I Sam 27:2 - Sơ̆p Hlabơar Nơ̆r 'Bok Kei-Dei

² Thoi noh, Đawit iung năm hăm tơdrong hrĕng 'nu bơngai kiơ̆ sư, tŏk hlôi năm truh tơ Akis, sư pơtao Gat kon drŏ-nglo Maok.

I Sam 27:2 Iomraidhean Croise

I Ho 12:1

'Nâu lu bơngai mă kiơ̆ Đawit tơ Siklak sư weh kơ Sôl, kon drŏ-nglo Kis, pơpuh Lu sư lu bơngai linh nuih kơtang mă đei tơgŭm Đawit tơblah wang.

I Sam 21:10

Đawit iung năr noh sư oei ôn kơ Sôl năm truh tơ Akis, pơtao Gat.

I Sam 21:11

Lu đĭch đam Akis jet: 'Nâu hăm trŏ kơ Đawit, pơtao dêh noh dah kiơ? Hăm trŏ kơ Đawit 'nâu mă lu bơngai drŏ-kăn hơri suang khan: Sôl pơlôch rơbâu rơbâu 'nu, gah Đawit pơlôch mơjĭt-rơbâu rơbâu 'nu?

I Sam 25:13

Đawit khan kơ lu bơngai kiơ̆ sư: Rim 'nu kơ lu bơ̆n athei tơ̆n đao bơ̆n. Lu sư tơ̆n đao păng Đawit kư̆m tơ̆n đao sư; dang puăn-hrĕng 'nu bơngai năm kiơ̆ Đawit, oei pă 'bar-hrĕng 'nu bơngai oei răp gô wei tơmam.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.

I Sam 30:9

Đawit lĕch năm hăm tơdrâu-hrĕng 'nu kiơ̆ sư. Truh 'bơ̆t Thong Bêsôr, lu sư lap, đei 'bar-hrĕng 'nu pơdơh 'bơ̆t noh.