I Sam 26:6 - Sơ̆p Hlabơar Nơ̆r 'Bok Kei-Dei

⁶ Đawit jet Ahimelek, bơngai Hêtit păng Abisai kon drŏ-nglo Sêruia, oh Jôap: Bu 'maih năm hăm inh jur năm tơ anih Sôl? Abisai tơl: Inh gô năm jur hăm ih.

I Sam 26:6 Iomraidhean Croise

Bl 10:15

Kanaan pơjing Siđôn, kon drŏ-nglo kơdră sư păng Hêt.

Bl 15:20

Hêtit, Phêliyit, Rêphaim,

Bl 23:3

Đang kơ noh Abraham iung dơ̆ng 'bơ̆t anăp bơngai lôch na pơma kơ lu bơngai Hêtit thoi âu:

Bl 26:34

Kơplah Êsâu đei puăn-jĭt sơnăm, sư oei kơ Judit, kon drŏ-kăn Bêri, bơngai Hêtit; păng Basemat, kon drŏ-kăn Êlon, kư̆m bơngai Hêtit.

II Sam 11:21

Bu pơlôch Abimêlek kon drŏ-nglo Jêrup Bêset? Hăm trŏ kơ minh 'nu bơngai drŏ-kăn oei kơpal dur pơlei kơjung klơ̆m tơpăl tơmo na 'bơm sư lôch hloi tơ Thêbes dah kiơ? Yua kơ kiơ lu iĕm năm jê̆ dur pơlei thoi noh? Na ih gô tơl sư thoi âu: ‘Uri bơngai Hêtit sư kư̆m lôch.’ ”

II Sam 11:24

Lu linh sư chĕp hră dơ̆ng kơpal dur pơlei kơjung sư prah lu đĭch đam ih, đei mơ'nah bơngai lôch hloi; Uri bơngai Hêtit, đĭch đam ih kư̆m dai lôch.”

II Sam 11:6

Đawit wơh năm khan kơ Jôap: “Athei Uri, bơngai Hêtit năm tơ'bơ̆p inh.” Na, Jôap athei Uri năm tơ'bơ̆p Đawit.

II Sam 12:9

Liơ ih ưh kơ băt hli yom kơ nơ̆r Kră Yang tơtă, na pơm tơdrong kơnê̆ dêh 'bơ̆t anăp Sư? Ih yua đao pơlôch Uri, bơngai Hêtit, iŏk akăn sư pơm akăn ih, ih yua đao gưm linh bơngai Ammôn pơlôch sư.

II Sam 18:5

pơtao jao pơkă ăn kơ Jôap, Abisai, păng Itai: “Yua kơ inh, iĕm athei pơm kơ kon inh Apsalôm lăp ai.” Đĭ-đăng khŭl linh kơtơ̆ng nơ̆r pơtao pơkă kơ bơngai chĕp kơ̆l, gah Apsalôm.

II Sam 2:13

Jôap kon tơdăm Sêruia, păng lu đĭch đam Đawit kư̆m dai lĕch; 'bar pah tơ'bơ̆p băl 'bơ̆t dơnâu Gibeôn, na minh khŭl oei pah âu, hăm minh khŭl oei pah to kơ đak dơnâu.

II Sam 2:18

Tơ noh kư̆m đei pêng 'nu kon tơdăm Sêruia: Noh Jôap, Abisai păng Asahel, Asahel 'nâu sư kơdâu hơbĕch hơbal nhen thoi Keh.

II Sam 23:18

Abisai 'nhŏng Jôap kon Sêruia, pơm yŏng lu bơngai nuih kơtang sư hiŏng tơju 'bet pơlôch pêng-hrĕng 'nu bơngai, na đei anăn lăm pêng 'nu bơngai nuih kơtang.

II Sam 23:34

Êliphêlet, kon Ahasbai đơ̆ng pơlei Maaka; Êliam, kon Ahithôphel đơ̆ng pơlei Gilô;

II Sam 23:39

Uria bơngai Hêtit. Đĭ-đăng pêng-jĭt tơpơh 'nu bơngai nuih kơtang.

I Pot 10:29

Đe răt minh pôm gre aseh đơ̆ng char Êyiptơ dang tơpơh kĭ hu, minh pôm aseh đe răt dang minh kĭ tơpơh lang hu. Lu bơngai mă pơtao Sôlômôn pơjao tơdrong jang mơdro mơchan noh tĕch đơ̆ng tơ pơtao bơngai Hêtit păng pơtao Aram.

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

Jôsuê 3:10

Jôsuê khan dơ̆ng: Yua kơ đơ̆ng tơdrong âu, na lu iĕm gô băt Kră Yang 'Bok Kei-Dei arih ling-lang Sư oei hơdai hăm lu iĕm păng Sư gô puh tơweh lê̆ lu bơngai Kanaan, bơngai Hêtit, bơngai Hêwit, bơngai Phêrisit, bơngai Girgasit, bơngai Amôrit păng bơngai Jêbus.

I Sam 26:7

Na Đawit păng Abisai oei măng năm mơ̆t lăm kơđông, 'bôh Sôl oei tep lăm kơđông, tơju hlôt tơ teh cheng kơ̆l sư. Apner hăm lu linh tep tăp dăr kơ sư.