I Sam 26:10 - Sơ̆p Hlabơar Nơ̆r 'Bok Kei-Dei

¹⁰ Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,

I Sam 26:10 Iomraidhean Croise

Bl 47:29

Kơplah lăm năr sư wă jê̆ lôch, Isơrael krao Jôsep, kon drŏ-nglo sư păng khan thoi âu: Tơdah 'bă đei tơdrong pŭn hiôk 'bơ̆t anăp kon, dan bĕ ti 'bơ̆t blu 'bă lui gơnang đĭ gơh găt păng pơm tơpăt hăm 'bă, apinh kon 'nĕ kơ 'bŭ 'bă tơ teh đak Êyiptơ âu hŏ.

Jop 14:14

Bơngai lôch, hăm gơh iung arih dơ̆ng? Đĭ-đăng năr jang gleh glăn inh, inh răp gô tơ̆p mă inh gơh lĕch.

Jop 14:5

Khei 'năr kon bơngai arih Kră Yang đĭ hơgăt lê̆ bơih. Kră Yang băt đĭ kơsô̆ khei 'năr sư arih Kră Yang hơgăt lê̆ bơih năr tôch sư, lei sư ưh kơ gơh arih hloh kơ năr noh.

Jop 7:1

“Chăl arih kon bơngai kơpal teh thoi bơngai linh jang gleh lap, hăm trŏ năr sư arih thoi bơngai jang apah kơ năr?

Horiso 37:10

Pă 'biơ̆ kơnh lu bơngai kơnê̆ ưh pă đei. Mă Ih chă lăng tơ anih sư, kư̆m pă đei 'bôh dơ̆ng.

Horiso 37:13

Kră Yang gô hiĕk kơ lu sư, Yua kơ 'bôh khei 'năr wă phak lu sư wă jê̆ boih.b

Horiso 94:23

Kră Yang gô pơm tơwih yua kơ tơdrong yoch lu sư. Kră Yang gô pơlôch lu sư yua kơ tơdrong lu sư pơm kơnê̆; Kră Yang 'Bok Kei-Dei gô pơlôch pơrăm lu sư.

Bôk Bơthô 3:2

Đei năr tơpŭ, đei khei năr lôch; Đei năr pơtăm, đei khei năr kĕch yuă;

Luka 18:7

Pơma kơ kiơ kơ 'Bok Kei-Dei Sư gô tơdŏng tơpă lu bơngai mă Sư đĭ rơih boih mă oei krao khan kơ Sư măng năr. 'Bok Kei-Dei hăm ngê̆ gô đunh ưh?

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Both 31:14

Kră Yang khan kơ Môis: Năr ih lôch wă jê̆ boih; ih krao Jôsuê na măr iĕm năm 'bơ̆t anăp Inh tơ Bơsŭn Anih Akŭm. Tơ noh Inh wă pơjao ăn kơ Jôsuê jang. Thoi noh, Môis păng Jôsuê năm truh tơ Bơsŭn Anih Akŭm.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Hêbrơ 10:30

Yua kơ 'Bok Kei-Dei khan sơ̆ boih thoi âu: “Lê̆ kơ Inh pơm tơwih kơ lu bơngai pơm kơnê̆.” Sư khan dơ̆ng thoi âu: “Inh gô sek tơlang lu kon pơlei pơla Inh.” Sư khan thoi noh, bơ̆n băt kơ Sư wă pơm tơpă.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

Tơdrông Tơ'bôh 18:8

Yua kơ sư khan thoi noh na lăm minh năr hloi dôm tơdrong pơmat truh hloi kơ sư, tơdrong lôch, tơdrong nhơ̆m hmoi, tơdrong pơngot rơwĕt, tơdrong truh ŭnh sa pơlei pơla sư. 'Bok Kei-Dei Yang tih tên grên gô phak thoi noh tơpă.”

I Sam 24:12

Apinh Kră Yang gô sek tơlang ih păng inh. Kră Yang gô pơm 'mong kơ ih ăn kơ inh, mă-lei gah inh ưh kơ đei pơm kiơ truh kơ akâu jăn ih.

I Sam 24:15

Apinh, Kră Yang gô pơm kơdranh sek tơlang ih păng inh. Sư gô lăng lăng păng dŏng inh păng sek tơlang tơpăt na dŏng pơklaih inh đơ̆ng tơpang ti ih.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!

I Sam 25:38

Dang mơjĭt năr đơ̆ng rŏng Kră Yang pơlôch Nabal na sư lôch hloi.

I Sam 25:39

Đawit kơtơ̆ng ang Nabal lôch boih, sư khan: Trŏ kơkuh bơnê ư-ang kơ Kră Yang. Sư dŏng tơgŭm inh pơm mong kơ Nabal yua kơ sư pơm kơnê̆ kơ inh păng bơwei inh đĭch đam Sư wă kơ huay kơ pơm kơnê̆! Kră Yang tuh boih tơdrong kơnê̆ Nabal tơ kơ̆l sư kơdih! Na, Đawit wơh bơngai năm apinh Abigail pơm akăn sư

I Sam 31:4

Sôl khan kơ bơngai chĕp tơmam tơblah sư: Toh bĕ tơju ih, 'bet inh wăi, kơnh lu bơngai ưh kơ chu kăt tơdra akar 'bet inh păng gô che bơle kơ inh. Mă-lei bơngai mă chĕp tơmam sư tơblah ưh kơ pơ̆n 'bet, yua kơ hli dêh; Sôl iŏk tơju glơ̆m akâu sư kơdih.

I Sam 31:6

Thoi noh lăm năr noh pêng 'nu kon drŏ-nglo Sôl, bơngai mă chĕp tơmam tơblah Sôl păng đĭ-đăng lu bơngai kiơ̆ sư kư̆m wăng lôch hơdai.