I Sam 22:2 - Sơ̆p Hlabơar Nơ̆r 'Bok Kei-Dei

² Kŭm đei lu bơngai pơmat-tat, lu bơngai hre đom păng lu bơngai đei jơhngơ̆m ơh sơ'ngon kư̆m wang jur akŭm hơdai hăm sư, na sư pơm kơ̆l lu đe ei; thoi noh lu sư đei dang puăn-hrĕng 'nu bơngai.

I Sam 22:2 Iomraidhean Croise

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

II Pot 20:5

“Wơ̆t brŏk bĕ, khan kơ Hesekia, pơtao lu kon pơlei Inh, Kră Yang 'Bok kei-Dei Đawit 'bok kơdră ih khan: Inh kơtơ̆ng bơih nơ̆r ih krao khan, 'bôh ih nhơ̆m lĕch đak măt; 'nâu Inh gô pơklaih jĭ ih; truh tơ năr mă pêng ih gô năm tơ hnam Kră Yang.

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

Tơdrông Pơđơk 31:6

Ăn bĕ tơdrô et suai kơ bơngai wă jê̆ lôch, Ăn kơ lu bơngai ơh sơ'ngon dêh.

Mathiơ 11:12

Đơ̆ng Yôhan bơtho sơ̆ truh dang ei đei lơ bơngai adrin tơpă wă kơ 'Bok Kei-Dei pơgơ̆r lu sư.

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

Lu 11:3

Đơ̆ng noh Jeptha kơdâu jăk ataih đơ̆ng lu 'nhŏng oh sư, sư oei lăm tơring Tôp; tơ noh đei lu bơngai pơm kơchu, lu sư pơm jơhngơ̆m đon păng Jeptha;

Lu 18:25

Bơngai Đan tơl Mika: 'Nĕ pă ăn nhôn kơtơ̆ng nơ̆r ih dơ̆ng, hli kơ đei bơngai blĕk ơh blah iŏk rôp ih pơlôch tơhiong tơdrong arih ih, hăm tơdrong arih hnam dơnŏ ih.

I Sam 1:10

Hana jơhngơ̆m sư rŭng răng ưh kơsŭk sư krao apinh Kră Yang sư nhơ̆m sơ'ngon dêh.

I Sam 22:3

Đơ̆ng noh Đawit năm tơ pơlei Mispa lăm dêh Môap, na sư pơma dơnuh hăm pơtao Môap: Apinh ih asong ăn kơ lu mĕ 'bă inh năm oei hơdai hăm ih dĭng truh tơ inh băt dôm tơdrong kiơ Kră Yang 'Bok Kei-Dei gô pơm ăn kơ inh.

I Sam 23:13

Đawit hăm lu bơngai kiơ̆ sư, dang tơdrâu-hrĕng 'nu bơngai lu sư iung lĕch đơ̆ng pơlei Kêila păng năm tơ anih ayơ mă gơh oei. Sôl băt kơ Đawit lĕch hlôi boih đơ̆ng Kêila, na ưh pă năm blah dơ̆ng.

I Sam 25:13

Đawit khan kơ lu bơngai kiơ̆ sư: Rim 'nu kơ lu bơ̆n athei tơ̆n đao bơ̆n. Lu sư tơ̆n đao păng Đawit kư̆m tơ̆n đao sư; dang puăn-hrĕng 'nu bơngai năm kiơ̆ Đawit, oei pă 'bar-hrĕng 'nu bơngai oei răp gô wei tơmam.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.

I Sam 9:16

Năr dơning, kư̆m lăm jơ 'nâu mơ̆n, inh gô wơh minh 'nu bơngai đơ̆ng lăm dêh Bênjamin năm tơ'bơ̆p ih, ih gô tuh đak pơgang ăn kơ sư pơm pơtao đe Isơrael. Sư gô dŏng pơklaih kon pơlei Inh đơ̆ng ti đe Philistin; yua kơ Inh 'blŏk mơnat kơ kon pơlei Inh păng nơ̆r lu sư ôr krao kơtơ̆ng truh tơ Inh.