao ih ôh, năm tep dơ̆ng wăi.

I Sam 3:8

Kră Yang krao đơ̆ng Samuel wơ̆t mă pêng; sư gruih iung năm tơ Hêli, na khan: Ih krao inh ah? Kơplah noh Hêli băt kơ Kră Yang krao bơngai hơ'lơ̆p noh.