I Sam 21:11 - Sơ̆p Hlabơar Nơ̆r 'Bok Kei-Dei

¹¹ Lu đĭch đam Akis jet: 'Nâu hăm trŏ kơ Đawit, pơtao dêh noh dah kiơ? Hăm trŏ kơ Đawit 'nâu mă lu bơngai drŏ-kăn hơri suang khan: Sôl pơlôch rơbâu rơbâu 'nu, gah Đawit pơlôch mơjĭt-rơbâu rơbâu 'nu?

I Sam 21:11 Iomraidhean Croise

Horiso 34:1

Inh gô ư-ang akâu Kră Yang ling-lang. Tơdrong ư-ang kơ Sư oei 'bơ̆t hơkŭng inh

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 19:18

Kơplah noh, Đawit kơdâu klĕnh sư năm tơ Samuel tơ Rama, roi ăn kơ Samuel dôm tơdrong mă Sôl pơm kơ sư. Na Đawit hăm Samuel năm, oei tơ Naiôt.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.

I Sam 27:2

Thoi noh, Đawit iung năm hăm tơdrong hrĕng 'nu bơngai kiơ̆ sư, tŏk hlôi năm truh tơ Akis, sư pơtao Gat kon drŏ-nglo Maok.

I Sam 29:5

Ih athei băt Đawit 'nâu boih mă lu adruh hơri suang khan: Sôl pơlôch rơbâu rơbâu 'nu đĕch, gah Đawit pơlôch mơjĭt-rơbâu rơbâu.