I Sam 22:8 - Sơ̆p Hlabơar Nơ̆r 'Bok Kei-Dei

⁸ Liơ đĭ-đăng kơ lu iĕm pơm đon ayăt kơ inh? Yua kơ kiơ lu iĕm ưh kơ roi ăn kơ inh băt kon drŏ-nglo inh pơgơ̆p pơkă pơm buăl hăm kon drŏ-nglo Jese? Yua kơ kiơ ưh kơ đei bơngai bu 'mêm mơmat kơ inh, roi ăn kơ inh băt lê̆ adrol kon drŏ-nglo inh hlôi pơm ăn kơ đĭch đam inh ayăt hăm inh, chă đon pơrăm inh, thoi sư oei pơm dang ei?

I Sam 22:8 Iomraidhean Croise

II Pot 6:11

Jơhngơ̆m pơtao đe Aram rŭng răng kơ tơdrong noh, na krao lu đĭch đam sư păng khan: Liơ iĕm ưh kơ roi ăn kơ inh, bơngai bu mơ̆t pơtao đe Isơrael?

Jop 33:16

Kră Yang pơih đon wă kơ lu sư mơ̆ng. Pơsĭt nơ̆r chrih bơtho tơhli lu sư wă kơchăng.

I Sam 18:1

Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

I Sam 20:2

Jônathan tơl sư: Ưh, ih huay kơ lôch ôh. 'Bă inh ưh kơ đei pơm kiơ, mă tơdrong tih dah tơdrong iĕ, khan ưh kơ roi kơ inh. Na 'bă inh wă ôn kơ inh tơdrong 'nâu ah? Ưh kơ đei ôh.

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.

I Sam 20:8

Apinh ih răk nơ̆r ih pơkă hăm inh đĭch đam ih, yua kơ ih đei pơkă anăn Kră Yang mă pơgơ̆p hăm đĭch đam ih. Dah inh đei yoch kiơ, apinh ih jah pơlôch inh bĕ; ngĕ kơ kiơ ba inh tơ 'bă ih?

I Sam 22:13

Sôl khan dơ̆ng: Yua kơ kiơ ih pơm đon hăm kon drŏ-nglo Jese mă ayăt hăm inh? Ih asong ăn kơ sư 'bĕng sa, na ăn kơ sư minh hlak tơju, krao apinh Kră Yang 'Bok Kei-Dei tơgŭm sư, wă kơ sư tung blah inh, chă đon wă pơrăm inh, thoi sư oei pơm năr 'nâu?

I Sam 23:21

Sôl tơl: Hơpơi kơ Kră Yang ăn pŭn hiôk kơ lu iĕm, yua kơ lu iĕm đei jơhngơ̆m băt mơnat kơ inh!