I Sam 22:10 - Sơ̆p Hlabơar Nơ̆r 'Bok Kei-Dei

¹⁰ Ahimelek krao apinh Kră Yang tơgŭm păng đei ăn tơmam sa kơ sư, kư̆m ăn kơ sư tơju Gôliat, bơngai Philistin.

I Sam 22:10 Iomraidhean Croise

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

I Sam 10:22

Na lu sư jet Kră Yang dơ̆ng: Hăm pă đei bu nai năm tơ âu dơ̆ng? Kră Yang tơl: To, sư ôn lăm anih lê̆ tơmam noh.

I Sam 21:10

Đawit iung năr noh sư oei ôn kơ Sôl năm truh tơ Akis, pơtao Gat.

I Sam 22:11

Pơtao wơh bơngai năm krao Ahimelek, kon drŏ-nglo Ahitup, jơ̆ 'bok soi tơm hăm đĭ-đăng hnam dơnŏ 'bă sư, pơm 'bok soi mă oei lăm pơlei Nŏp; đĭ-đăng kơ lu sư năm tơ pơtao.

I Sam 22:13

Sôl khan dơ̆ng: Yua kơ kiơ ih pơm đon hăm kon drŏ-nglo Jese mă ayăt hăm inh? Ih asong ăn kơ sư 'bĕng sa, na ăn kơ sư minh hlak tơju, krao apinh Kră Yang 'Bok Kei-Dei tơgŭm sư, wă kơ sư tung blah inh, chă đon wă pơrăm inh, thoi sư oei pơm năr 'nâu?

I Sam 22:15

Hăm trŏ kơ 'nao năr 'nâu đĕch inh krao khan, apinh Kră Yang 'Bok Kei-Dei ăn kơ sư? Tơpă inh ưh kơ đei pơm thoi noh! Apinh pơtao 'nĕ kơ ngeh minh nơ̆r ayơ ăn kơ đĭch đam pơtao dah ăn kơ bơngai bu lăm hnam 'bă inh; yua kơ bơngai mă đĭch đam pơtao ưh kơ băt kơ tơdrong kiơ, tŏ sĕt dah lơ, gah tơdrong noh.

I Sam 23:12

Đawit apinh dơ̆ng: Lu kon pơlei Kêila gô jao inh păng lu bơngai kiơ̆ inh lăm tơpang ti Sôl hă? Kră Yang tơl: Lu sư gô jao lu iĕm.

I Sam 23:2

Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.