I Sam 3:18 - Sơ̆p Hlabơar Nơ̆r 'Bok Kei-Dei

¹⁸ Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!

I Sam 3:18 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

II Sam 10:12

'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

II Sam 15:26

Mă-lei tơdah Kră Yang khan: ‘Inh ưh kơ lăp kơ ih,’ lei apinh Kră Yang hơmet inh kiơ̆ kơ Kră Yang lăp đon lăng 'lơ̆ng!”

II Pot 20:19

Hesekia tơl Êsai: “Nơ̆r Kră Yang mă ih tơbăt noh 'lơ̆ng dêh.” Yua kơ Hesekia tơchĕng: “Huay ôh kư̆ kơ lăm chăl arih inh, đei hiôk rơnŭk păng hơdơ̆ng kơjăp.

I Ho 19:13

Athei mă nuih pran kơtang bĕ tơblah ăn kơ kon pơlei pơla bơ̆n păng kơ pơlei Kră Yang 'Bok Kei-Dei bơ̆n, Kră Yang gô pơm tơdrong kiơ 'lơ̆ng kiơ̆ thoi măt sư lăng lăp.”

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Le 34:5

Kră Yang jur lăm hơmơ̆l, dơ̆ng hơdai hăm Môis tơ noh păng roi anăn sư.

Êsai 39:8

Hesekia tơl nơ̆r Êsai khan: “Nơ̆r Kră Yang mă ih 'nao roi kơ inh noh 'lơ̆ng tơpă. Yua kơ lăm năr inh oei arih inh tơchĕng gô đei hiôk-hian rơnŭk rơnua.”

Je 34:6

Jêrêmi bơngai khan lê̆ adrol roi đĭ-đăng tơdrong noh kơ Sêđekia, pơtao đe Juđa tơ lăm pơlei Jêrusalem,

Je 38:14

Pơtao Sêđekia athei đe năm krao Jêrêmi păng chông ba sư mơ̆t trong 'măng mă pêng mơ̆t tơ hnam Kră Yang. Pơtao khan kơ Jêrêmi: “Inh đei minh tơdrong wă jet ih; 'nĕ ôn kơ inh.”

Je 42:4

Jêrêmi bơngai khan lê̆ adrol tơl: “Inh kơtơ̆ng boih, 'nâu, inh gô krao apinh Kră Yang 'Bok Kei-Dei lu iĕm, wă kơ băt tơdrong kiơ Kră Yang bơtho khan, inh gô roi ăn kơ lu iĕm băt, ưh kơ đei ôn ôh.”

Nhom 3:39

Yua kơ kiơ mă bơngai oei arih oei jŏk roi, yua kơ pŭ phak đơ̆ng tơdrong yoch sư kơdih.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.

Lu 10:15

Kon pơlei Isơrael khan kơ Kră Yang: Lu nhôn pơm yoch boih. Apinh ih pơm bĕ kơ lu nhôn kiơ̆ Ih lăng trŏ, na apinh Ih dŏng pơklaih lu nhôn năr 'nâu!