I Sam 26:8 - Sơ̆p Hlabơar Nơ̆r 'Bok Kei-Dei

⁸ Abisai khan kơ Đawit: Năr 'nâu Kră Yang 'Bok Kei-Dei pơjao bơngai ayăt kơ ih lăm tơpang ti ih. Ăn kơ inh iŏk tơju sư 'bet hơtơ̆p sư tơ teh; ưh kơ kăl kơ 'bet pơlơ̆k mă 'bar dơ̆ng.

I Sam 26:8 Iomraidhean Croise

II Sam 16:9

Đơ̆ng noh Abisai, kon drŏ-nglo Sêruia, khan kơ pơtao: “Liơ kŏ lôch 'nâu pơ̆n hiap pơtao yŏng tơ'ngla inh? Apinh pơtao lê̆ kơ inh năm chơ̆ng kơ̆l sư.”

Horiso 31:8

Ih ưh kơ đei jao inh tơ lu ayăt. Mă-lei ăn kơ jơ̆ng inh dơ̆ng tơ anih rơhơi.

Je 40:15

Jôhanan kon drŏ-nglo Karea pơma ôn hơdrô̆ hăm Gêđalia tơ pơlei Mispa: “Lê̆ kơ inh năm pơlôch Ismael kon Nethania, ưh kơ đei bu băt ôh tơdrong noh. Lê̆ kơ kiơ sư pơlôch ih, na lu bơngai Juđa mă oei hơdai ih gô kơdâu tơklah tơklang. Păng lu bơngai Juđa mă oei lăm char âu kư̆m lôch đĭ.”

Na 1:9

Lu sư chă đon liơ dơ̆ng wă ayăt hăm Kră Yang Sư gô pơrăm đĭ-đăng minh 'măng tăm ưh pă đei ăn tơdrong truh mă 'bar dơ̆ng.

Rom 11:32

'Bok Kei-Dei jô̆ đĭ-đăng bơngai yoch ngăl, na Sư 'mêm Sư wă tơgŭm đĭ rim khŭl kon bơngai.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Jôsuê 21:44

Thoi noh Kră Yang ăn tơdrong pơdơh, hiôk-hian kiơ̆ thoi Kră Yang đei pơkă pơkăm hăm 'bok păng adrĕch adrung lu sư, ưh kơ đei lu ayăt ayơ mă gơh kĕ tơblah hăm lu sư. Kră Yang jao boih ăn đĭ-đăng lu ayăt lăm tơpang ti lu sư.

Lu 1:4

Thoi noh lu bơngai Juđa năm, Kră Yang jao kon pơlei Kanaan păng kon pơlei Phêrêsit lăm ti lu sư; tơ Bêsek sư blah pơlôch mơjĭt-rơbâu 'nu bơngai.

I Sam 23:14

Đawit oei lăm char glă chơngue, hơdrô̆ tơ kơpal groi char glă Sip. Sôl chă sư rim năr ưh kơ pơdơh, mă-lei Kră Yang 'Bok Kei-Dei ưh kơ đei layơ wă jao Đawit lăm tơpang ti Sôl.

I Sam 24:4

Lu bơngai kiơ̆ Đawit roi kơ sư: Năr 'nâu jơ̆ năr mă Kră Yang đei khan kơ ih: Inh gô jao lu bơngai ayăt kơ ih lăm tơpang ti ih mơ̆ng kơ ih wă pơm liơ kơ sư; đơ̆ng noh Đawit iung, năm kăt tơtông iŏk tơdrơi ao Sôl.

I Sam 24:5

'Blă kơ noh lăm jơhngơ̆m sư hmach kơdih yua kơ kăt iŏk tơdrơi ao pơtao.

I Sam 26:23

Kră Yang gô apah ăn kơ rim 'nu, kiơ̆ thoi tơdrong 'lơ̆ng tơpăt đơ̆ng sư pơm. Năr 'nâu Sư pơjao ih lăm tơpang ti inh, mă-lei inh ưh kơ wă pơm kơ yŏng tơ'ngla inh mă đơ̆ng Kră Yang tuh ăn đak rơmă.

I Sam 26:7

Na Đawit păng Abisai oei măng năm mơ̆t lăm kơđông, 'bôh Sôl oei tep lăm kơđông, tơju hlôt tơ teh cheng kơ̆l sư. Apner hăm lu linh tep tăp dăr kơ sư.

I Sam 26:9

Mă-lei Đawit khan kơ Abisai: 'Nĕ kơ pơlôch sư, kơnh ih đei tơdrong glăi, yua kơ sư bơngai mă đơ̆ng Kră Yang 'Bok Kei-Dei tuh ăn đak rơmă.