I Sam 20:8 - Sơ̆p Hlabơar Nơ̆r 'Bok Kei-Dei

⁸ Apinh ih răk nơ̆r ih pơkă hăm inh đĭch đam ih, yua kơ ih đei pơkă anăn Kră Yang mă pơgơ̆p hăm đĭch đam ih. Dah inh đei yoch kiơ, apinh ih jah pơlôch inh bĕ; ngĕ kơ kiơ ba inh tơ 'bă ih?

I Sam 20:8 Iomraidhean Croise

Bl 24:49

Thoi noh dang ei, dah lu iĕm wă đei jơhngơ̆m 'lơ̆ng păng tơpăt hăm yŏng tơ'ngla inh, apinh pơdah ăn kơ inh tơdrong noh, mă khan ưh kư̆m apinh roi tơbăt, wă kơ inh wih brŏk roi thoi yơ.”

Bl 47:29

Kơplah lăm năr sư wă jê̆ lôch, Isơrael krao Jôsep, kon drŏ-nglo sư păng khan thoi âu: Tơdah 'bă đei tơdrong pŭn hiôk 'bơ̆t anăp kon, dan bĕ ti 'bơ̆t blu 'bă lui gơnang đĭ gơh găt păng pơm tơpăt hăm 'bă, apinh kon 'nĕ kơ 'bŭ 'bă tơ teh đak Êyiptơ âu hŏ.

II Sam 14:32

Apsalôm tơl sư: “Inh wơh bơngai năm krao ih, năm tơ âu. Inh wă kơ ih năm pơma dơnuh hăm pơtao tơgŭm inh. Inh đơ̆ng dêh Gêsur wih tơ âu wă pơm kiơ? Kơtrơ̆m lê̆ inh oei tơ noh đĕch 'lơ̆ng hloh. Na dang ei, inh 'maih năm lĕch tơ'bơ̆p pơtao; tơdah inh đei tơdrong yoch kơnê̆ kiơ, apinh pơtao jah pơlôch inh bĕ.”

I Ho 12:17

Đawit lĕch sơng lu sư păng khan: “Tơdah lu iĕm năm hăm tơdrong hiôk-hian păng wă tơgŭm inh lei jơhngơ̆m inh gô pơgơ̆p hăm lu iĕm; tơdah lu iĕm hơlĕnh blah inh wă tơgŭm kơ lu bơngai ayăt, lei apinh Kră Yang 'Bok Kei-Dei 'bok bơ̆n sek lăng păng phak lu iĕm; yua kơ ti inh ưh kơ đei pơm tơdrong kơnê̆ kiơ.”

Horiso 116:11

Lăm năr inh hli tơtăm inh khan: “Rim 'nu bơngai tă kơ pơma hơlĕnh ngăl.”

Tơdrông Pơđơk 3:3

'Nĕ kơ lê̆ ôh tơdrong 'mêm mơnat păng tơnăp, 'Băk sư tơ hơko ih, chih răk sư tơ lăm jơhngơ̆m ih.

Jang 25:11

Tơdah inh pơm kơnê̆ kơ sư lei trŏ kơ inh lôch, inh gơh chu lôch kư̆m bưh. Tơdah lu sư jâu inh ưh kơ đei tơdrong kiơ lei ưh kơ đei bu gơh jao inh tơ lu sư. Na dang ei inh apinh Sêsar, 'bok pơtao tơm bơngai Rôm đĕch sek tơlang tơdrong inh dang ei.”

Jôsuê 2:14

Bre noh tơl: Yua kơ ih ăn kơ nhi oei arih, nhi kư̆m gô ăn kơ ih oei arih mơ̆n, tơdah ih ưh kơ roi kơ đe tơdrong jang lu nhôn âu, lei lu nhôn gô pơm 'lơ̆ng kơ ih păng gô pơm trŏ thoi nhôn pơkă, kơplah năr mă Kră Yang ăn dêh char âu kơ nhôn.

Jôsuê 22:22

Kră Yang 'Bok Kei-Dei oei Tih Hloh, Kră Yang 'Bok Kei-Dei Tih Hloh mơsêh mơyang băt tơdrong noh păng Isơrael gô băt! Tơdah 'nâu minh tơdrong blah păng ưh kơ chu kiơ̆ nơ̆r Kră Yang noh lei dang ei apinh Kră Yang 'nĕ pă ăn lu nhôn arih.

Ru 1:8

Naômi khan kơ bre mŏ mai sư thoi âu: Năm bĕ măr iĕm wih brŏk tơ hnam mĕ iĕm kơdih. Apinh Kră Yang ăn kơ măr iĕm pŭn hiôk, kư̆m thoi măr iĕm đei pơm 'lơ̆ng kơ inh hăm lu bơngai lôch noh.

I Sam 18:1

Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

I Sam 20:16

Na, Jônathan pơgơ̆p hăm Đawit păng hnam dơnŏ sư. Apinh Kră Yang phak lu bơngai ayăt kơ Đawit. Dah lu sư ưh kơ 'blŏk kơ tơdrong pơgơ̆p ba.

I Sam 20:9

Jônathan tơl: 'Nĕ kơ tơchĕng kư̆ kă thoi noh! Tơdah inh băt tơpă kơ 'bă inh chă đon wă pơlôch ih, lei inh kư̆m ưh kơ roi kơ ih hă?

I Sam 23:18

'Bar 'nu bre sư kư̆m pơgơ̆p pơkă 'bơ̆t anăp Kră Yang; na Đawit oei lăm Hơres dơ̆ng, gah Jônathan wih brŏk tơ hnam sư.