I Sam 21:7 - Sơ̆p Hlabơar Nơ̆r 'Bok Kei-Dei

⁷ Lăm năr noh, đei minh 'nu đĭch đam Sôl oei tơ noh mơ̆n, đe gơ̆t lê̆ sư lăm hnam akŭm 'bơ̆t anăp Kră Yang, anăn sư Đôe bơngai Eđôm, pơgơ̆r lu bơngai wei triu Sôl.

I Sam 21:7 Iomraidhean Croise

Bl 26:20

Lu bơngai wei triu tơ Gêrar, tơgar hăm lu bơngai wei triu Isăk, lu sư khan sơlŭng đak âu sơlŭng đak lu nhôn. Na Isăk anăn đak sơlŭng âu Êseta yua kơ lu bơngai wei triu nai tơgar đơ̆ng lu sư.

I Ho 27:29

Sitrai, bơngai Sarôn, wei-lăng lu khŭl rơmo lăm tơmăn glă Sarôn. Saphat kon drŏ-nglo Attai wei-lăng khŭl rơmo lăm thŭng dơnă;

I Ho 27:31

Jasis, bơngai Hagrit, wei-lăng khŭl triu. Đĭ-đăng lu bơngai 'nâu lu bơngai pơm yŏng wei-lăng lu mŭk tơmam pơtao Đawit.

II Ho 26:10

Sư kư̆m pơm lơ hnam thôt tơ lăm tơmăn glă păng đei sir sơlŭng đak, yua kơ sư đei sem dơrong tơ kơpal groi tơ lăm thŭng glă; kư̆m đei lơ bơngai pơm mir, pơgar hơmu tơ kơpal kông groi păng tơ teh mơ̆r, pơtao sư 'maih jang mir 'ba.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Lêwi 22:10

Minh 'nu bơngai tơmoi ưh kơ gơh sa tơmam rơgoh 'lơ̆ng ôh, bơngai tơmoi chă oei lăm hnam 'bok soi dah bơngai chă jang mưng kơ đe kư̆m ưh kơ gơh sa tơmam rơgoh 'lơ̆ng.

Lêwi 22:13

Păng tơdah kon adruh 'bok soi adro, dah klo sư achăng lê̆, ưh kơ đei hơ'lơ̆p ôh, na wih brŏk tơ hnam 'bă sư thoi oei 'lơ̆p sơ̆ lei sư gơh sa tơmam 'bă sư. Mă-lei ưh kơ đei bơngai tơmoi ayơ gơh sa tơmam noh ôh.

Lêwi 24:5

Ih athei iŏk tơpŭng pơtŏ tơ ŭnh pơm mơjĭt-'bar tŏ 'bĕng, minh pôm 'bĕng man iŏk 'bar lăm mơjĭt êpha tơpŭng.a

Lêwi 24:8

Rim wơ̆t năr pơdơh Sa'bat Arôn gô săp pơrĕng 'bĕng âu ling-lang 'bơ̆t anăp Kră Yang, tơmam âu đơ̆ng kon pơlei pơla Isơrael pơyơ̆r, noh jơ̆ minh tơdrong pơgơ̆p ling-lang.

Am 8:5

Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Mathiơ 15:8

‘Lu bơngai âu ư-ang kơ Inh păng 'bơ̆r đĕch, jơhngơ̆m klơm klak sư ataih đơ̆ng Inh.

I Sam 11:5

Kơplah ei, Sôl 'nao wă brŏk đơ̆ng chŭn, năm đơ̆ng rŏng kơ rơmo sư; na sư jet: Iĕm nhơ̆m kơ kiơ hah? Na đe roi kơ sư dôm nơ̆r đơ̆ng pơlei Jabes năm chă khan ei.

I Sam 14:47

Đơ̆ng rŏng kơ Sôl pơm pơtao pơgơ̆r teh đak Isơrael, na sư tơblah hăm bơngai ayăt kơ sư puăn pah, wă khan sư tơblah hăm bơngai Môap, Ammôn, Eđôm, lu pơtao Sôba păng hăm bơngai Philistin; sư tơblah tơ yơ, kư̆m jei sư ngăl.

I Sam 21:8

Đawit jet Ahimelek: 'Bok soi, ih hăm đei tơju đah dao ayơ? Inh ưh kơ đei chĕp ba dao dah tơju tơmam kiơ ôh, yua kơ pơtao wơh inh hăt hot dêh.

I Sam 22:10

Ahimelek krao apinh Kră Yang tơgŭm păng đei ăn tơmam sa kơ sư, kư̆m ăn kơ sư tơju Gôliat, bơngai Philistin.

I Sam 22:22

Đawit tơl Abiathar: Lăm năr noh, inh băt hơđăl kơ Đôe, bơngai Eđôm, sư kư̆m đei măt tơ noh mơ̆n, rŏ lăng sư roi ăn kơ Sôl. Inh gô pŭ đĭ kơ tơdrong lôch đĭ-đăng hnam 'bă ih.

I Sam 22:9

Đôe bơngai Eđôm, wei pơgơ̆r lu đĭch đam Sôl tơl thoi âu: Inh 'bôh kon drŏ-nglo Jese năm tơ pơlei Nŏp, mơ̆t lăm hnam Ahimelek, kon drŏ-nglo Ahitup;