I Sam 26:19 - Sơ̆p Hlabơar Nơ̆r 'Bok Kei-Dei

¹⁹ Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.

I Sam 26:19 Iomraidhean Croise

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

II Sam 14:16

Pơtao gô mơ̆ng nơ̆r apinh păng dŏng pơklaih đam drŏ-kăn pơtao đơ̆ng ti bơngai 'maih pơlôch inh, păng kon drŏ-nglo inh, hiong dơ̆ng kon pơlei Kră Yang 'Bok Kei-Dei.’

II Sam 16:10

Pơtao tơl khan: “Ơ lu kon drŏ-nglo Sêruia, tơdrong inh 'bơm kiơ kơ lu iĕm? Lê̆ Simêi hiap, tơdah noh đơ̆ng Kră Yang athei hiap inh, na bu pơ̆n jet sư: ‘Yua kơ kiơ ih pơm thoi noh?’ ”

II Sam 16:11

Đawit khan dơ̆ng kơ Abisai păng đĭ lu bơngai jang kơ sư: “To, kon inh kơdih, đơ̆ng blu pôih inh pơjing, oei 'maih pơrăm tơdrong arih inh 'mơ̆i; pơma kiơ kơ bơngai Bênjamin 'nâu! Lê̆ sư loh lê̆ sư hiap inh, yua kơ Kră Yang athei sư.

II Sam 20:19

Lu nhôn jơ̆ bơngai oei hiôk-hian păng tơnăp lăm char Isơrael. Mă-lei ih chă đon wă pơrăm lê̆ minh pôm pơlei mĕ lăm Isơrael! Thoi yơ ih mă 'maih pơrăm lê̆ mŭk tơmam Kră Yang?”

II Sam 21:3

Pơtao Đawit apinh bơngai Gibeôn: “Inh athei pơm kiơ kơ lu iĕm? Inh pơm thoi yơ gơh huai iŏk tơdrong đơ̆ng Sôl pơm yoch, wă kơ lu iĕm krao apinh Kră Yang ăn tơdrong pŭn hiôk kơ kon pơlei hăm lu tơmam Sư.”

II Sam 24:1

Kră Yang hil dơ̆ng kơ kon pơlei Isơrael. Kră Yang pơdrŭt pơtao Đawit pơrăm lu sư, Sư khan hăm pơtao Đawit: “Athei năm jô̆ kon pơlei Isơrael păng kon pơlei Juđa.”

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

I Ho 21:1

Yang Satan iung pơm kơ Isơrael păng pơdrŭt Đawit wă kơ jô̆ kơ̆l bơngai Isơrael.

Horiso 120:5

Răm-'băm dêh kơ inh oei lăm Mêsĕk. Păng oei tơ lăm kơđông Kêđa.

Horiso 20:4

Apinh Kră Yang ăn kơ ih dôm jơhngơ̆m hơpơi wă, Păng pơkeh dôm tơdrong ih tơchĕng wă pơm!

Tơdrông Pơđơk 30:10

'Nĕ pơma kơnê̆ kơ đĭch 'bơ̆t anăp yŏng tơ'ngla sư, Hli kơnh sư hiap ih păng đe jô̆ ih bơngai yoch.

Êsai 60:5

Kơplah noh kơnh ih gô 'bôh đei tơdrong hơdah hơdong, jơhngơ̆m ih gô mơn hiôk chơt; đĭ-đăng tơmam đơ̆ng đak dơsĭ gô tuh tơ ih, tơdrong mơdrŏng rim kơ teh đak gô truh tơ ih.

Lêwi 26:31

Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Jo 36:7

Thoi ei na lăm adrĕch bơngai Isơrael, teh jang sa ayơ huay kơ hiong đơ̆ng adrĕch âu năm tơ adrĕch nai, yua kơ rim 'nu lăm kon pơlei adrĕch noh gô oei kiơ̆ kơ teh bơ̆n jang sa gah adrĕch 'bok sư kơdih.

Jo 36:9

Thoi noh, wă ưh kơ gơh đei teh jang sa tŏ yơ đơ̆ng adrĕch âu chĕp ba tơ adrĕch nai; mă-lei lăm adrĕch bơngai Isơrael iŏk bơwei teh jang sa kơdih noh.

Rom 14:15

Na đơ̆ng âu tơ anăp dah 'nhŏng oh bơngai lui bơ̆n khan 'nĕ kơ sa tơmam noh bơ̆n giĕng, bơ̆n kư̆m 'nĕ kơ sa kiơ̆ kơ sư khan. Dah bơ̆n kư̆ kơ sa, đe jô̆ bưh kiơ bưh, noh ưh kơ 'lơ̆ng ôh, hli kơ sư hơwơ̆l, dang bơ̆n pơyoch sư mơ̆n. Păng bơ̆n jing ưh kơ đei tơdrong 'mêm kơ 'nhŏng oh thoi Yêsu lôch tang bơ̆n, yua kơ hơlŏng bơlŭk bơ̆n đĕch.

Galati 5:12

Lu sư juăt kơ pơlung iĕm đe kăt tơdra akar, lei lu sư kuă kơ kiơ kơ hlach akar sư kơdih mă tih wă kơ trŏ 'biơ̆?

Both 13:3

Na 'nĕ kơ mơ̆ng ôh nơ̆r bơngai khan lê̆ adrol noh dah lu bơngai apo noh roi, yua kơ Kră Yang 'Bok Kei-Dei lu iĕm pơlong lăng lu iĕm, wă băt kơ lu iĕm hăm đĭ jơhngơ̆m klơm klak đĭ đon tơchĕng 'mêm kơ Kră Yang 'Bok Kei-Dei lu iĕm dah ưh.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.

I Sam 18:10

Năr đơ̆ng rŏng, Kră Yang 'Bok Kei-Dei ăn Yang kơnê̆ mơ̆t lăm Sôl; sư hli tơrơ pơma kư̆ kă lăm hnam sư, thoi bơngai wơnh, na Đawit reh brŏ thoi krô hmă. Sôl chĕp minh hlak tơju tơ ti sư.

I Sam 24:9

Đawit khan kơ Sôl: Yua kơ kiơ pơtao mơ̆ng dôm lu nơ̆r đe khan: Đawit chă wă pơrăm pơtao?

I Sam 25:24

Thoi noh sư kŭp kơ̆l 'bơ̆t jơ̆ng na pơma khan thoi âu: Ơ yŏng tơ'ngla, inh glăi, glăi inh! Apinh đĭch đam ih âu gơh pơma roi hăm ih; apinh mơ̆ng bĕ dôm lu nơ̆r đĭch đam ih âu.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.